Johana 14:2 - ÎVUKU RÎA ÛVORO MWARO

² Mûciî kwa Vava kûrî na ciîkaro nyîngî, na nîngûthiî kûmûvarîrîria vandû. Nie ndingîamwîra ûguo angîthîrwa ûguo tîguo kûrî.

Johana 14:2 ပူးပေါင်းရင်းမြစ်များ

Luka 14:22

Vuva wa kavinda kanini ndungata îo nîyacokire mûciî na îkîra mûnene wayo atîrî, ‘Mwathani nînavingia ûrîa ûrandûmîte, nwatî nyomba twa mbîcûru andû.’

Johana 13:33

Ciana ciakwa, nîmbîthîrwa nîrî namue îvinda rînini. Mue mûkaanjaria; nwatî nîramwîra wata ûrîa nerire Ayahudi atî, ‘Kûrîa ngûthiî tîmûvota gûka.’

Johana 13:36

Simoni Petero nîwaûririe Jesû atîrî, “Mwathani, nîkwa ûrathiî kû?” Nake Jesû nîwamûcokerie atîrî, “Kûrîa nie nîrathiî ndûngînûmîrîra rîu, nwatî vuvarî ûkaanûmîrîra.”

Johana 14:28

Mue nîmwîguîte ngîmwîra atî, ‘Nînîrathiî, nwatî ngaamûcokerera.’ Ethîrwa na ma nîmûmendete, nîmûngîrakena nîûndû nîrathiî kûrî Vava, nîûndû ke nî mûnene kûngîra.

Johana 16:4

Nwatî namwîra maûndû mama nîguo îvinda rîakinya rîa maûndû mama gwîkîka, mûkaaririkana atî nînamwîrîte ûvoro ûmegiî. “Nie ndiamwîra maûndû mama kuuma Kîammbîrîria nîûndû nîrethagîrwa nîrî vamwe namue.

Johana 17:24

“Vava! Nîrenda acio wamvere mekarage varîa nie nîrî, nîguo monage riiri wakwa ûrîa we wamvere, nîûndû we nîwamendire wana mbere ya nthî kûmbwa.

Ciîko 9:16

Na nie mwene nîngûmwonia ûrîa ke akathînua nîûndû wakwa.”

2Akor 5:1

Tue nîtwîcî atî kûrî vîndî îgema rîîrî rîetû tûtûûraga rîa gûkû nthî rîkaatharua. Narîo îgema rîu nî mîîrî îno yetû. Vîndî îo Ngai akeethîrwa arî na nyomba yetû kûu îgûrû. Nyomba îo nîke ke mwene ûtumîte na îgaatûûra tene na tene.

1Ath 5:9

Ngai ndaatûthuura nîguo atûverithie nîûndû wa kûmûrakaria, nwatî aatûthuurire nîguo tûgîe na ûvonokio na njîra ya Mwathani wetû Jesû Kristû.

Tito 1:2

Ûvoro wa gwîtîkia na kûgîa na ûmenyo wa ûvoro wama nî ûvecanaga kîîrîgîrîro Kîam Mwoyo wa tene na tene kîrîa Ngai ûrîa ûtaveenanagia aatwîrîre kuuma Kîammbîrîria.

Ahib 11:10

Iburahimu aatûûraga etererete îtûûra rînene rîrî na mûcingi wa gûtûûra rîtumîtwe nî Ngai.

Ahib 13:14

Nîûndû gûkû nthî tûtirî na îtûûra înene rîa gûtûûra tene na tene, nîgûcaria tûcaragia îtûûra înene rîrîa rîgaaûka.

Ahib 6:20

Nake Jesû nîmûtonyu vo vandûrî vetû na nîmûtuîku Mûthînjîri-Ngai ûrîa mûnene wa tene na tene wata Melikizedeki.

Ahib 9:8

Na njîra îno, Roho Mûtheru nîonanagia atî rîrîa rîonthe îgema rîa nja rîrî vo, njîra ya kûthiî vandû varîa vatheru Mûno tî mvingûre.

Kûguû 1:5

wana kuuma kûrî Jesû Kristû, Mûira ûrîa mwîvokeku, ûrîa wa mbere kûriûka na nwake Mwathi wa athamaki a nthî. Ke nîatwendete, na nîwatûkûûrire kuuma meviarî na nthakame yake

Kûguû 21:2

Nînoonire îtûûra rîrîa rînene rîtheru, na nîrîo Jerusalemu njerû, rîkînyûrûrûka kuuma îgûrû kwî Ngai. Narîo rîagemetue ta ûrîa mûviki egemagia nîguo agatûnge mûthuuriwe.

Kûguû 3:12

Arîa makavootana, nîngaamatua itugî cia hekarû ya Ngai wakwa na matikaauma kuo. Nîngaamandîka rîîtwa rîa Ngai wakwa na nîmandîke rîîtwa rîa îtûûra rîa Ngai wakwa. Îtûûra rîu nîrîo Jerusalemu njerû, îrîa îkanyûrûrûka. Îkanyûrûrûka kuuma îgûrû kûrî Ngai wakwa wana nîngaamandîka rîîtwa rîakwa rîcerû.

Kûguû 3:21

Arîa makaavootana, nîngaamava rûtha rwa gwîkara mwenarî wakwa gîtîrî gîakwa Kîam ûthamaki wata ûrîa wananie naavootanire na rîu mbîkarîte mwenarî wa Vava gîtîrî gîake Kîam ûthamaki.