Johana 7:1 - ÎVUKU RÎA ÛVORO MWARO

¹ Vuva wa ûguo, Jesû nîwathiîre Galili. Ke ndeendaga kûthiî Judea nîûndû Ayahudi arîa maarî kuo nîmeendaga kûmûraga.

Johana 7:1 ပူးပေါင်းရင်းမြစ်များ

Mathaayo 10:23

Na rîrîa mue mûkaanyarirwa mûrî îtûûrarî rîmwe, mûkaaûra mûthiî îtûûrarî rîrîa rîngî. Nîramwîra na ma atî mûtikaarîkia wîra wenyu matûûrarî monthe ma Isiraeli Mûrû wa Mûndû atarî mûku.

Mathaayo 21:38

Nwatî rîrîa arîmi acio moonire mûvîcî nîmeeranire atîrî, ‘Ûyû nîke ûgaatigîrwa mûgûnda ûyû wî îgai rîake, ûkani tûmûrage nîguo îgai rîu rîake rîtuîke rîetû.’

Maariko 11:18

Rîrîa anene a athînjîri-Ngai na arimû a watho meeguire ûvoro ûcio, nîmaambîrîrie gûcaria ûrîa mangîmûûraga. Nao nîmaamwîtigagîra nîûndû kîrîndî nîkîamakagua mûno nî mûthomithanîrie wake.

Johana 1:19

Atongoria a Ayahudi marî Jerusalemu, nîmaatûmire athînjîri-Ngai na Alawi mathiî kûrî Johana makamûrie atîrî, “We wî û?”

Johana 4:3

Kwoguo Jesû nîwaumire kûu vûrûrirî wa Judea na agîcoka vûrûrirî wa Galili.

Johana 4:54

Gîkî nîkîo Kîamrî Kîamma gîa kaîrî kîrîa Jesû aaringire arî Galili arîkia kuuma Judea.

Johana 6:1

Vuva wa ûguo, Jesû nîwaringire îria rîa Galili (rîrîa rîcîkene na rîîtwa rîngî îria rîa Tiberia)

Johana 7:11

Nao atongoria a Ayahudi nîmaamûcaririe mûno kûu kîrugorî na makîûria atîrî, “Ke arî kû?”

Johana 7:13

Nwatî gûtirî mûndû wana ûmwe waririe ûvoro ûmwîgiî andû makîgucaga, nîûndû nîmeetigagîra atongoria a Ayahudi.

Johana 7:19

Na kinthî Musa tîke wamûveere watho? Nwatî gûtirî mûndû wana ûmwe gatagatîrî kenyu wathîkagîra watho. Mûrenda kûmbûraga nîkî?”

Johana 7:25

Nao andû amwe a Jerusalemu nîmaaugire atîrî, “Na kinthî ûyû tîke mûndû ûrîa atongoria marenda kûûraga?

Johana 7:35

Nao atongoria a Ayahudi nîmeeranire atîrî, “Ke arenda kûthiî kû kûu tue tûtakaamwona? Arenda kûthiî matûûrarî ma Angiriki kûrîa andû etû matûûraga nîguo akathomithie Angiriki?

Johana 8:37

Nie nîmbîcî atî mûrî njiarwa cia Iburahimu. Nwatî mûrenda kûmbûraga nîûndû mûtiîtîkagîra maûndû marîa nthomithanagia.

Johana 8:40

Ûndû ûrîa nie naaneka nî kûmûva ûvoro wa ma ûrîa neguire kuuma kûrî Ngai, nwatî mue mûrenda kûmbûraga. Iburahimu ndeka ûndû ta ûcio.

Ciîko 10:38

Mue nîmwîcî ûvoro wîgiî Jesû Mûnazarethi. Ngai Nîwamûvere Roho Mûtheru na akîmûva vinya. Jesû nîwathiîcaga kûndû kuonthe agîkaga waro na akîvonagia arîa onthe maanyitîtwe nî Ngoma. Jesû eekaga ûguo nîûndû Ngai aarî vamwe nake.