Johana 7:16 - ÎVUKU RÎA ÛVORO MWARO

¹⁶ Nake Jesû nîwamacokerie atîrî, “Maûndû marîa nthomithanagia matiumîte kûrî nie, nwatî maumîte kûrî Ngai ûrîa wandûmire.

Johana 7:16 ပူးပေါင်းရင်းမြစ်များ

Johana 14:10

Filipu, ndûretîkia atî nie nîrî ndaarî ya Vava na Vava arî ndaarî yakwa? Nie, tînie nîîrîte ciugo irîa namwîra. Vava ûrîa wîkaraga ndaarî yakwa nîke wîkaga maûndû mama.

Johana 14:24

Mûndû wa wonthe ûtamendete ndathîkagîra ciugo ciakwa. Na ciugo irîa mwegua tî ciakwa, nwatî ciumîte kûrî Vava ûrîa wandûmire.

Johana 17:14

Nînaamakinyîrie ndûmîrîri yaku na andû a gûkû nthî makîmamena nîûndû o tî a gûkû nthî wata ûrîa wa nanie ndarî wa gûkû nthî.

Johana 17:8

Nie nînaamakinyîrie ndûmîrîri îrîa wamvere, nao makîmîamûkîra. Nîmaicî na ma atî nie naumire kûrî we, na nîmetîkîtie atî we nîwe wandûmire.

Johana 3:11

Nîrakwîra na ma atî: tue twaragia maûndû marîa twicî na tûkavecana ndeto ciîgiî maûndû marîa twonete, nwatî mue mûtirenda gwîtîkia ûira wetû.

Johana 3:31

Ûrîa ûkaga aumîte îgûrû nî mûnene gûkîra arîa engî onthe. Ke ûrîa umîte gûkû nthî nî wa gûkû nthî na aaragia ûvoro wîgiî maûndû ma gûkû nthî. Nwatî ûrîa ûkaga aumîte îgûrû nî mûnene gûkîra arîa engî onthe.

Johana 5:30

“Gûtirî ûndû nîngîka na vinya wakwa. Nducanagîra ciira kûringana na ûrîa Ngai ambîraga mbîke. Kwoguo îtua rîakwa nî rîa kîvooto nîûndû nie ndirageria kûvingia wendi wakwa, nwatî nîrageria kûvingia wendi wa ûrîa wandûmire.

Johana 6:44

Gûtirî mûndû ûngîûka kûrî nie, tiga nwanga Vava ûrîa wandûmire andeterete ke. Nanie nîngaariûkia mûndû ûcio mûthenya wa mûthiia.

Johana 8:28

Kwoguo nîwamerire atîrî, “Vîndî îrîa mûgaaûkîrîria Mûrû wa Mûndû îgûrû, nîmûkaamenya atî ‘Nînie Nie’ na atî gûtirî ûndû wana ûmwe mbîkaga nîyathîte, nwatî mbugaga tu wa ûrîa Vava ambathîte mbuge.

2Joh 1:9

Mûndû wa wonthe ûreganîte na kîrîra gîa Kristû na akathiî agakîria njano, ndethagîrwa arî na Ngai. Nwatî ûrîa ûrûmagîrîra kîrîra gîa Kristû ethagîrwa arî na îthe wana Mûriû.

Kûguû 1:1

Îvuku rîîrî nî mûtaratara wa maûndû marîa Jesû Kristû aaguûririe. Ngai aamûveere kûguûrîrua gûkû, nîguo onie ndungata yake maûndû marîa maarî nwa nginya mekîke narua. Nake Kristû nîwatûmire mûraika wake akamenyithie ndungata yake Johana,