Johana 3:34 - ÎVUKU RÎA ÛVORO MWARO

³⁴ Ûrîa ûtûmîtwe nî Ngai aragia ciugo cia Ngai nîûndû Ngai nîavecaga mûndû Roho atakûthimîrîra.

Johana 3:34 ပူးပေါင်းရင်းမြစ်များ

2Atha 2:9

Maringa rûnjî, Elija nîwerire Elisha atîrî, “Mbîra ûrîa ûkwenda ngwîkîre mbere ya nthengutue kûrî we.” Nake Elisha nîwaugire atîrî, “Nakûthaitha ûngaîre gîcunjî Kîam roho waku maita maîrî.”

Thaburi 45:7

nîwendete ûthingu na ûkamena waganu. Kwoguo Ngai, Ngai waku nîakûthuurîte, na nîakûvete gîkeno gûkîra athamaki arîa engî onthe.

Isaia 59:21

Njoke nthondeke kîrîkanîro namue atî: vinya wakwa ûrîa nîmûvete na mataaro makwa marîa namûveere, nîmûtûûra nacio, na itûûre na ciana cienyu wana ciana cia ciana cienyu, kuuma rîu nginya tene na tene.”

Alawi 7:35

Icunjî icio ciumîte mategarî ma kûvîvua marîa marutîrîtwe Ngai-Mûnene, nîcio ciamûrirwe inengagîrwe Aroni na avîcî ake mûthenya ûrîa maamûrirwe magîtuîka athînjîri-Ngai.

Ndari 11:25

Ngai-Mûnene nîwacokire akînyûrûrûka arî îtuurî na akîarîria Musa. Nîwocire gîcunjî Kîam roho ûrîa aaveete Musa na akîûvecana kûrî athuuri acio mîrongo mûgwanja. Nao athuuri acio magîa na roho ûcio, nîmaambîrîrie kwaria ta arathi, nwatî gwa kavinda kanini.

Mathaayo 12:18

“Taroriani ndungata yakwa îrîa nie nîthuurîrîte, nîo mendete na nîngenaga nî yo. Nîngaamîva roho wakwa, nayo nîîkamenyithia andû a ndûrîrî îtuîro rîakwa.

Luka 4:18

“Roho wa Ngai ûrî vamwe nanie, nîûndû nîamvakîte maguta, nîguo ngavunjîrie andû arîa athîni Ûvoro Mwaro. Nîandûmîte nthiî nganîrîre atî andû arîa moveetwe nî makûrekererua, atumumu nîmagûcoka kwona, na njoke manîrîre atî andû arîa mavinyîrîrîtue nîmagûtethûrwa,

Johana 1:16

Nîtûnyitîte irathimo nyîngî mûno kuuma wegarî ûcio wake mwîngî.

Johana 15:26

“Nie nîngaamûtûmîra Mûtethia kuuma kûrî Vava. Ke nîke Roho wa ma ûrîa uumaga kûrî Vava na nîke ûkaaruta ûira wakwa.

Johana 16:7

Nwatî nîramwîra na ma atî: nie nathiî nîmûkûgîa umithio nîûndû nîngîrega kûthiî mûtigaatûmîrwa Mûtethia. Nwatî nathiî nîngaamûtûma kûrî mue.

Johana 3:17

Ngai ndaatûma Mûriû gûkû nthî nîguo atuîre andû, nwatî aamûtûmire gûkû nthî nîguo atuîke mûvonokia wa andû.

Johana 5:26

Na wata ûrîa Vava ke mwene arîke kiumo Kîam mwoyo, ûguo nwa ta guo atûmîte Mûriû atuîke kiumo Kîam mwoyo.

Johana 7:16

Nake Jesû nîwamacokerie atîrî, “Maûndû marîa nthomithanagia matiumîte kûrî nie, nwatî maumîte kûrî Ngai ûrîa wandûmire.

Johana 8:40

Ûndû ûrîa nie naaneka nî kûmûva ûvoro wa ma ûrîa neguire kuuma kûrî Ngai, nwatî mue mûrenda kûmbûraga. Iburahimu ndeka ûndû ta ûcio.

Johana 8:47

Mûndû wa wonthe umîte kûrî Ngai nîwathîkagîra ciugo cia Ngai. Nwatî mue mûtiumîte kûrî Ngai na kîu nîkîo kîratûma mûrege kûthikîrîria.”

Ciîko 1:2

nginya rîrîa aavirirwe îgûrû. Mbere ya avirwa îgûrû, nîwavere andû arîa aathuurîte matuîke atûmwa ake kîrîra. Nake eekire ûguo avotithîtue nî Roho Mûtheru.

Ciîko 10:38

Mue nîmwîcî ûvoro wîgiî Jesû Mûnazarethi. Ngai Nîwamûvere Roho Mûtheru na akîmûva vinya. Jesû nîwathiîcaga kûndû kuonthe agîkaga waro na akîvonagia arîa onthe maanyitîtwe nî Ngoma. Jesû eekaga ûguo nîûndû Ngai aarî vamwe nake.

Aroma 8:2

Nîûndû watho wa Roho ûrîa ûtûmaga tûtûûre tûrî ndaarî ya Jesû Kristû nîmûnjovoru kuuma kûrî watho wa mevia na gîkuû.

Aefeso 3:8

Nîrî mûnini gûkîra andû onthe a Ngai, nwatî Ngai nîwamûvere kîveo kîu Kîam mwanya. Nakîo kîveo kîu nî gîa kûvunjia kûrî andû a Ndûrîrî ûvoro mwaro wîgiî ûtonga ûrîa ûtarî kîthimi wa Kristû.

Akol 1:19

Nîûndû Ngai nîwonire kûrî kwagîrîru Mûriû ethîrwe ekariî take viû.

Akol 2:9

Nîûndû Kristû ethagîrwa arî na ûngai mwîcûru ûmûndûrî wake.

Kûguû 21:6

Nake nîwaugire atîrî, “Maûndû nîmavinga! Nie nînie wa mbere na wa mûthiia, Kîambîrîria na Kîrîkîro. Mûndû wa wonthe mûnyondu nîngaamwîtîkîria anyue manjî kuuma ithimarî irîa ciumaga manjî marîa mavecanaga mwoyo atakûrîva.

Kûguû 22:1

Mûraika nîwacokire akîmonia rûnjî rwa manjî ma mwoyo. Rûnjî rûu rwaumîte gîtîrî Kîam ûthamaki Kîam Ngai na Kîam Gatûrûme, namo manjî ma ruo maarî matheru na makengaga ta îra.