Johana 5:5 - ÎVUKU RÎA ÛVORO MWARO

⁵ Vau Kîthakurî vaarî na mûndû watûûrîte mîaka mîrongo îthatû na înana arwarîte.

Johana 5:5 ပူးပေါင်းရင်းမြစ်များ

Maariko 9:21

Nake Jesû nîwacokire akîûria îthe wako atîrî, “Kamwana gaka gekarîte ûguo kuuma-rî?” Îthe wa kamwana kau nîwamûcokerie atîrî, “Gekarîte ûguo kuuma rîrîa gaaciarirwe.

Luka 13:16

Mûndûmûka ûyû wa rûciaro rwa Iburahimu arathirîtie mîaka îkûmi na înana ovetwe nî Caitani. Anga tî kwagîrîru mûndûmûka ûyû wa nake avonue mûthenya wa thavatû?”

Luka 8:43

Na gatagatîrî ka andû acio, vaarî na mûndûmûka watûûrîte mîaka îkûmi na îrî auraga nthakame. Mûndûmûka ûcio nîwavûthîrîte indo cionthe ciake kûrîva ndagîtarî arîa maamûthondekaga, nwatî gûtiarî wana ûmwe wavotete kûmûthondeka.

Johana 5:14

Vuva wa ûguo, Jesû nîwethîrîrie mûndû ûcio hekarûrî na akîmwîra atîrî, “Nîwona, rîu we nîwavona. Tiga kwîvagia nîguo ndûkone ûndû wîngî mûcûku makîria ya ûyû.”

Johana 5:4

nîûndû mavinda kwa mavinda mûraika wa Mwathani nîwanyûrûrûkaga îriarî rîu na akaunjuga manjî. Nake mûrwaru wa wonthe ûrîa watuvûkaga îriarî rîu arî wa mbere manjî marîkia kunjugwa, nîwavonagua mûrimû wa wonthe ûrîa ethagîrwa arwarîte.]

Johana 5:6

Rîrîa Jesû oonire mûndû ûcio amamîte vo, nîwamenyire atî mûndû ûcio aarî mûtûûru mîaka mîîngî arî mûrwaru. Kwoguo Jesû nîwaûririe mûndû ûcio atîrî, “We nîûrenda kûvona?”

Johana 9:1

Rîrîa Jesû aavîtûkîte, nîwonire mûndû waciarîtwe arî mûtumumu.

Johana 9:21

Nwatî tûtiîcî ûrîa ke aravota kwona. Wana tûtiîcî mûndû ûrîa ûramûvotithirie kwona. Mûrieni ke nî mûgima wa kûvota kwîarîrîria!”

Ciîko 14:8

Nakuo Listra nîkwarî na mûndû ûmwe waciarîtwe arî kîonje na ûtaarî anavota kûthiî na magûrû.

Ciîko 3:2

Na vau mûromorî wa hekarû, ûrîa wetagwa Mûromo Mûthaka, vaarî na mûndû watûûrîte onjete magûrû kuuma gûciarwa gwake. Wa mûthenya wa mûthenya nîwakuuagwa akaigwa vau mûromorî ûcio nîguo avoe mbeca kuuma kûrî andû arîa maatonyaga hekarûrî.

Ciîko 4:22

Mûndû ûcio wavonirue na njîra îo ya kûringîrwa Kîamma aarî na ûkûrû wa makîria ya mîaka mîrongo îna.

Ciîko 9:33

Akinya kuo nîwethîrîrie mûndû wetagwa Aenea. Aenea nîwarwarîte mûrimû wa gûkua ciîga cia mwîrî na nîwekarîte mîaka înana atakûvota kuuma ûrîrî.