Johana 17:8 - ÎVUKU RÎA ÛVORO MWARO

⁸ Nie nînaamakinyîrie ndûmîrîri îrîa wamvere, nao makîmîamûkîra. Nîmaicî na ma atî nie naumire kûrî we, na nîmetîkîtie atî we nîwe wandûmire.

Johana 17:8 ပူးပေါင်းရင်းမြစ်များ

Nthi 1:23

Tathikîrîriani ngîmûkaania. Nîngaamûmenyithia meciria makwa, na nîngaamwîcûria ûûgî wakwa.

Nthi 1:3

Nthimo ino ithomithagia andû ûrîa magîrîrwe nî gwîkaga maûndû na njîra ya ûûgî, ûthingu, kîvooto na waragania,

Nthi 2:1

Mwana wakwa, rûmagîrîra ciugo ciakwa, na wige maûndû marîa ngwathaga ngororî.

Nthi 4:10

Mwana wakwa, thikîrîria na wîtîkîre ûrîa nîrakwîra, na nîûgûtûûra mîaka mîîngî.

Nthi 8:10

Îîthuurîreni kîrîra gîakwa îthenya rîa sîlûva, na mwîthuurîre ûmenyo îthenya rîa thaavu ntheri.

Mathaayo 13:11

Nake Jesû nîwamacokerie atîrî, “Mue nîmûvetwe ûmenyo wa nthitho cia ûthamaki wa îgûrû nwatî acio engî tî ave.

Johana 12:49

Nie ndinaria na wathani wakwa nie mwene, nwatî Vava ûrîa wandûmire nîke ûmvete ûrîa mbagîrîrwe nî kuga na kwaria.

Johana 14:10

Filipu, ndûretîkia atî nie nîrî ndaarî ya Vava na Vava arî ndaarî yakwa? Nie, tînie nîîrîte ciugo irîa namwîra. Vava ûrîa wîkaraga ndaarî yakwa nîke wîkaga maûndû mama.

Johana 15:15

Nie ndigûcoka kûmwîta ndungata rîngî, nîûndû ndungata ndîthagîrwa îkîmenya ûrîa mûmîathi areka. Vandû va ûguo nînîmwîta arata, nîûndû nînîmûmenyithîtie maûndû monthe marîa mbîguîte kuuma kûrî Vava.

Johana 16:27

Vava ke mwene nîamwendete. Amwendete nîûndû nîmûmendete na nîmwîtîkîtie atî naumire kûrî Ngai.

Johana 16:30

Rîu nîtwamenya atî we nîwîcî maûndû monthe. We nîûvotaga gûcokeria mûndû kîûria wana mbere ya akûrie. Ûndû ûyû nîguo ûratûma twîtîkie atî we waumire kûrî Ngai.”

Johana 17:14

Nînaamakinyîrie ndûmîrîri yaku na andû a gûkû nthî makîmamena nîûndû o tî a gûkû nthî wata ûrîa wa nanie ndarî wa gûkû nthî.

Johana 17:18

Wa ta ûrîa wandûmire gûkû nthî, wa nanie nîguo namatûma.

Johana 17:21

Nîravoya atî onthe matuîke kîndû kîmwe. Maroekara ndaarî yetû, wata ûrîa we ûrî ndaarî yakwa nanie nîrî ndaarî yaku. Marotuîka kîndû kîmwe nîguo andû a gûkû nthî metîkie atî we nîwe wandûmire.

Johana 17:23

Nie ngethagîrwa nîrî ndaarî yao, nawe ûkethagîrwa ûrî ndaarî yakwa nîguo matuîke kîndû kîmwe viû. Nao andû a gûkû nthî magaacoka mamenye atî we nîwe wandûmire na atî we nîûmendete wata ûrîa ûmendete.

Johana 17:3

Naguo mwoyo wa tene na tene nî atî andû onthe makûmenye we Ngai wa ma na mamenye Jesû Kristû ûrîa watûmire.

Johana 3:17

Ngai ndaatûma Mûriû gûkû nthî nîguo atuîre andû, nwatî aamûtûmire gûkû nthî nîguo atuîke mûvonokia wa andû.

Johana 3:33

Nwatî mûndû wa wonthe wîtîkagîra ûira wake, nîatuîkaga mûira atî Ngai nî wa ma.

Johana 6:68

Nake Simoni Petero nîwamûcokerie atîrî, “Mwathani tûngîgûtiga tûkathiî kûrî û? We ûrî na ciugo cia mwoyo wa tene na tene.

Johana 8:42

Nake Jesû nîwamerire atîrî, “Angîthîrwa na ma Ngai nîke Îthe wenyu, nîmûngîmendete nîûndû naaumire kûrî Ngai na rîu nîrî ava. Nie tînie netûmire nwatî Ngai nîke wandûmire.

1Akor 11:23

Kîrîra kîrîa namûveere nakîamûkîre kuuma kûrî Mwathani; atî Mwathani Jesû, ûtukû ûrîa aacukanîrîrwe nîwocire mûgate,

1Akor 15:1

Rîu ariû na aarî a îthe wetû, nîrenda kûmûririkania Ûvoro Mwaro ûrîa naamûvunjîrie. Nîmwawamûkîre na nîmûwîtîkîtie mwîkindîrîtie.

Gûco 18:18

Nîngaamathuurîra mûrathi tawe kuuma gatagatîrî ka andû ao. Nîngekîra ciugo ciakwa kanyuarî gake, na ameerage maûndû monthe marîa ngaamwatha.

1Ath 2:13

Na kûrî ûndû wîngî ûtûmaga tûcokie ngatho kûrî Ngai tûtagûtigithîrîria. Vîndî îrîa twamûretere ndûmîrîri ya Ngai, nîmwamîgwire na mûkîmîtîkîra. Mûtiamîtîkîra ta ndûmîrîri ya andû nwatî mwamîtîkîre ta ndûmîrîri ya Ngai na nî ma nî ya Ngai na nîyo îraruta wîra ndaarî yenyu mue arîa mwîtîkîtie.

1Ath 4:1

Na mûthiiarî, ariû na aarî a îthe wetû, nîmwathomire kuumana natue ûrîa mwagîrîrwe nî gûtûûra nîguo mûkenie Ngai na nwa guo mûratûûra. Rîu tûramûria na tûkamûthaitha na rîîtwa rîa Mwathani Jesû mûtûûre waro makîria.

1Joh 4:14

Tue nîtwonete na nîtumbûraga atî Îthe nîwatûmire Mûriû wake atuîke Mûvonokia wa nthî.

Kûguû 1:1

Îvuku rîîrî nî mûtaratara wa maûndû marîa Jesû Kristû aaguûririe. Ngai aamûveere kûguûrîrua gûkû, nîguo onie ndungata yake maûndû marîa maarî nwa nginya mekîke narua. Nake Kristû nîwatûmire mûraika wake akamenyithie ndungata yake Johana,