Johana 3:18 - ÎVUKU RÎA ÛVORO MWARO

¹⁸ “Andû arîa metîkîtie Mûriû matitucagîrwa, nwatî arîa matamwîtîkîtie nîmarîkîtie gûtuîrwa nîûndû matiîtîkitie Mûriû wa mûmwe wa Ngai.

Johana 3:18 ပူးပေါင်းရင်းမြစ်များ

Maariko 16:16

Na mûndû wa wonthe ûgeetîkagia na avatithue nîakaavonoka. Nwatî mûndû wa wonthe ûtageetîkagia, nîagaatuîrwa Mûthenya wa Îtuîro.

Johana 1:12

Nwatî andû onthe arîa maamwamûkîre na makîmwîtîkia, nîwametîkîrie gûtuîka ciana cia Ngai.

Johana 1:18

Gûtirî mûndû wanona Ngai. Nwatî Mûriû wake wa mûmwe ûrîa wî vakuvî mûno na îthe, nîke ûtûmîte amenyekane.

Johana 20:31

Nwatî ino ciandîkirwe nîguo mwîtîkie atî Jesû nîke Mesaya Mûriû wa Ngai, na atî mwamwîtîkia nîmûkaagîa na mwoyo nîûndû wa rîîtwa rîake.

Johana 3:16

Nîûndû Ngai nîwendire andû a gûkû nthî mûno nîwavecanire Mûriû wake wa mûmwe nîguo mûndû wa wonthe ûmwîtîkîtie ndagaakue nwatî agîe na mwoyo wa tene na tene.

Johana 3:36

Mûndû wa wonthe wîtîkîtie Mûriû arî na mwoyo wa tene na tene; na mûndû wa wonthe ûregete kûmwîtîkia ndakaagîa na mwoyo, nwatî agatûûra averithagua nî Ngai.

Johana 5:24

“Nie nîramwîra na ma atî: mûndû wa wonthe wîgucaga ndûmîrîri yakwa na agetîkia Ngai ûrîa wandûmire, arî na mwoyo wa tene na tene. Mûndû ûcio ndagaacirithua nî Ngai, nîûndû ke nîmumu kûrî arîa akuû na agatonya kûrî arîa marî mwoyo.

Johana 6:40

Nîûndû wendi wa Vava nî atî mûndû wa wonthe ûrîa wonaga Mûriû na akamwîtîkia nîwagîrîrwe nî kûgîa na mwoyo wa tene na tene. Nanie nîngaamûriûkia mûthenya wa mûthiia.”

Johana 6:47

Nie nîramwîra ûma: mûndû wa wonthe wîtîkîtie arî na mwoyo wa tene na tene.

Aroma 5:1

Na rîu, nîûndû nîtûtuîtwe athingu nî Ngai na njîra ya gwîtîkia, nîtwîgucanîte na Ngai na njîra ya Mwathani wetû Jesû Kristû.

Aroma 8:1

Nîûndû wa ûguo, rîu arîa marî ndaarî ya Jesû Kristû matingîtuîrwa atî nî evia.

Aroma 8:34

Nû ûngîmatuîra atî nî evia? Gûtirî wana ûmwe. Jesû Kristû nîke wakuire na agîcoka akîriûka na arî njararî ya ûrîo ya Ngai. Ke nîke ûtûthaithanagîra kûrî Ngai.

Ahib 12:25

Kwoguo îîmenyerereni na mûtikarege kwîgua mûndû ûrîa ûkwaria. Andû arîa maaregire kwîgua ûrîa wavecanaga ndûmîrîri kuuma kûrî Ngai matiavonoka. Wa natue tûtingîvonoka ethîrwa nwa tûrege kwîgua ûrîa waragia kuuma îgûrû!

Ahib 2:3

Tûngîrega kûverithua atîa tûngîtiganîria ûvonokio mûnene ta ûyû? Mwathani nîke warî wa mbere kwanîrîra ûvonokio ûyû, natue nîtwamenyithirue atî nî wa ma nî arîa maamwîgwire.

Ahib 3:19

Kwoguo nîtûrona atî matiavota gûtonya vûrûri ûcio nîûndû matietîkia.

1Joh 3:23

Narîo rîathani rîake nî atî; nwa nginya twîtîkie Mûriû wake Jesû Kristû na twendanage mûndû na ûrîa wîngî ta ûrîa Kristû aatwathire.

1Joh 4:9

Ngai nîwonanirie ûrîa atwendete na njîra îno; ke nîwatûmire Mûrû wake wa mûmwe gûkû nthî nîguo tûgîe mwoyo nîûndû wake.

1Joh 5:10

Kwoguo mûndû wa wonthe wîtîkagia Mûriû wa Ngai arî na ûira ûyû ngororî yake. Nwatî mûndû wa wonthe ûtetîkîtie Ngai nî atuîte Ngai wa maveeni, nîûndû mûndû ûcio ndetîkanîtie na ûrîa Ngai augîte ûrî ta ûira wîgiî Mûriû wake.

1Joh 5:12

Mûndû wa wonthe ûrî na Mûriû arî na mwoyo; mûndû wa wonthe ûtarî na Mûriû wa Ngai ndarî na mwoyo.