Johana 7:10 - ÎVUKU RÎA ÛVORO MWARO

¹⁰ Vuva wa arîa maaciaranîrîtue na Jesû kûthiî kîrugorî kîu, Jesû wa nake nîwathiîre nwatî ndathiî akîonagwa aathiîre na nthitho.

Johana 7:10 ပူးပေါင်းရင်းမြစ်များ

Thaburi 26:8

Nîmendete hekarû yaku kûrîa ûtûûraga, we Ngai-Mûnene, na vandû varîa riiri waku wîkaraga.

Thaburi 40:8

Nîngenaga ngîka wendi waku, we Ngai wakwa, watho waku ûrî ngororî yakwa.”

Amosi 5:13

Kwoguo, nîgûkethîrwa na mavinda macûku na nginya mûndû ûrîa mûûgî nîagaakira kivi.

Mathaayo 10:16

“Tathikîrîriani, namûtûma ta ng'ondu gatagatîrî ga ciathi. Kwoguo, gîani na ûûgî ta njoka na mwîthîrwe mûrî avoreri ta ndutuura.

Mathaayo 12:46

Kavinda wa kau Jesû wa akîaragîria andû, ng'ina na arîa maaciaranîrîtue nake nî maakinyire. Nao nîmaarûngamire vau nja makîenda kwaria nake. [

Mathaayo 3:15

Nwatî Jesû nîwamûcokerie atîrî, “Tiga gûtuîke guo rîu, nîûndû nîkwagîrîrîte tue tûvingie wendi wa Ngai.” Kwoguo Johana nîwetîkîre kûvatithia Jesû.

Maariko 3:21

Rîrîa andû a mûciî wao meeguire ûguo, nîmaathiîre kûmûnyita, nîûndû andû maugaga atî, “Nîagûrûkîte.”

Johana 11:54

Kwoguo Jesû ndaacoka kûthiî akîonagwa kûu Judea. Nîwaumire kuo na akîthiî îtûûrarî rîetagwa Efiraimu rîrîa rîarî vakuvî na werû na agîkara kuo marî na arutwa ake.

Johana 7:3

Kwoguo arîa maaciaranîrîtue na Jesû nîmaamwîrire atîrî, “Uma gûkû na ûthiî Judea nîguo arûmîrîri aku makoone maûndû marîa ûreka.

Johana 7:5

(Wana nginya arîa maaciaranîrîtue nake matiamwîtîkia.)

Johana 7:9

Nake arîkia kûmeera ûguo nîwekarire kûu Galili.

Agal 4:4

Nwatî rîrîa kavinda karîa kagîrîru gaakinyire, Ngai nîwatûmire Mûriû wake. Aaûkire na njîra ya gûciarwa nî mûndûmûka na agîtûûra arî rungu rwa watho wa Ayahudi,