Johana 5:4 - ÎVUKU RÎA ÛVORO MWARO

⁴ nîûndû mavinda kwa mavinda mûraika wa Mwathani nîwanyûrûrûkaga îriarî rîu na akaunjuga manjî. Nake mûrwaru wa wonthe ûrîa watuvûkaga îriarî rîu arî wa mbere manjî marîkia kunjugwa, nîwavonagua mûrimû wa wonthe ûrîa ethagîrwa arwarîte.]

Johana 5:4 ပူးပေါင်းရင်းမြစ်များ

2Atha 5:10

Elisha nîwatûmire ndungata îthiî îkamwîre athiî akethambîrie rûnjîrî rwa Jorodani maita mûgwanja na mûrimû wake nîûkûvona viû.

Thaburi 119:60

Mvinyûraga na ndiceragîrwa, nîguo mvingie maathani maku.

Nthi 6:4

Ndûkamame kana ûgocerera.

Nthi 8:17

Nîmendete arîa mamendete, na arîa manjaragia na kinyi nîmamonaga.

Mûvunjia 9:10

Rutaga wîra waku na vinya yaku yonthe nîûndû kwa arîa akuû gûtirî kûruta wîra, kana gwîciiria, gûtirî ûmenyo kana ûûgî na kûu nîkuo ûthiîte.

Ezek 47:8

Nîwambîrire atîrî, “Manjî mama manyûrûrûkaga mavîtûkagîra vûrûrirî wa mwena wa îrathîro mathiîte Kîamndarî Kîam Jorodani. Na makinya îriarî rîa cumbî nîmatûmaga manjî ma îria rîu matuîka maro.

Hosea 13:13

Ûrûrû ta wa mûndûmûka akîgîa na mwana nîûmûkinyîrîte. Nwatî ke nî mwana mûritu; kavinda gake ga gûciarwa ke nîwaregire kuuma ndarî ya ng'ina!

Zakaria 13:1

Ngai-Mûnene augîte atîrî, “Vîndî îrîa kavinda kau gagaakinya, karûnjî nîgakaavingûrwa ga kûthambia nyomba ya Daudi na andû arîa matûûraga Jerusalemu mevia mao na maûndû mao marîa macûku.

Zakaria 14:8

Vîndî îo yakinya, manjî maro nîmakaanyûrûrûka maumîte Jerusalemu. Nuthu îmwe ya manjî mau îkaanyûrûrûkaga îthiîte îriarî rîa mwena wa îrathîro, nayo nuthu îo îngî îkaanyûrûrûkaga îthiîte îriarî rîa mwena wa îthûîro. Manjî mau makaanyûrûrûkaga vîndî cionthe, vîndî ya riûa na vîndî ya mvevo.

Mathaayo 11:12

Kuuma vîndî îrîa Johana Mûvatithania aambîrîrie kûvunjia nginya ûmûnthî, Ûthamaki wa Îgûrû nîwîthîrîtwe ûkîtharîkîrwa na vinya, na andû arîa matûmagîra vinya nîmageragia gûûcunana na vinya.

Mathaayo 6:33

Nwatî ambani mûcarie Ûthamaki wa Ngai na ûthingu wake, nake nî akaamûva indo icio ciîngî cionthe.

Luka 13:24

“Geragiani mûno gûtonyerera mûromorî ûrîa mûceke. Nîûndû nîramwîra na ma atî, andû eengî nîmakaageria gûtonya na matikaavota.

Luka 16:16

“Maûndû marîa mandîkîtwe Wathorî wa Musa na mavukurî ma arathi nîmaavunjirue nginya vîndî ya Johana Mûvatithania. Kuuma vîndî îo, Ûvoro Mwaro wa Ûthamaki wa Ngai nî ûvunjagua, na mûndû wa wonthe nî ageragia na vinya ûrîa angîtonya kuo.

Johana 5:3

Nao arwaru eengî: atumumu, ithua, na andû arîa maakuîte ciîga, nîmeekarîte ithakurî icio. [Arwaru acio nîmeetagîrîra manjî maunjugwe,

Johana 5:5

Vau Kîthakurî vaarî na mûndû watûûrîte mîaka mîrongo îthatû na înana arwarîte.

Johana 5:7

Mûndû ûcio nîwacokerie Jesû atîrî, “Mûthuuri ûyû, ava vatirî na mûndû ûngînduvukia îriarî manjî marîkia kunjugwa. Na vîndî wa yonthe îrîa nageria gwîtuvukia kuo, mûndû wîngî nîatuvûkaga kuo mbere yakwa.”

1Akor 6:11

Andû amwe gatagatîrî kenyu methagîrwa mekariî ûguo, nwatî mue nîmwathambirue mûkiuma meviarî. Mûrî atherie na mûgatuwa agîrîru na njîra ya Mwathani Jesû Kristû na njîra ya Roho wa Ngai wetû.

1Joh 1:7

Nwatî tûngîthiîra ûtherirî wata ûrîa ke arî ûtherirî, nwa tûgîe na ngwatanîro mûndû na ûrîa wîngî. Nayo nthakame ya Mûriû Jesû îgaatûtheragia kuuma meviarî monthe.