Johana 5:18 - ÎVUKU RÎA ÛVORO MWARO

¹⁸ Rîrîa Jesû aaugire ûguo, Ayahudi nîmaagîre na kîîo kîîngî mûno gîa kwenda kûmûûraga. Meendaga gwîka ûguo tî nîûndû atî nîwaunîte watho wîgiî mûthenya wa thavatû, nwatî nîûndû nîwaugîte atî Ngai nî îthe kwoguo akeîganania na Ngai.

Johana 5:18 ပူးပေါင်းရင်းမြစ်များ

Zakaria 13:7

Ngai-Mûnene mwene vinya wonthe augîte atîrî, “We rûviû rwa njûra, ûkîra ûtharîkîre mûrîthi wakwa, ûtharîkîre mûndû ûrîa ûndungatagîra. Ûraga mûrîthi nacio ng'ondu nîikûnyagania; na nîngûtharîkîra irîa nini.

Mathaayo 12:5

Anga mue mûtiathoma Wathorî wa Musa atî wa mûthenya wa thavatû athînjîri-Ngai nîmaunaga watho ûyû wîgiî mûthenya wa thavatû. Nwatî o matigîcaga na ûcuke nîûndû wa gwîka ûguo.

Johana 1:19

Atongoria a Ayahudi marî Jerusalemu, nîmaatûmire athînjîri-Ngai na Alawi mathiî kûrî Johana makamûrie atîrî, “We wî û?”

Johana 10:30

Nie na Vava tûrî kîndû kîmwe.”

Johana 10:33

Nao nîmaamûcokerie atîrî, “Tûtirenda gûkûûraga nîûndû wa gwîka maûndû maro, nwatî nîûndû nîwaruma Ngai! We wî mûndû tu, nwatî ûrageria gwîtua Ngai!”

Johana 14:23

Nake Jesû nîwamûcokerie atîrî, “Mûndû wa wonthe ûmendete nîwathîkagîra ciugo ciakwa. Vava nîamwendete, na nie tûrî na Vava nîtûkaga kûrî ke na tûgatûûrania nake.

Johana 14:9

Jesû nîwamûcokerie atîrî, “Filipu, ndûûranîtie namue muonthe kavinda karaca ûguo na atî we ndûrî mûûmenyu? Mûndû wa wonthe ûmonete, nîmwonu Vava. Nîndûî kîratûma ûmbîre, ‘Twonie Vava?’

Johana 19:7

Nao Ayahudi nîmaamûcokerie atîrî, “Watho wetû ugaga atî ke aagîrîrwe nî kûûragwa nîûndû nîwîtuîte Mûriû wa Ngai.”

Johana 5:15

Nake mûndû ûcio nîwacokire akîthiî kwîra Ayahudi atî Jesû nîke wamûvonetie.

Johana 5:16

Kwoguo Ayahudi nîmaambîrîrie kûnyarira Jesû nîûndû nîwekaga maûndû ta mama mûthenya wa thavatû.

Johana 5:17

Nwatî Jesû nîwerire Ayahudi atîrî, “Vava nîarutaga wîra vîndî cionthe na wa nanie nwa nginya ndute wîra.”

Johana 5:23

nîguo andû onthe matîîage Mûriû wata ûrîa matîîaga Îthe. Mûndû wa wonthe ûtatîîaga Mûriû, ndatîîaga Îthe ûrîa wamûtûmire.

Johana 7:1

Vuva wa ûguo, Jesû nîwathiîre Galili. Ke ndeendaga kûthiî Judea nîûndû Ayahudi arîa maarî kuo nîmeendaga kûmûraga.

Johana 7:19

Na kinthî Musa tîke wamûveere watho? Nwatî gûtirî mûndû wana ûmwe gatagatîrî kenyu wathîkagîra watho. Mûrenda kûmbûraga nîkî?”

Johana 8:54

Nake Jesû nîwamacokerie atîrî, “Angîthîrwa nîkwa nîrekumia, gwîkumia kûu nî kwa mana. Ûrîa ûngumagia nî Vava wa ûcio mugaga atî nîke Ngai wenyu.

Johana 8:58

Jesû nîwamacokerie atîrî, “Nîramwîra na ma atî Iburahimu atarî mûciare, ‘Nie naarî wa kuo.’ ”

Afil 2:6

Ke aarî na Ûngai, Nwatî ndeciria atî nwa atûmîre vinya nîguo eganane na Ngai.

Kûguû 22:1

Mûraika nîwacokire akîmonia rûnjî rwa manjî ma mwoyo. Rûnjî rûu rwaumîte gîtîrî Kîam ûthamaki Kîam Ngai na Kîam Gatûrûme, namo manjî ma ruo maarî matheru na makengaga ta îra.

Kûguû 22:3

Kîndû kîonthe kîrume nî Ngai gîtikeethîrwa îtûûrarî rîu. Gîtî Kîam Ngai Kîam ûthamaki na Kîam Gatûrûme nîgîkethîrwa îtûûrarî rîu, na ndungata ciake nîikaamûgooca.