Johana 7:4 - ÎVUKU RÎA ÛVORO MWARO

⁴ Mûndû wa wonthe wendaga kûmenyekana ndathithaga andû maûndû marîa ke areka. Ethîrwa we nîûreka maûndû mama, tiga andû onthe makûmenye!”

Johana 7:4 ပူးပေါင်းရင်းမြစ်များ

1Atha 22:13

Vîndî wa îo, ndungata îrîa yatûmîtwe kûrî Mikaia nîyamwîrire atîrî, “Arathi acio engî onthe nîmaratha atî mûthamaki nîakûvootana. Wanawe ratha maûndû maro wa tao.”

Mathaayo 23:5

Mekaga maûndû mao monthe nîguo monwe nî andû. Nîmaramagia ithitû ciao na nîmaracavagia mîcivi ya nguo ciao!

Mathaayo 4:6

Nayo nîyamwîrire atîrî, “Ethîrwa we nîwe Mûriû wa Ngai, îîrivanie nthî, nîûndû mandîko matheru maugîte atîrî, ‘Ngai nîakaatha araika ake makûmenyerere; nao nîmagagûtavîria na njara ciao, nîguo ndûkaringwe kûgûrû nî îthiga.’ ”

Mathaayo 6:16

“Na vîndî îrîa mûrenyerekia tigagani kwiria mothiû menyu ta ûrîa mvinga ciîkaga. Mvinga ciragia mothiû ma cio nîguo cionwe nî andû onthe atî nîirenyerekia. Nîramwîra na ma atî, mvinga icio nîirîkîtie kûvewa mûcara wacio.

Mathaayo 6:5

“Na vîndî îrîa mûkûvoya, mûtikavoyage ta mvinga! Mvinga ciendaga kûvoya irûngamîte mavoerorî na makathîkanorî ma njîra, nîguo cionwe nî andû. Nîramwîra na ma atî, mvinga icio nîirîkîtie kûvewa mûcara wacio.

Luka 6:45

Mûndû mwaro aragia maûndû maro marîa maumîte ngororî yake. Nake mûndû mûcûku aragia maûndû macûku marîa maumîte ngororî yake. Mûndû aragia maûndû marîa mecûrîte ngororî yake.

Johana 18:20

Nake Jesû nîwamûcokerie atîrî, “Nie ndûûraga mbaragîria andû onthe cararûkû nîguo megue. Ndûûraga nthomithanagîria mavoerorî na hekarûrî kûrîa andû onthe macemanagia. Nie ndianaria ûndû wana ûmwe nthithorî.

Johana 7:3

Kwoguo arîa maaciaranîrîtue na Jesû nîmaamwîrire atîrî, “Uma gûkû na ûthiî Judea nîguo arûmîrîri aku makoone maûndû marîa ûreka.

Johana 7:5

(Wana nginya arîa maaciaranîrîtue nake matiamwîtîkia.)