Johana 4:5 - ÎVUKU RÎA ÛVORO MWARO

⁵ Kwoguo Jesû nîwakinyire îtûûrarî rîa Samaria rîrîa rîetagwa Sikaru, na rîarî vakuvî na mûgûnda ûrîa Jakovu aagaîrîte mûûriû wake Josefu.

Johana 4:5 ပူးပေါင်းရင်းမြစ်များ

Kîam 33:19

Nîwacokire akîgûra gîcunjî Kîam mûgûnda, varîa aambîte îgema rîake. Aavagûrire mbeca cia sîlûva îgana rîmwe kuuma kûrî njiarwa cia Hemori ûrîa warî îthe wa Shekemu.

Kîam 48:22

Wana nîngûkûva gîcunjî gîa Shekemu îthenya rîa kûva aa mûrwanyûkwe. Vûrûri ûyû nî ûrîa naacunire Aamori nîrî na rûviû rwa njûra na ûta.”

1Atha 13:32

Mûgeeka guo nîûndû, ciugo irîa mûndû ûyû aathirwe nî Ngai-Mûnene auge cia kûruma metha ya kîgongoona îrîa îrî Betheli, vamwe na kûndû kuonthe gwa kûgoocerwa kûu matûûrarî marîa manene ma Samaria nwanginya ikaavinga.”

Luka 9:52

Nake nîwatûmire anjaama amwe mathiî mbere yake. Na rîrîa andû acio maathiîre nîmaatonyire gîcagirî kîmwe Kîam Asamaria kûmûvarîria maûndû monthe.

Johana 4:12

Nî Jakovu îthe wetû wa tene watûveere kîthima gîkî. Ke mwene, ciana ciake na ndîthia yake nîmaanyuire manjî ma kîthima gîkî. We ûrenda kuga atî wî mûnene gûkîra Jakovu?”

Johana 4:39

Nao Asamaria eengî a kuuma îtûûrarî rîu nîmeetîkirie Jesû nîûndû mûndûmûka ûcio nîwamarutîre ûira akîmeera atîrî, “Ke ambîrire maûndû monthe marîa nie naaneka.”

Johana 4:6

Navo vaarî na kîthima Kîam Jakovu. Nake Jesû aarî mûnogu mûno nîûndû wa kûthiî rûgendo rûu. Kwoguo nîwekarire nthî rûtererî rwa kîthima kîu. Vîndî îo kwarî kîndû ta thaa thita cia mûthenya.

Johana 4:8

(Ûndû ûyû wekîkire vîndî îrîa arutwa ake mataarî vo nîûndû maarî athiîu îtûûrarî kûgûra irio.)

Josh 24:32

Andû a Isiraeli makiuma Misiri nîmaakuuire mavîndî ma Josefu. Nao nîmaamathikire Shekemu mûgûndarî ûrîa Jakovu aagûrîte kuuma kûrî avîcî a Hamori îthe wa Shekemu. Mûgûnda ûcio wagûrîtwe mbeca cia sîlûva îgana rîmwe. Mûgûnda ûyû nîwacokire ûgîtuîka wa njiarwa cia Josefu.