Johana 4:32 - ÎVUKU RÎA ÛVORO MWARO

³² Nwatî Jesû nîwerire arutwa ake atîrî, “Nie nîrî na irio cia kûrîa irîa mue mûtaicî.”

Johana 4:32 ပူးပေါင်းရင်းမြစ်များ

Ayubu 23:12

Ndianatiga kûrûmîrîra maathani make, ciugo ciake nîcigîte ngororî yakwa.

Thaburi 119:103

Kaî nî mbîgucaga ciugo ciaku irî na mûrîo-î, irî mûrîo gûkîra ûûkî.

Thaburi 25:14

Ngai-Mûnene nî mûrata wa arîa mamwathîkagîra, na nîamaririkanagia kîrîkanîro.

Thaburi 63:5

Nîmbîganîrîte ta ûrîa mûndû arîte irio mbaro, na nîngaakwinîra nyîmbo cia gûgûkumia ngenete.

Nthi 14:10

Mûndû nîke ûmenyaga thîna wake ke mwene. Gûtirî mûndû ûngîmenya ûrîa mûndû wîngî akwîgua.

Nthi 18:20

Mîario ya mûndû nîyo îtûmaga mûndû avae, maûndû marîa mûndû aragia nîmo matûmaga eganîre.

Isaia 53:11

Vuva wa kwona umithio wa mathîna ma ndungata yake, nîagaacoka akene; ndungata îo yake nthingu îrî na ûmenyo, nîgaatûma andû eengî matuwe athingu; na nîgaakuuwa mevia mao.

Jeremia 15:16

We wambarîrie, na nie ngîkûthikîrîria, ciugo ciaku igîtûma ngene na njanjamûke, nîûndû nie mbîtanîtue na rîîtwa rîaku, we Ngai-Mûnene Ngai mwene vinya wonthe.

Johana 4:31

Na kamwerua andû acio makinye, arutwa nîmaathaithaga Jesû etîkîre kûrîa irio makîmwîraga atîrî, “Mwarimû! Wenda tu rîa irio.”

Johana 4:33

Kwoguo arutwa nîmaambîrîrie kûrania atîrî, “Nwa ethîrwe kûrî na mûndû ûmûreteere irio?”

Johana 4:34

Jesû nîwamerire atîrî, “Irio ciakwa nî kûvingia wendi wa ûrîa wandûmire na kûrîkia wîra ûrî aamveere ndute.

Ciîko 20:35

Nie nînîmwonetie maûndûrî monthe atî wata ûrîa naarutaga wîra nîrî na kîîo kîîngî wa namue nwa nginya mwîkage guo nîguo mûtethagie andû arîa matarî na vinya. Nie nînîmwîrîte mûririkanage ciugo irîa Mwathani Jesû ke mwene aaugire atîrî, ‘Nîkwîthagîrwa kûrî na gîkeno makîria mûndû akîvecana gûkîra akîvewa.’ ”

Kûguû 2:17

“Mûndû wa wonthe ûrî na matû ma kwîgua, nîathikîrîrie ûrîa Roho areera makanitha! “Arîa makaavootana nie nîngaamava mamwe ma maana marîa mathithe. Nie nîngaava wa ûmwe wa ciao îthiga rîa rangi njerû rîandîkîtwe rîîtwa rîcerû. Rîîtwa rîu rîtikethîrwa rîcîkene nî mûndû wîngî tiga ûrîa ûkaarîamûkîra.