Johana 2:6 - ÎVUKU RÎA ÛVORO MWARO

⁶ Ayahudi nîmaathîkagîra mawatho meengî megiî ûrîa mûndû avatarîte kwîtheria. Navo vaarî na nyûngû ithathatû cia manjî irîa ciatûmagîrwa nî Ayahudi mîtugorî ya kwîtheria, na wa nyûngû nîîngîagîre manjî mîtûngi îtano.

Johana 2:6 ပူးပေါင်းရင်းမြစ်များ

Luka 16:6

Nake nîwamûcokerie atîrî, ‘Nie nîrî na thirî wa maguta ndeve îgana rîmwe.’ Nake mûmenyereri ûcio wa indo nîwerire mûndû ûcio warî na thirî atîrî, ‘Ke maarûa îno ya thirî waku, wîkare nthî narua na wandîke atî wîna thirî wa maguta ndeve mîrongo îtano.’

Johana 2:7

Nake Jesû nîwerire ndungata icio atîrî, “Îcûriani manjî nyûngûrî ino cionthe.” Nacio ndungata nîciecûririe manjî nyûngûrî icio nginya manjî makîerera.

Johana 3:25

Arutwa amwe a Johana nîmaambîrîrie gûkararania na Mûyahudi ûmwe îgûrû rîgiî ûvoro wa kwîtheria.

Aefeso 5:26

Eekire ûguo nîguo awamûrîre Ngai na njîra ya kiugo gîake. Nîwatheririe kanitha na njîra ya kûûthambia na manjî.

Ahib 10:22

Kwoguo nîtûthiîni vakuvî na Ngai tûrî na ûvoro wa ma ngororî cietû, wîtîkio wa ma na tûrî na ngoro ntheru na thamiri cietû itagwîcuka na mîîrî yetû îthambîtue na manjî matheru.

Ahib 6:2

Tûtiagîrîrwe nî gûcokera ûvoro wîgiî magongoona ma ûvatithio na kwiganîrîra njara, kûriûka na îtuîro rîa tene na tene.

Ahib 9:10

Nîûndû iveo na mambura mau monanagia ûvoro wa kûrîa, kûnyua, na mambura mwanya mwanya ma kwîtheria. Mawatho mau monthe megiî ûvoro wa mwîrî, na mathiraga vinya rîrîa Ngai akathondeka ûndû mûcerû.

Ahib 9:19

Ûndû wa mbere ûrîa Musa eekire, nî kûmenyithia andû onthe maathani monthe wata ûrîa mandîkîtwe Wathorî. Nîwacokire agîoca nthakame ya ndegwa na ya mbûri akîmîtukania na manjî, na akîmîminjaminjîria îvuku rîa Watho na kûrî andû onthe akîvûthagarî karûthanju ka Hisovu kovereretwe guoya ndune.