Johana 3:11 - ÎVUKU RÎA ÛVORO MWARO

¹¹ Nîrakwîra na ma atî: tue twaragia maûndû marîa twicî na tûkavecana ndeto ciîgiî maûndû marîa twonete, nwatî mue mûtirenda gwîtîkia ûira wetû.

Johana 3:11 ပူးပေါင်းရင်းမြစ်များ

Isaia 50:2

“Nîndûî gîatûmire vethîrwe vatarî mûndû vîndî îrîa naûkire? Nîndûî gîatûmire ndure mûndû wa kûnjokeria vîndî îrîa netanire? Nîkwa vinya wa njara yakwa wî mûnini, ûndû îtangîvota gûkûûra andû? Kana nîkwa ndarî na vinya wa kûvonokania? Taroriani nie nîmvûîthagia îria na uuge wakwa, na ngatûma nyûnjî ituîke werû, na nthamaki ciakuo igakua nî kûnyonda, na ikanunga nî gûtura manjî.

Isaia 53:1

“Nû wetîkirie ûvoro ûrîa twegwire? Nû ûguûrîrîtue atî nî Ngai-Mûnene warutaga wîra ûcio?

Isaia 55:4

Nama, nînamûtuire mûira kûrî andû a ndûrîrî, mûtongoria na mûnene wa andû.

Isaia 65:2

Natambûrûkagîria andû acio aremi njara ciakwa mûthenya mûgima, acio mathiîcaga na njîra itarî nûngîrîru, na marûmagîrîra mîvango yao o ene.

Mathaayo 11:27

“Vava nîamvete indo cionthe; gûtirî mûndû wîcî mûriû tiga Vava. Na gûtirî mûndû wîcî Vava tiga Mûriû na arîa Mûriû endaga kûmaguûrîria.

Mathaayo 23:37

“Jerusalemu, Jerusalemu! We nî ûragaga arathi na ûkariva na mathiga andû arîa onthe Ngai agûtûmîra! Nî maita megana nie nanenda gûcokanîrîria andû aku vamwe, wata ûrîa ngûkû îcokanagîrîria tûciiû rungu rwa mathagu mayo nwatî ndwanambîtîkîria!

Luka 10:22

“Vava nîmûnengeru maûndû monthe. Gûtirî mûndû wana ûmwe wîcî Mûriû tiga Îthe, na gûtirî mûndû wana ûmwe wîcî Vava tiga Mûriû na andû arîa Mûriû endaga kûmenyithia ke nû.”

Johana 1:11

Kiugo aathiîre vûrûrirî wake mwene na andû ake mwene matiamûnyita ûgeni.

Johana 1:18

Gûtirî mûndû wanona Ngai. Nwatî Mûriû wake wa mûmwe ûrîa wî vakuvî mûno na îthe, nîke ûtûmîte amenyekane.

Johana 12:49

Nie ndinaria na wathani wakwa nie mwene, nwatî Vava ûrîa wandûmire nîke ûmvete ûrîa mbagîrîrwe nî kuga na kwaria.

Johana 14:24

Mûndû wa wonthe ûtamendete ndathîkagîra ciugo ciakwa. Na ciugo irîa mwegua tî ciakwa, nwatî ciumîte kûrî Vava ûrîa wandûmire.

Johana 3:12

Angîthîrwa ndûrambîtîkia ngîkwîra maûndû ma gûkû nthî, ûngîmbîtîkia atîa ngîkwîra maûndû ma îgûrû?

Johana 3:13

Gûtirî mûndû wanathiî îgûrû tiga Mûrû wa Mûndû ûrîa wanyûrûrûkire kuuma îgûrû.

Johana 3:3

Jesû nîwamûcokerie atîrî, “Nîramwîra na ma atî: gûtirî mûndû ûngîona Ûthamaki wa Ngai atambîte gûciarwa rîngî.”

Johana 3:5

Nake Jesû nîwamûcokerie atîrî, “Nîrakwîra na ma atî gûtirî mûndû ûngîtonya Ûthamakirî wa Ngai atambîte gûciarwa rîngî na manjî na Roho Mûtheru.

Johana 5:43

Nie mbûkîte na rîîtwa rîa Vava na mûtinyamûkagîra. Nwatî mûndû wîngî angîûka akîaragia ûrîa eîrîte, nwa mûmwamûkîre.

Johana 7:16

Nake Jesû nîwamacokerie atîrî, “Maûndû marîa nthomithanagia matiumîte kûrî nie, nwatî maumîte kûrî Ngai ûrîa wandûmire.

Johana 8:14

Nake Jesû nîwamacokerie atîrî, “Wana ethîrwa nîravecana ûira wakwa, ûira ûrîa nîramûva nî wa ma nîûndû nie nîmbîcî kûrîa naaumire na kûrîa nthiîte. Mue mûtiîcî kûrîa naaumire wana kana kûrîa nthiîte.

Johana 8:26

Nîrî na maûndû meengî nîngiuga mamwîgiî na ma kûmûtuîra ciira. Nwatî ûrîa wandûmire nîmwîvokeku na nie mvecaga andû tu ûvoro ûrîa mbîguîte kuuma kûrî ke.”

Johana 8:38

Nie mbaragia maûndû marîa Vava amonetie, nwatî mue mwîkaga maûndû marîa îthe wenyu amwîrîte.”

Ciîko 22:18

na ngîona Mwathani. Nake nîwambîrire atîrî, ‘We îîvîke ume Jerusalemu narua, nîûndû andû arîa marî gûkû tîmetîkîra we ûmarutîre ûira ûrîa ûmbîgiî.’

2Akor 4:4

O matiîtîkagia nîûndû meciria mao nîmaigîtwe ndumarî nî ngai wa maveeni ûrîa wathaga nthî îno. Ke nîamarigîrîrîtie matikone ûtheri ûrîa umanaga na ûvoro mwaro wa riiri wa Kristû ûrîa arî ke mûvuanîre wa Ngai.

Kûguû 1:5

wana kuuma kûrî Jesû Kristû, Mûira ûrîa mwîvokeku, ûrîa wa mbere kûriûka na nwake Mwathi wa athamaki a nthî. Ke nîatwendete, na nîwatûkûûrire kuuma meviarî na nthakame yake

Kûguû 3:14

“Andîka kûrî mûraika wa kanitha ûrîa ûrî Laodikia atîrî: “Îno nîyo ndûmîrîri kuuma kûrî ûrîa wîtagwa Ameni. Ke nîke mûira ûrîa mwîvokeku na wa ma. Nîke Kîammbîrîria Kîam indo cionthe irîa Ngai aûmbîte.