Johana 7:14 - ÎVUKU RÎA ÛVORO MWARO

¹⁴ Rîrîa kîrugo Kîamgeerie gûkinya gatagatî, Jesû nîwatonyire hekarûrî na akîambîrîria kûthomithania.

Johana 7:14 ပူးပေါင်းရင်းမြစ်များ

Malaki 3:1

Ngai-Mûnene mwene vinya wonthe augîte atîrî, “Taroria! Nînîratûma mûnjaama nîguo athiî akavarîrîrie njîra yakwa. Mwathani ûrîa mûracaria nîagaaûka hekarûrî yake wa rîmwe. Mûnjaama ûrîa mûtûûrîte mwîrîgîrîrîte nîagaaûka na anîrîre kîrîkanîro gîakwa.”

Ndari 29:17

“Mûthenya wa kaîrî, mûrutage ndegwa igîrî, ndûrûme igîrî, na tûtûrûme îkûmi na tûna twa ûkûrû wa mwaka ûmwe, na cionthe ciîthagîrwe itarî na wonje.

Ndari 29:20

“Mûthenya wa kathatû mûkaarutaga ndegwa îkûmi na îmwe itarî ngûrû, ndûrûme igîrî, tûtûrûme îkûmi na tûna twa ûkûrû wa mwaka ûmwe, na cionthe ciîthagîrwe itarî na wonje.

Mathaayo 21:12

Nake Jesû nîwatonyire hekarûrî na akîrutûrûra arîa onthe meendagia wa vamwe na arîa onthe maagûraga. Ke nîwang'aûranirie metha cia arîa maakûrananagia mbeca, na itî cia arîa meendagia ndutuura.

Mathaayo 26:55

Nake Jesû nîwaûririe kîrîndî atîrî, “Mûkîte kûnyita mûkuîte mviû na njokoma takwa nî mûcunani? Nîrekaraga hekarûrî mûthenya wa mûthenya ngîthomithagia na matingînyiita.

Luka 19:47

Wa mûthenya Jesû nîwathomithanagîria hekarûrî. Nao anene a athînjîri-Ngai, arimû a Watho wa vamwe na atongoria a andû nîmeendaga kûmûraga.

Johana 18:20

Nake Jesû nîwamûcokerie atîrî, “Nie ndûûraga mbaragîria andû onthe cararûkû nîguo megue. Ndûûraga nthomithanagîria mavoerorî na hekarûrî kûrîa andû onthe macemanagia. Nie ndianaria ûndû wana ûmwe nthithorî.

Johana 5:14

Vuva wa ûguo, Jesû nîwethîrîrie mûndû ûcio hekarûrî na akîmwîra atîrî, “Nîwona, rîu we nîwavona. Tiga kwîvagia nîguo ndûkone ûndû wîngî mûcûku makîria ya ûyû.”

Johana 7:2

Na kîrugo Kîam Ayahudi gîa gwîkara tûnyombarî vîndî ya maketha nîgîakinyire.

Johana 7:28

Rîrîa Jesû aathomithanagia hekarûrî, nîwanîrîre akiuga atîrî, “Mue nama nîmûmbîcî na mûkamenya kûrîa nyumîte? Nwatî nie tînie nîîtûmîte. Ûrîa wandûmire nî wa ma na mue mûtimwîcî,

Johana 7:37

Mûthenya ûrîa warî wa mûthiia na wa vata mûno wa kîrugo, Jesû nîwarûngamire na akîanîrîra akiuga atîrî, “Mûndû wa wonthe mûnyondu nîaûke kûrî nie, na anyue,

Johana 8:2

Kîraûko tene mûthenya ûcio wîngî, Jesû nîwacokire hekarûrî. Nao andû onthe nîmaathiîre kûrî ke, nake agîkara nthî na akîambîrîria kûmathomithia.

Johana 8:20

Jesû aaririe maûndû mama monthe vîndî îrîa aathomithanagia hekarûrî arî vakuvî na kanyomba karîa kaaigagwa tûthandûkû tûrîa twekagîrwa mûvothi. Nwatî gûtirî mûndû wana ûmwe wamûnyitire nîûndû îvinda rîake rîtiarî rîkinyu.