Johana 17:1 - ÎVUKU RÎA ÛVORO MWARO

¹ Jesû arîkia kwaria maûndû mama, nîwaroririe îgûrû na akîvoya atîrî, “Vava îvinda nîrîkinyu. Goocithia Mûrûguo, nîguo nake Mûrûguo akûgoocithie.

Johana 17:1 ပူးပေါင်းရင်းမြစ်များ

Thaburi 123:1

We Ngai-Mûnene, nîwe ndoretie, we wathanaga ûrî kûu îgûrû.

Isaia 38:14

“Ng'ambaga ta cûcû wa njoka, njaaga ta ndutuura. Metho makwa nîmathiru vinya nî kûroria îgûrû. Ûûi Mwathani, nînîrathînîka tuîka mûgitîri wakwa.

Maariko 14:41

Na rîrîa aathiîre varîa maarî riita rîa kathatû, nîwamerire atîrî, “Anga nginya rîu mûrî toro mûvurûkîte? Nî îthirîre vau! Îvinda nîrîakinya na Mûrû wa Mûndû nîakûnenganîrwa kûrî evia.

Luka 18:13

“Nwatî mwîtia wa mbeca cia gooti nîwarûngamire vandû varaca na ndangîetîkîrire gûtiira metho make na îgûrû, nwatî ke nwakwa eeriraga akiugaga atîrî, ‘Ûûi Ngai, mbîguîra ntha, nie nîrî mwîvia!’

Luka 22:53

Mûthenya wa mûthenya nîrethagîrwa nîrî namue hekarûrî na mûtiranyitaga. Nwatî gaka nîko kavinda kenyu ga gwîka ûrîa mwîcirîtie gwîka mûtongoretue nî vinya wa nduma.”

Johana 11:4

Rîrîa Jesû eegwire ûguo nîwaugire atîrî, “Mûrimû ûyû tîwa gûtûma Lazaro akue, nwatî nîwagûtûma Ngai akumue, atî Mûriû wa Ngai agoocithue na njîra yaguo.”

Johana 11:41

Nao nîmaathengutirie îthiga vo. Jesû nîwacokire akîroria îgûrû na akiuga atîrî, “Vava nînagûcokeria ngatho nîûndû nîûnthikagîrîria.

Johana 12:23

Nake Jesû nîwamerire atîrî, “Îvinda nîrîkinyu Mûrû wa Mûndû avewe riiri.

Johana 13:1

Gwatigarîtie mûthenya ûmwe kîrugo Kîam pasaka Kîammbîrîrie. Jesû nîwaicî atî îvinda rîake rîa kuuma gûkû nthî athiî kûrî îthe rîarî rîkinyu. Ke aarî mwendu andû ake arîa maarî gûkû nthî, na aamendire nginya mûthiia.

Johana 16:32

Kavinda nîgagûkinya, na rîu nîgakinyu, kavinda karîa muonthe mûkaanyagarûkana wa mûndû enûke gwake mûciî na mûndige nîrî nienga. Nwatî ndirî nienga nîûndû Vava arî vamwe nanie.

Johana 7:30

Andû amwe arîa maarî vo nîmaageririe kûmûnyita, nwatî gûtirî mûndû wana ûmwe wamûvûrûririe nîûndû îvinda rîake rîtiarî rîkinyu.

Johana 7:39

Nake Jesû akiuga ûguo aaragia ûvoro wîgiî Roho Mûtheru, ûrîa warî avewe arîa maamwîtîkirie. Vîndî îo Roho ndaarî mûvecane nîûndû Jesû ndaarî mûve riiri wake.

Johana 8:20

Jesû aaririe maûndû mama monthe vîndî îrîa aathomithanagia hekarûrî arî vakuvî na kanyomba karîa kaaigagwa tûthandûkû tûrîa twekagîrwa mûvothi. Nwatî gûtirî mûndû wana ûmwe wamûnyitire nîûndû îvinda rîake rîtiarî rîkinyu.

Ciîko 3:13

Ngai wa Iburahimu, Isaka na Jakovu na nîke Ngai wa methe metû ma tene, nîke ûvecanîte riiri wake kûrî Jesû ndungata yake. Nwatî mue nîmwanenganîre Jesû kûrî athani na mûkîmûrega mbere ya Pilato, wana ethîrwa Pilato nîwatuîte amûrekererie.

1Pet 1:21

Na njîra ya Kristû nîmwîtîkîtie Ngai ûrîa wariûkirie Kristû na akîmûva riiri. Kwoguo rîu mûtûûraga mwîtîkîtie Ngai na mwigîte mwîrîgîrîro wenyu kûrî ke.