Johana 7:41 - ÎVUKU RÎA ÛVORO MWARO

⁴¹ Nao andû amwe nîmaaugire atîrî, “Ke nîke Mesaya!” Nwatî andû engî nîmaaugire atîrî, “Anga Mesaya akaauma îtûûrarî rîa Galili?

Johana 7:41 ပူးပေါင်းရင်းမြစ်များ

Johana 1:41

Ûndû wa mbere ûrîa Enderea eekire warî kûthiî kûrî mûrwang'ina Simoni na akîmwîra atîrî, “Tue nîtûronire Mesaya.” (Ûguo nîkuga Kristû)

Johana 1:46

Nake Nathanieli nîwaûririe Filipu atîrî, “Kûrî kîndû Kîamro kîngiuma îtûûrarî rîa Nazarethi?” Nake Filipu nîwamûcokerie atîrî, “Ûka ûkone.”

Johana 1:49

Nathanieli nîwacokerie Jesû atîrî, “Mwarimû, we nîwe Mûriû wa Ngai! Nîwe Mûthamaki wa Isiraeli”

Johana 4:25

Nake mûndûmûka ûcio nîwerire Jesû atîrî, “Nie nîmbîcî atî Mesaya nîagaaûka, na vîndî îrîa agaaûka agaatwîra maûndû monthe.”

Johana 4:29

“Ûkani mûkoone mûndû wambîra maûndû monthe marîa naneka. Nwa kûvoteke ethîrwe ke nîke Mesaya?”

Johana 4:42

Nao nîmeerire mûndûmûka ûcio atîrî, “Rîu tue nîtwetîkia, tî nîûndû atî nîûtûrutîre ûira, nwatî nîûndû tue ene nîtweîguîra na matû metû na twamenya atî Jesû nîke Mûvonokia wa andû onthe a nthî.”

Johana 6:69

Tue nîtwîtîkîtie na tûkamenya atî we nîwe ûrîa Mûtheru kuuma kûrî Ngai.”

Johana 7:27

Nwatî rîrîa Mesaya agaaûka, gûtirî mûndû wana ûmwe ûkaamenya kûrîa ke aumîte. Tuonthe nîtwîcî kûrîa mûndû ûyû aumîte.”

Johana 7:31

Nao andû eengî nîmaamwîtîkirie na makiuga atîrî, “Rîrîa Mesaya agaaûka, nîakaaringa ciama nyîngî gûkîra irîa cianaringwa nî mûndû ûyû?”

Johana 7:52

Nao nîmaamûcokerie atîrî, “Anga wa nawe wî wa kuuma îtûûrarî rîa Galili? Tuîria waro Mandîkorî Matheru wone atî gûtirî mûrathi ûkaauma îtûûrarî rîa Galili.”