Johana 6:2 - ÎVUKU RÎA ÛVORO MWARO

² Andû eengî nîmaamûrûmîrîre nîûndû nîmoonete Jesû akîringa ciama cia kûvonia arwaru.

Johana 6:2 ပူးပေါင်းရင်းမြစ်များ

Mathaayo 12:15

Rîrîa Jesû aamenyire mîvango îrîa Afarisai maarî nayo, nîwaumire kûu na akîthiî. Andû eengî nîmaamûrûmîrîre, na akîvonia arîa maarî arûaru onthe.

Mathaayo 13:2

Nao andû eengî mûno nîmaamûthiûrûrûkîrie. Kwoguo nîwatwîre îtarûrî agîkara nthî nao andû makîrûngama ndeererî cia îria.

Mathaayo 14:14

Rîrîa Jesû aakinyire rûtererî rwa îria, nîwonire kîrîndî kînene na akîringwa nî ntha nîûndû wakîo na akîvonia arîa maarî arwaru.

Mathaayo 8:1

Na vîndî îrîa Jesû aaumire kîrîmarî îgûrû, andû eengî mûno nîmaamûrûmîrîre.

Maariko 1:45

Nake mûndû ûcio aathiî, nîwaririe atagwîtigîra na agîtambia ûvoro ûcio mûno ûndû Jesû atangîatonyire îtûûrarî wanarî rîrîkû akîonagwa. Kwoguo Jesû nîwathiîre kûndû kwîthithu, nwatî wana arî kuo andû nwa maathiîcaga kûrî ke maumîte kûndû kuonthe.

Maariko 6:33

Nao andû eengî nîmaamonire makîthiî na makîmamenya. Kwoguo nîmaavinyûrire maumîte matûûrarî monthe na magîkinya kuo mbere yao.

Johana 11:47

Kwoguo Afarisai na anene a athînjîri-Ngai nîmaagomanire na Kîamma Kîam Ayahudi. Nao nîmaaûranirie atîrî, “Nîtwîka atîa? Mûndû ûyû nîararinga ciama nyîngî mûno!

Johana 12:18

Ûndû ûcio nîguo watûmire kîrîndî kîmûtûnge, nîûndû nîkîegwire atî nîwaringîte Kîamma kîu.

Johana 12:37

Wana ethîrwa Jesû aarî mûringu ciama ino cionthe andû makîonaga, o matiamwîtîkia.

Johana 2:11

Jesû aaringire Kîamma gîkî Kîam mbere, arî Kaana ya Galili. Kûu nîkuo oonanirie riiri wake, na arutwa ake makîmwîtîkia.

Johana 2:23

Rîrîa Jesû aarî Jerusalemu vingo ya kîrugo Kîam pasaka, andû eengî nîmaamwîtîkirie nîûndû nîmoonire ciama irîa aaringire.

Johana 20:30

Kûrî ciama ciîngî nyîngî itarî îvukuurî rîîrî, irîa Jesû aaringire arutwa ake makîonaga.

Johana 3:2

Ûtukû ûmwe Nikodemu nîwathiîre kûrî Jesû na akîmwîra atîrî, “Rabii, tue nîtwîcî atî we wî mwarimû ûtûmîtwe nî Ngai. Gûtirî mûndû wana ûmwe ûngîvota kûringa ciama ta icio ûringaga Ngai atarî vamwe nake.”

Johana 6:14

Rîrîa andû arîa maarî vo moonire Kîamma kîrîa Jesû aaringire, nîmaaugire atîrî, “Na ma ûyû nîke Mûrathi ûrîa warî aûke gûkû nthî!”

Johana 6:22

Mûthenya ûcio wîngî andû arîa meekarîte mûringo ûrîa wîngî wa îria nîmaaicî atî kwarî na îtarû rîmwe tu na Jesû ndaatonya îtarûrî rîu vamwe na arutwa ake, nwatî arutwa ake maaringire marî onga.

Johana 6:26

Nake Jesû nîwamacokerie atîrî, “Nîramwîra na ma atî mue mûranjaria nîûndû nîmûrarîre mîgate mûkîvaa, nwatî tî nîûndû atî nîmûrataûkîrwe nî ûrîa ciama ciakwa irendaga kwonania.

Johana 6:30

Kwoguo andû nîmaamûririe atîrî, “Nî Kîamma kîrîkû ûgûtûringîra nîguo twakîona tûgwîtîkie? We nîwîka atîa?