Johana 6:70 - ÎVUKU RÎA ÛVORO MWARO

⁷⁰ Nake Jesû nîwamacokerie atîrî, “Na kinthî nie tî nie naamûthuurire mûrî îkûmi na aîrî? Nwatî ûmwe gatagatîrî kenyu nî ngoma!”

Johana 6:70 ပူးပေါင်းရင်းမြစ်များ

Johana 13:27

Na vîndî wa îo Judasi aarîkia gwîcukia kînuku Kîam mûgate, nîwatonyirwe nî Caitani. Nake Jesû nîwerire Judasi atîrî, “Îka narua ûrîa ûrenda gwîka!”

Johana 13:2

Rîrîa Jesû na arutwa ake maarî metharî makîrîa irio cia kîvwaî, Ngoma aarî mwîkîru meciria ma gûcukanîrîra Jesû ngororî ya Judasi mûvîcî wa Simoni Mûsikariota.

Johana 17:12

Rîrîa naarî vamwe nao, nînaamamenyererete na vinya wa rîîtwa rîaku rîrîa wamvere. Nînaamagitîre na gûtirî mûndû wana ûmwe gatagatîrî kao waûrire tiga ûrîa warî wa kûûra nîguo mandîko matheru mavingue.

Johana 13:18

“Nie ndiraria ûvoro ûmwîgiî muonthe. Nîmbîcî nî andû arîkû nthuurîte. Nwatî nwa nginya mandîko matheru mavinge marîa maugîte atî, ‘Mûndû ûrîa twarîcanîre mûgate nake nîke wacokire kûngarûrûka.’

Johana 6:64

Nwatî kûrî na amwe gatagatîrî kenyu mataretîkia.” (Na kuuma mûthenya ûrîa Jesû aambîrîrie kûthomithania, nîwaicî andû arîa matetîkîtie na akamenya mûndû ûrîa ûkaamûcukanîrîra.)

1Joh 3:8

Mûndû wa wonthe wîvagia nî wa Ngoma nîûndû Ngoma îtûûraga îvagia kuuma wa Kîammbîrîria. Kîrîa gîatûmire Mûriû wa Ngai aûke, nî gûcûkangia wîra wa Ngoma.

1Tim 3:11

Aka ao nao magîrîrwe nîkwîthîrwa marî na mîtugo mîaro na matarî na ngutû. Nwa nginya methîrwe marî andû meîguîte na marî evokeku maûndûrî monthe.

Ciîko 1:17

Judasi ûcio aarî ûmwe wa gîkundi gîkî gîetû wathuurîtwe na warutithanagia wîra natue.”

Johana 15:19

Mûngîrî a gûkû nthî, andû nwa mamwendete. Nwatî namûthuurire kuuma kûrî andû a gûkû nthî na kwoguo mue mûtirî a gûkû nthî. Kîu nîkîo gîtûmaga andû a gûkû nthî mamûmene.

Johana 15:16

Mue tî mue mwanthuurire, nînie namûthuurire na ngîmûva wîra wa kûthiî kûgîa na maciaro meengî marîa magwîkara kavinda karaca. Kwoguo Vava akaamûvecaga kîndû wa kîonthe kîrîa mûkaamwîtagia na rîîtwa rîakwa.

Johana 13:21

Nake Jesû aarîkia kuga maûndû mau, nîwathînîkire mûno ngororî yake na akiuga cararûkû atîrî, “Nie nîramwîra na ma atî mûndû ûmwe gatagatîrî kenyu nîakûnjukanîrîra.”

Johana 8:44

Mue mûrî ciana cia îthe wenyu Ngoma na mwendaga gwîka maûndû wata marîa îthe wenyu endaga gwîka. Kuuma wa Kîammbîrîria ke aarî mûragani na ndaanenda ûvoro wa ma nîûndû ke ndaanaria ûvoro wa ma. Rîrîa araria maveeni ethagîrwa akîaria kîrîa tu kîrî ngororî yake, nîûndû ke nî mûthaani na nîke îthe wa maveeni.

Tito 2:3

Na njîra wata îno, îra aka arîa akûrû mekare na mîtugo îrîa aka arîa atheru magîrîrwe nî kwîthîrwa nayo. Matiagîrîrwe nî gûtuîka aka a gûcukanaga, kana matuîke ngombo cia ndivei. Meere atî nwa nginya mathomithanagie maûndû marîa maro,

Ciîko 13:10

na akiuga atîrî, “We mûrû wa Ngoma! We wî nthû ya maûndû monthe megiî ûthingu. Wîcûrîtwe nî mîthemba yonthe ya mawara ma waganu. Vîndî cionthe we ndûtigaga kûng'otaria njîra irîa nûngarû cia Mwathani!

Johana 2:2

Wana Jesû na arutwa ake maarî eete ûvikirî ûcio.

Johana 6:67

Kwoguo Jesû nîwaûririe arutwa ake îkûmi na aîrî atîrî, “Mue namue nîmûrenda kûthiî?”

Johana 6:71

Jesû aaragia ûvoro wîgiî Judasi mûvîcî wa Simoni Mûsikariota, nîûndû wana ethîrwa Judasi aarî ûmwe wa arutwa arîa îkûmi na aîrî, ke nîke warî acukanîrîre Jesû.

Johana 20:24

Nake mûrutwa ûmwe gatagatîrî ka arîa îkûmi na aîrî, na nîke Toma (ûrîa wetagwa Mathatha) ndaarî vamwe nao vîndî îrîa Jesû aamaumîrîre.