Johana 8:52 - ÎVUKU RÎA ÛVORO MWARO

⁵² Nao Ayahudi nîmaamwîrire atîrî, “Rîu nîtwamenya na ma atî we ûrî na ngoma! Iburahimu na arathi onthe nîmaakuire, nwatî we ûratwîra atî mûndû wa wonthe wathîkagîra ciugo ciaku ndagaakua.

Johana 8:52 ပူးပေါင်းရင်းမြစ်များ

Mathaayo 11:18

Na rîrîa Johana aaûkire nîwenyerekirie na ndaanyua ndivei. Nao andû onthe nîmaaugire atî, ke arî na ndaimono.

Johana 1:19

Atongoria a Ayahudi marî Jerusalemu, nîmaatûmire athînjîri-Ngai na Alawi mathiî kûrî Johana makamûrie atîrî, “We wî û?”

Johana 14:23

Nake Jesû nîwamûcokerie atîrî, “Mûndû wa wonthe ûmendete nîwathîkagîra ciugo ciakwa. Vava nîamwendete, na nie tûrî na Vava nîtûkaga kûrî ke na tûgatûûrania nake.

Johana 15:20

Taririkanani ûrîa namwîrire atî: ‘Gûtirî ngombo nene gûkîra mûmîathi.’ Angîthîrwa andû nîmaanyaririre, wa namue nîmakaamûnyarira. Ethîrwa nîmaathîkîre ciugo ciakwa, wana nginya cienyu nîmagaaciathîkîra.

Johana 17:6

“Nîndûmîte ûmenyekane nî andû a gûkû nthî arîa wamvere. O maarî aku, nawe nîwamûvere o na makîathîkîra ciugo ciaku.

Johana 7:20

Nao andû nîmaamûcokerie atîrî, “We wîna ngoma! Nû ûrenda gûkûûraga?”

Johana 8:22

Kwoguo Ayahudi nîmeeranire atîrî, “Ke arauga atî tûtingîvota kûthiî kûrîa akûthiî. Nîkwa arenda kuga atî nîakwîyûraga?”

Johana 8:48

Nao Ayahudi nîmaaûririe Jesû atîrî, “Na kinthî tue tûtiraria ûma tûkiuga atî we ûrî Mûsamaria na ûrî na ngoma?”

Johana 8:51

Nîramwîra na ma atî: mûndû wa wonthe wathîkagîra ciugo ciakwa ndagaakua.”

Johana 8:55

Mue mûtianamûmenya, nwatî nie nînîmwîcî. Angîthîrwa nwa mbuge ndimwîcî, nîngîthîrwa nîrî mûthaani wa tamue. Nwatî nie nînîmwîcî na nîmbathîkagîra kiugo gîake.

Johana 9:24

Na riita rîa kaîrî Ayahudi nîmeetire mûndû ûrîa waciarîtwe arî mûtumumu na makîmwîra atîrî, “Aria ûma mbere ya Ngai! Tue nîtwîcî atî mûndû ûrîa ûraakûvonirie nî mwîvia.”

Ahib 11:13

Andû acio onthe maakwire marî na wîtîkio. Matianyita indo irîa Ngai aamerîrîte, nwatî marî wa kûraca nîmoonaga indo icio na magaikenagîra. Nao nîmeetîkîtie atî nî ageni na evîtûkîri gûkû nthî.

Ahib 2:9

Nwatî twonaga Jesû ûrîa gwa kavinda kanini watuirwe mûnini gûkîra araika, nîguo na njîra ya wega wa Ngai akue nîûndû wa andû onthe. Na rîu tûmwonaga ekîrîte nthûmbî îrî na riiri na gîtîîo nîûndû wa ûrîa aathînirue na agîkua.