Johana 6:71 - ÎVUKU RÎA ÛVORO MWARO

⁷¹ Jesû aaragia ûvoro wîgiî Judasi mûvîcî wa Simoni Mûsikariota, nîûndû wana ethîrwa Judasi aarî ûmwe wa arutwa arîa îkûmi na aîrî, ke nîke warî acukanîrîre Jesû.

Johana 6:71 ပူးပေါင်းရင်းမြစ်များ

Thaburi 41:9

Wana mûrata wakwa ûrîa mûnene na ûrîa nevokete mûno, ûrîa twarîcanagîra irio nake, nîangarûrûkîte.

Mathaayo 10:2

Namo mama nîmo marîîtwa ma atûmwa acio îkûmi na aîrî: Simoni (ûrîa wîtagwa Petero), na mûrwang'ina Enderea, na ariû a Zebedii, Jakuvu na mûrwang'ina Johana;

Mathaayo 10:4

Simoni Mûzeloti, na Judasi Mûsikariota, ûrîa wacukanîrîre Jesû.

Maariko 14:10

Nake Judasi Mûsikariota ûmwe wa arutwa arîa îkûmi na aîrî, nîwathiîre kûrî anene a athînjîri-Ngai nîguo acukanîrîre Jesû kûrî o.

Johana 12:4

Mûrutwa ûmwe wa Jesû wetagwa Judasi Mûsikariota, (na nîke ûrîa wacokire kûmûcukanîrîra), nîwaûririe atîrî,

Johana 13:2

Rîrîa Jesû na arutwa ake maarî metharî makîrîa irio cia kîvwaî, Ngoma aarî mwîkîru meciria ma gûcukanîrîra Jesû ngororî ya Judasi mûvîcî wa Simoni Mûsikariota.

Johana 13:26

Nake Jesû nîwamûcokerie atîrî, “Mûndû ûrîa ngûnengera mûgate ûrîa ngûvokithia thuvurî nîke ûkûnjukanîrîra.” Kwoguo Jesû nîwocire kînuku Kîam mûgate, agîkîvokithia na akînengera Judasi mûriû wa Simoni Mûsikariota.

Johana 2:2

Wana Jesû na arutwa ake maarî eete ûvikirî ûcio.

Johana 20:24

Nake mûrutwa ûmwe gatagatîrî ka arîa îkûmi na aîrî, na nîke Toma (ûrîa wetagwa Mathatha) ndaarî vamwe nao vîndî îrîa Jesû aamaumîrîre.

Johana 6:64

Nwatî kûrî na amwe gatagatîrî kenyu mataretîkia.” (Na kuuma mûthenya ûrîa Jesû aambîrîrie kûthomithania, nîwaicî andû arîa matetîkîtie na akamenya mûndû ûrîa ûkaamûcukanîrîra.)

Johana 6:70

Nake Jesû nîwamacokerie atîrî, “Na kinthî nie tî nie naamûthuurire mûrî îkûmi na aîrî? Nwatî ûmwe gatagatîrî kenyu nî ngoma!”

Ciîko 2:23

Kûringana na mûvango wake ke mwene, Ngai nîwatuîte atî Jesû nîakanenganîrwa kûrî mue. Namue nîmwamûragire na njîra ya gwîtîkîria evia mamwambe mûtharavarî îgûrû.

Juda 1:4

Nîûndû andû amwe arîa matarî na ûngai nîmatonyete na nthitho gatagatîrî getû. Andû acio nîo magarûraga ndûmîrîri îgiî wega wa Ngai wetû nîguo magîe na kîîgwatio Kîam maûndû marîa mekaga macûku. Andû aya nwa o maregaga Jesû Kristû ûrîa arî ke Mwathi na Mwathani wetû. Tene mandîko matheru nîmaarathire ûvoro wîgiî îtuîro rîrîa andû acio makûnyita.