Johana 2:12 - ÎVUKU RÎA ÛVORO MWARO

¹² Vuva wa ûguo Jesû nîwathiîre Kaperinaumu marî na ng'ina na arîa maaciaranîrîtue nake, wa vamwe na arutwa ake. Nao nîmeekarire kuo mîthenya mînini.

Johana 2:12 ပူးပေါင်းရင်းမြစ်များ

Mathaayo 11:23

Namue andû a Kaperinaumu, nîkwa mwendaga kwînenevia nginya mûkinye îgûrû? Mue nî mûgaaikua îcuarî. Nîûndû ciama irîa mwaringîrwe ingîaringîtwe Sodomu andû a kuo nî mangîtwîre vo nginya ûmûnthî!

Mathaayo 12:46

Kavinda wa kau Jesû wa akîaragîria andû, ng'ina na arîa maaciaranîrîtue nake nî maakinyire. Nao nîmaarûngamire vau nja makîenda kwaria nake. [

Mathaayo 4:13

Jesû nîwaumire îtûûrarî rîa Nazarethi, na akîthiî gûtûûra Kaperinaumu itûûra rîrîa rîarî vakuvî na îria rîa Galili vûrûrirî wa Zebuluni na Nafutali.

Maariko 6:3

Na kinthî ûyû tî mûvundi ûrîa wa mbaû, mûvîcî wa Mariamu, na nwake mûrwang'ina na Jakuvu, Josefu, Judasi na Simoni? Na kinthî wana aa mwarwang'ina matitûûraga gûkû vamwe natue.” Na kwoguo nîmaamûregire.

Johana 2:2

Wana Jesû na arutwa ake maarî eete ûvikirî ûcio.

Johana 4:46

Jesû nîwathiîre rîngî îtûûrarî rîa Kana ya Galili kûrîa aagarûrîrîte manjî magatuîka ndivei. Nakuo îtûûrarî rîa Kaperinaumu kwarî na karani ûmwe wa thirikari warî na mûvîcî wake warwarîte.

Johana 6:17

na magîtwa îtarûrî nîguo maringe mûringo ûcio wîngî, meerekerete îtûûrarî rîa Kaperinaumu. Nakuo nîgwatukire na Jesû ndaarî mûthiîu kûrî o.

1Akor 9:5

Na kinthî tue tûtiagîrîrwe nî kûthiîcanagia na mûndûmûka mwîtîkia wata atûmwa arîa engî na ta aa mûrwang'ina na Mwathani kana ta Petero?

Agal 1:19

Nie ndiona atûmwa acio engî onthe tiga Jakuvu, ûrîa mûrwang'ina na Jesû.