Johana 3:6 - ÎVUKU RÎA ÛVORO MWARO

⁶ Kîrîa kîonthe gîciarîtwe nî mwîrî nî mwîrî, na kîrîa kîonthe gîciarîtwe nî roho nî Roho.

Johana 3:6 ပူးပေါင်းရင်းမြစ်များ

Kîam 5:3

Rîrîa Adamu aakinyirie ûkûrû wa mîaka îgana rîa mîrongo îthatû (130), nîwaciarire kavîcî gekariî take viû na agîgatuîra rîîtwa Sethi.

Kîam 6:12

Nake Ngai nîwaroririe na akîona nthî îrî njûku nîûndû andû onthe maatûûraga mevagia.

Kîam 6:5

Ngai-Mûnene nîwonire atî waganu wa andû warî mwîngî mûno gûkû nthî, na atî meciragia maûndû macûku vîndî cionthe.

Ayubu 14:4

Nû ûngîvota kûruta kîndû kîtheru kuuma kûrî kîndû gîtarî kîtheru! Gûtirî mûndû ûngîvota?

Ayubu 25:4

Mûndû angîvota atîa gûtuîka mûthingu mbere ya Ngai? Mûndû ûciarîtwe nî mûndûmûka nwa atuîke mûtheru?

Thaburi 51:10

Nyûmbîra ngoro ntheru, we Ngai, na ûmbîkîre ngoro njerû na mbathîki.

Johana 1:13

Nao matiatuîka ciana cia Ngai na njîra îrîa andû maciaragwa, kana vinya wa mûndû wana kana wendi wa mûndû, nwatî Ngai ke mwene nîke watûmire matuîke ciana ciake.

Johana 3:7

Tiga kûmaka nîûndû nînakwîra atî nwa nginya ûciarwe rîngî.

Aroma 7:18

Nie nîmbicî atî ndaarî yakwa, ûguo nî kuga mwîrîrî wakwa ndirî na ûvoti wa gwîka waro. Nîûndû wana ethîrwa nîmendaga gwîka waro ndivotaga gûwîka.

Aroma 7:25

Nî ngatho kûrî Ngai ûrîa ûndethûraga na njîra ya Mwathani wetû Jesû Kristû. Kwoguo, meciriarî makwa ndungatagîra watho wa Ngai, nwatî mwîrîrî wakwa, ndungatagîra watho wa mevia.

Aroma 7:5

Vîndî îrîa twatûûraga tûrûmagîrîra maûndû ma mwîrî, watho wekagîra vinya merirîria marîa macûku ma mwîrî. Kwoguo maûndû marîa twekaga maatûretagîra gîkuû.

Aroma 8:13

Nîûndû mwatûûra mwathagwa nî maûndû ma mwîrî nîmûgaakua. Nwatî ethîrwa na njîra ya Roho nîmûkûûraga ciîko cienyu njûku irîa mwîkaga, nîmûgûtûûra mwoyo.

1Akor 6:17

Nwatî mûndû ûrîa wîgwatithanagia na Mwathani nîatuîkaga ûmwe nake kîîroho.

2Akor 5:17

Mûndû wa wonthe wînyitithanîtie na Kristû, ke nî kîûmbe gîcerû. Maûndû marîa makûrû nî mathiru, namo maûndû marîa macerû nîmaûku.

Agal 5:24

Nao arîa metanîtue na Kristû Jesû nîmaûragîte ûmûndû wao wa vamwe na ngumba na merirîria maguo macûku.

Aefeso 2:3

Ûma nî atî wa natue tuonthe twekaga wa tao. Twatûûraga twathagwa nî merirîria metû ma kîîndwîre na tûgekaga maûndû marîa meriragîrua nî mîîrî yetû na meciria metû, na twarî tûkinyîrwe nî marakara ma Ngai wata andû arîa engî.

Akol 2:11

Nîûndû wa kwîthîrwa mûrî ndaarî ya Kristû, nîmwarwithirue. Mûtiarwithua na njara cia andû, nwatî nî îrua rîrîa rîathondekirwe nî Kristû rîrîa rîatûtethûrire kuuma kûrî maavinya ma mîîrî yetû îrîa îvagia.

1Joh 3:9

Gûtirî mwana wana ûmwe wa Ngai ûthiîcaga na mbere kwîvia nîûndû arî na Ûngai. Ke ndevagia nîûndû Ngai nîke Îthe.