Johana 4:12 - ÎVUKU RÎA ÛVORO MWARO

¹² Nî Jakovu îthe wetû wa tene watûveere kîthima gîkî. Ke mwene, ciana ciake na ndîthia yake nîmaanyuire manjî ma kîthima gîkî. We ûrenda kuga atî wî mûnene gûkîra Jakovu?”

Johana 4:12 ပူးပေါင်းရင်းမြစ်များ

Mathaayo 12:42

Mûthenya wa îtuîro, mûndûmûka mûthamaki wa Sheba nîakaarûngama na onanie ûrîa mue andû a rûciaro rûrû mûrî acûku. Mûndûmûka ûcio nîwathiîre rûgendo rûraca kûthikîrîria ûûgî wa mûthamaki Solomoni. Nie nîramwîra atî ava varî na mûndû mûnene gûkîra Solomoni.

Johana 4:13

Jesû nîwamûcokerie atîrî, “Mûndû wa wonthe ûnyunyaga manjî mama, nîacokaga kûnyonda.

Johana 4:20

Methe metû ma tene ma Samaria maagoocagîra Ngai kîrîmarî gîkî, nwatî mue Ayahudi mugaga atî îtûûrarî rîa Jerusalemu nîkuo twagîrîrwe nî kûgoocera Ngai.”

Johana 4:5

Kwoguo Jesû nîwakinyire îtûûrarî rîa Samaria rîrîa rîetagwa Sikaru, na rîarî vakuvî na mûgûnda ûrîa Jakovu aagaîrîte mûûriû wake Josefu.

Johana 4:6

Navo vaarî na kîthima Kîam Jakovu. Nake Jesû aarî mûnogu mûno nîûndû wa kûthiî rûgendo rûu. Kwoguo nîwekarire nthî rûtererî rwa kîthima kîu. Vîndî îo kwarî kîndû ta thaa thita cia mûthenya.

Johana 8:53

We nîkwa ûrî mûnene gûkîra Iburahimu îthe wetû ûrîa wakuire? Arathi wa nao nîmaakuire. Nîkwa ûreciria we ûrî û?”

Ahib 3:3

Mûndû ûrîa ûtumaga nyomba nîavecagwa gîtîîo gûkîra nyomba îrîa atumîte. Na njîra wata îno, Jesû nîwagîrîrwe nî kûvewa gîtîîo gûkîra Musa.