Johana 17:5 - ÎVUKU RÎA ÛVORO MWARO

⁵ Vava! Nîrî mbere yaku mva riiri, riiri wata ûrîa naarî naguo mbere ya nthî kûmbwa.

Johana 17:5 ပူးပေါင်းရင်းမြစ်များ

Mathaayo 25:34

Nake mûthamaki nîagaacoka ere andû arîa makeethîrwa marî mwena wake wa ûrîo atîrî, ‘Ûkani mue arîa mûrathimîtwe nî Vava! Ûkani mûgwate Ûthamaki ûrîa wavarîrîtue nîûndû wenyu kuuma wa Kîammbîrîria gîa kûmbwa kwa nthî.

Johana 1:18

Gûtirî mûndû wanona Ngai. Nwatî Mûriû wake wa mûmwe ûrîa wî vakuvî mûno na îthe, nîke ûtûmîte amenyekane.

Johana 10:30

Nie na Vava tûrî kîndû kîmwe.”

Johana 14:9

Jesû nîwamûcokerie atîrî, “Filipu, ndûûranîtie namue muonthe kavinda karaca ûguo na atî we ndûrî mûûmenyu? Mûndû wa wonthe ûmonete, nîmwonu Vava. Nîndûî kîratûma ûmbîre, ‘Twonie Vava?’

Johana 17:1

Jesû arîkia kwaria maûndû mama, nîwaroririe îgûrû na akîvoya atîrî, “Vava îvinda nîrîkinyu. Goocithia Mûrûguo, nîguo nake Mûrûguo akûgoocithie.

Johana 17:24

“Vava! Nîrenda acio wamvere mekarage varîa nie nîrî, nîguo monage riiri wakwa ûrîa we wamvere, nîûndû we nîwamendire wana mbere ya nthî kûmbwa.

Johana 3:13

Gûtirî mûndû wanathiî îgûrû tiga Mûrû wa Mûndû ûrîa wanyûrûrûkire kuuma îgûrû.

Johana 8:58

Jesû nîwamacokerie atîrî, “Nîramwîra na ma atî Iburahimu atarî mûciare, ‘Nie naarî wa kuo.’ ”

Afil 2:6

Ke aarî na Ûngai, Nwatî ndeciria atî nwa atûmîre vinya nîguo eganane na Ngai.

Ahib 1:10

Ngai nîwacokire akiuga atîrî, “Kîambîrîriarî, we Mwathani nîwaûmbire nthî, na ûkîthondeka îgûrû na njara ciaku.

Ahib 1:3

Ke onanagia ûkengu wa riiri wa Ngai na akonania mûvano wa ma wa ûrîa Ngai ekariî. Nîanyitîrîte nthî yonthe na kiugo gîake kîrîa kîrî vinya. Vuva wa kûtheria mevia ma mûndû, nîwekarire mwena wa ûrîo wa Ngai mwene vinya wonthe kûu îgûrû.

1Pet 1:20

Kristû aathuurirwe nî Ngai mbere ya nthî kûmbwa, nwatî rîu mîthenyarî îno ya kûrigîrîria nîaguûrîtue nîûndû wenyu.

1Pet 1:21

Na njîra ya Kristû nîmwîtîkîtie Ngai ûrîa wariûkirie Kristû na akîmûva riiri. Kwoguo rîu mûtûûraga mwîtîkîtie Ngai na mwigîte mwîrîgîrîro wenyu kûrî ke.

1Joh 1:2

Rîrîa Mwoyo ûyû waguûranîrue nîtwawonire. Kwoguo nîtwaragia ûira waguo na tûkamwîra ûvoro wîgiî mwoyo wa tene na tene ûrîa warî na Îthe na ûrîa twamenyithirue.

Kûguû 13:8

Andû onthe arîa matûûraga nthî nîmakaagooca nyamû îo. Nwatî andû arîa marîîtwa mao maandîkirwe îvukuurî rîa mwoyo mbere ya nthî yûmbwa matikaamîgooca. Îvuku rîu nî rîa Gatûrûme karîa kaaûragirwe.

Kûguû 3:21

Arîa makaavootana, nîngaamava rûtha rwa gwîkara mwenarî wakwa gîtîrî gîakwa Kîam ûthamaki wata ûrîa wananie naavootanire na rîu mbîkarîte mwenarî wa Vava gîtîrî gîake Kîam ûthamaki.