Johana 8:53 - ÎVUKU RÎA ÛVORO MWARO

⁵³ We nîkwa ûrî mûnene gûkîra Iburahimu îthe wetû ûrîa wakuire? Arathi wa nao nîmaakuire. Nîkwa ûreciria we ûrî û?”

Johana 8:53 ပူးပေါင်းရင်းမြစ်များ

Isaia 9:6

Nîûndû nîtûciarîrîtwe kaana. Nîtûvetwe kaana ga kavîcî. Na nîkavetwe vinya wa kwathana. Gageetwa, “Mûtaarani wa Magegania, Ngai mwene vinya wonthe, Vava wa Tene na tene, Mûthamaki wa Thayû.”

Mathaayo 12:6

Nie nîramwîra atî, ava varî na ûndû mûnene gûkîra hekarû.

Mathaayo 3:9

Mûtigecirie atî mûtikaaverithua mûkîîraga atî Iburahimu nî îthe wenyu wa tene. Nîramwîra ûguo nîûndû Ngai nwa atûme rûciaro rwa Iburahimu rûciarwe kuuma mathigarî mama.

Johana 10:33

Nao nîmaamûcokerie atîrî, “Tûtirenda gûkûûraga nîûndû wa gwîka maûndû maro, nwatî nîûndû nîwaruma Ngai! We wî mûndû tu, nwatî ûrageria gwîtua Ngai!”

Johana 12:34

Nakîo kîrîndî nîgîacokirie atîrî, “Watho wetû ûtwîraga atî Mesaya agaatûûra tene na tene. Kûngîvoteka atîa ûtwîre atî Mûrû wa Mûndû nwa nginya ambatue? Mûrû wa Mûndû ûcio nû?”

Johana 19:7

Nao Ayahudi nîmaamûcokerie atîrî, “Watho wetû ugaga atî ke aagîrîrwe nî kûûragwa nîûndû nîwîtuîte Mûriû wa Ngai.”

Johana 4:12

Nî Jakovu îthe wetû wa tene watûveere kîthima gîkî. Ke mwene, ciana ciake na ndîthia yake nîmaanyuire manjî ma kîthima gîkî. We ûrenda kuga atî wî mûnene gûkîra Jakovu?”

Johana 5:18

Rîrîa Jesû aaugire ûguo, Ayahudi nîmaagîre na kîîo kîîngî mûno gîa kwenda kûmûûraga. Meendaga gwîka ûguo tî nîûndû atî nîwaunîte watho wîgiî mûthenya wa thavatû, nwatî nîûndû nîwaugîte atî Ngai nî îthe kwoguo akeîganania na Ngai.

Johana 8:58

Jesû nîwamacokerie atîrî, “Nîramwîra na ma atî Iburahimu atarî mûciare, ‘Nie naarî wa kuo.’ ”

Aroma 9:5

Nî a mbarî ya methe metû ma tene na Kristû ta mûndû, nwa wa rûrîrî rwao. Ngai ûrîa wathaga maûndû monthe arogoocwa tene na tene! Ameni.