Johana 7:7 - ÎVUKU RÎA ÛVORO MWARO

⁷ Andû a nthî matingîmûmena, nwatî nie nîmamenete nîûndû nînîmeraga atî nîmekaga maûndû macûku.

Johana 7:7 ပူးပေါင်းရင်းမြစ်များ

1Atha 21:20

Ahabu nîwaûririe Elija atîrî, “Anga we nthû yakwa nîwamona?” Nake Elija nîwacokirie atîrî, “Nînakwona nîûndû nîwîrutîrîte viû gwîka maûndû macûku mbere ya Ngai-Mûnene.

1Atha 22:8

Ahabu, mûthamaki wa Isiraeli nîwacokirie atîrî, “Kûrî na mûrathi wa Ngai-Mûnene ûmwe ûtigarîte, Mikaia, mûvîcî wa Imula. Nwatî ndimwendete nîûndû ndaanaratha wanarî ûndû mwaro ûmbîgiî; vîndî cionthe andathagîra maûndû mama macûku.” Jehoshafati nîwamûcokerie atîrî, “Mûthamaki, ndwagîrîrwe nî kuga ûguo!”

Thaburi 109:5

Nîmekaga maûndû maro nao makandîva na maûndû macûku, nînîmendete, nwatî o nîmamenete.

Nthi 15:12

Andû arîa etîi matiendaga kûrutwa mavîtia; matiûragia ûtaaro kûrî andû arîa aûgî kûrî o.

Nthi 8:36

Nwatî arîa matamonaga metivagia o ene, arîa mamenete nîmendete gîkuû.”

Isaia 29:21

Ngai nîagaacûkangia arîa marutaga ûira wa maveeni nîguo mûndû atuwe mwîvia, arîa mavîtithagia atucanîri ciira magootirî, na arîa maragia maveeni, nîguo maime arîa matarî na mavîtia kîvooto Kîamo.

Isaia 49:7

Ngai-Mûnene mûkûri wa Isiraeli na ûrîa Mûtheru wake, arera ûrîa ûnyararîtwe mûno, ûrîa ûmenetwe nî andû a mavûrûri na nî ndungata ya athamaki atîrî, “Athamaki nîmagaakwona na marûngame magûtîîe; anene wanao nîmakenamîrîria mothiû mao magûtîîe.” Mageeka ûguo nîûndû wa ûrîa nie Ngai-Mûnene nîrî mwîvokeku, Ûrîa Mûtheru wa Isiraeli, nîke ûkûthuurîte.

Jeremia 20:8

Nîûndû rîrîa ngwaria ûndû nîkwa ndetaga, na ngaugîrîria atî: “Mbaara na gûcûkangia!” Nîûndû kiugo Kîam Ngai-Mûnene kûrî nie gîtuîkîte gîa kûmenereria na kûnyararithia mûthenya wonthe.

Alawi 13:10

Mûthînjîri-Ngai nîakaamûroria. Ethîrwa mûndû ûcio arî na îtoo rîîrî rîcerû ngothirî yake na rîgatûma njuîrî icerûve na rîrî na mavira,

Zakaria 11:8

Îvindarî rîa mweri ûmwe nînaûragire arîthi acio athatû acûku. Nînaaremirwe nîkwîguithania na ng'ondu icio na wanacio ikîmena.

Malaki 3:5

Ngai-Mûnene mwene vinya wonthe arauga atîrî, “Nîngaacoka nîmûkuvîvîrie nîguo nîmûtuîre cira. Ngethîrwa nîrî wa mbere kûruta ûira îgûrû rîgiî arogi, itharia, arîa marutaga ûira wa maveeni, arîa mavinyagîrîria arîa mandîkîte, aka a ndigwa, ciana cia ngoriai, arîa matonanagia kîvooto kûrî ageni, na arîa matangoocaga.

Luka 6:26

Na kaî mue andû arîa mûkumagua nî andû onthe mûrî na thîna-î! Nîûndû ûguo nwaguo methe ma andû acio meekire arathi a maveeni.”

Johana 17:14

Nînaamakinyîrie ndûmîrîri yaku na andû a gûkû nthî makîmamena nîûndû o tî a gûkû nthî wata ûrîa wa nanie ndarî wa gûkû nthî.

Johana 3:19

Andû matucagîrwa na njîra îno: ûtheri nîûrîkîtie gûka nthî, nwatî andû nîmendete nduma gûkîra ûrîa mendete ûtheri nîûndû ciîko ciao nî njûku.

Aroma 8:7

Kwoguo andû arîa mathagwa nî maûndû ma mwîrî methagîrwa marî ûthû na Ngai, nîûndû matiathîkagîra Watho wake, na matingîvota kûwathîkîra.

Agal 4:16

Nîkwa rîu nduîkîte nthû yenyu nîûndû wa kûmwîra ûma?

Jakuvu 4:4

Mue andû aya mûtarî evokeku! Anga mûtiîcî atî gûtuma ûrata na nthî nîgûtuîka nthû ya Ngai? Andû arîa meriragîria gûtuma ûrata na nthî nîmetucaga nthû cia Ngai.

1Joh 4:5

Arathi acio a maveeni nî a gûkû nthî, kwoguo maragia maûndû ma gûkû nthî. Nao andû a gûkû nthî nîmamathikagîrîria.