Johana 18:3 - ÎVUKU RÎA ÛVORO MWARO

³ Kwoguo Judasi nîwathiîre mûgûndarî ûcio arî na gîkundi Kîam athigari a Roma wa vamwe na arangîri a hekarû matûmîtwe nî anene a athînjîri-Ngai wa vamwe na Afarisai. Maathiîre kuo makuuîte indo cia mbaara, taa na imûrî.

Johana 18:3 ပူးပေါင်းရင်းမြစ်များ

Thaburi 22:12

Nthû nyîngî inthiûrûrûkîrîtie ta ndegwa, inthiûrûrûkîrîtie ta ndegwa mbaganu cia vûrûri wa Bashani.

Mathaayo 25:1

“Vîndî îo Ûthamaki wa îgûrû ûkaagerekanua na erîtu îkûmi arîa moocire mataa mao nîguo magatûnge mûvikania.

Johana 13:2

Rîrîa Jesû na arutwa ake maarî metharî makîrîa irio cia kîvwaî, Ngoma aarî mwîkîru meciria ma gûcukanîrîra Jesû ngororî ya Judasi mûvîcî wa Simoni Mûsikariota.

Johana 18:12

Kwoguo athigari a Roma marî vamwe na mûnene wao na atongoria a Ayahudi nîmaanyitire Jesû.

Johana 18:18

Na nîûndû kwarî na mvevo, ndungata na arangîri maarî akiu mwaki wa makara na nîmaarûngamîte maûthiûrûrûkîrîtie makîwota. Kwoguo Petero nîwathiîre na akîrûngama vamwe nao nîguo ote mwaki.

Johana 18:22

Rîrîa Jesû aarîkirie kuga ûguo, mûrangîri ûmwe ûrîa warî vau nîwamûringire na rûvî na akîmûria atîrî, “Ûngîvota gûcokeria Mûthînjîri-Ngai mûnene ûguo atîa?”

Johana 19:6

Rîrîa anene a athînjîri-Ngai na arangîri a hekarû maamwonire, nîmaambîrîrie kugîrîria atîrî, “Mwambithie mûtharavarî! Mwambithie mûtharavarî!” Nake Pilato nîwamerire atîrî, “Mwoceni na mûthiî mûkamwambe mûtharavarî arî mue nîûndû nie ndirona îvîtia rîrîa mûndû ûyû ekîte.”

Johana 7:32

Afarisai nîmegwire andû makîaria na kîvwe ûvoro wîgiî Jesû. Kwoguo Afarisai acio marî vamwe na anene a athînjîri-Ngai, nîmaatûmire arangîri mathiî makanyite Jesû.

Ciîko 1:16

“Ariû na aarî a îthe wetû mue mwîtîkîtie Ngai, Mandîko marîa matheru nwanginya maarî mavingue marîa Roho Mûtheru aaririe na kanyua ka Daudi rîrîa aarathire ûvoro wîgiî Judasi. Judasi nîke watongoretie arîa maanyitire Jesû.

Ciîko 10:1

Nakuo Kaisarea kwarî na mûndû ûmwe wetagwa Korinelio, warî mûnene wa athigari magana matandatû a mbûtû ya Roma îrîa yetagwa “Mbûtû ya Italia.”