Johana 7:30 - ÎVUKU RÎA ÛVORO MWARO

³⁰ Andû amwe arîa maarî vo nîmaageririe kûmûnyita, nwatî gûtirî mûndû wana ûmwe wamûvûrûririe nîûndû îvinda rîake rîtiarî rîkinyu.

Johana 7:30 ပူးပေါင်းရင်းမြစ်များ

Thaburi 76:10

Andû arîa arakaru nîmagûkumagia makîria; arîa mataakuîra mbaararî nîmagaakûngûîra irugo ciaku.

Isaia 46:10

Nînie managîrîra maûndû ma mûthiia kuuma Kîammbîrîria; na ngaumbûra maûndû marîa matanekwa kuuma tene, ngiugaga atî mworoto wakwa nîûkaavinga, na nîngaavingia mîvango yakwa yonthe.

Mathaayo 12:14

Nao Afarisai arîa maarî vo nîmaaumire nja ya îvoero na makîthiî ndundu nîguo mavange ûrîa makûûragithia Jesû.

Mathaayo 21:46

Kwoguo nîmaageririe kûmûnyita. Nwatî nîmeetigîre kîrîndî, nîûndû gîetîkîtie atî Jesû aarî mûrathi.

Maariko 11:18

Rîrîa anene a athînjîri-Ngai na arimû a watho meeguire ûvoro ûcio, nîmaambîrîrie gûcaria ûrîa mangîmûûraga. Nao nîmaamwîtigagîra nîûndû kîrîndî nîkîamakagua mûno nî mûthomithanîrie wake.

Luka 20:19

Vîndî wa îo, arimû a Watho na anene a athînjîri-Ngai nîmaageririe kûnyita Jesû nîûndû nîmaaicî atî aavecanire ngerekano îo nîûndû wao. Nwatî nao nîmeetigîre andû.

Luka 22:53

Mûthenya wa mûthenya nîrethagîrwa nîrî namue hekarûrî na mûtiranyitaga. Nwatî gaka nîko kavinda kenyu ga gwîka ûrîa mwîcirîtie gwîka mûtongoretue nî vinya wa nduma.”

Johana 10:31

Wa rîngî Ayahudi nîmoocire mathiga nîguo mamûûrage namo.

Johana 10:39

Na wa rîngî Ayahudi nîmaageririe kûnyita Jesû nwatî ke nîwaûrire.

Johana 11:57

Nao anene a athînjîri-Ngai na Afarisai nîmaathanîte atî mûndû wa wonthe ûkaamenya kûrîa Jesû arî, athiî akamamenyithie nîguo mamûnyite.

Johana 7:19

Na kinthî Musa tîke wamûveere watho? Nwatî gûtirî mûndû wana ûmwe gatagatîrî kenyu wathîkagîra watho. Mûrenda kûmbûraga nîkî?”

Johana 7:32

Afarisai nîmegwire andû makîaria na kîvwe ûvoro wîgiî Jesû. Kwoguo Afarisai acio marî vamwe na anene a athînjîri-Ngai, nîmaatûmire arangîri mathiî makanyite Jesû.

Johana 7:6

Nake Jesû nîwamerire atîrî, “Îvinda rîakwa rîrîa rîagîrîrîte tî rîkinyu, nwatî kûrî mue îvinda wa rîonthe nîrîagîrîru.

Johana 7:8

Mue thiîni kîrugorî. Nie ndikûthiî kuo nîûndû îvinda rîakwa rîrîa rîagîrîru tî rîkinyu.”

Johana 8:20

Jesû aaririe maûndû mama monthe vîndî îrîa aathomithanagia hekarûrî arî vakuvî na kanyomba karîa kaaigagwa tûthandûkû tûrîa twekagîrwa mûvothi. Nwatî gûtirî mûndû wana ûmwe wamûnyitire nîûndû îvinda rîake rîtiarî rîkinyu.

Johana 8:37

Nie nîmbîcî atî mûrî njiarwa cia Iburahimu. Nwatî mûrenda kûmbûraga nîûndû mûtiîtîkagîra maûndû marîa nthomithanagia.

Johana 8:59

Nao nîmoocire mathiga nîguo mamwikie, nwatî Jesû nîwethithire na akiuma kûu hekarûrî.

Johana 9:4

Rîrîa kûrî mûthenya nwa nginya twîkare tûkîrutaga wîra wa ûrîa wandûmire. Ûtukû nîûgûkinya rîrîa gûtarî mûndû ûngîvota kûruta wîra.