Johana 13:4 - ÎVUKU RÎA ÛVORO MWARO

⁴ Kwoguo rîrîa maarî metharî makîrîa Jesû nîwaûkîrire, akîruta nguo yake îrîa eekagîra îgûrû na akîîyova taurû kîûnûrî.

Johana 13:4 ပူးပေါင်းရင်းမြစ်များ

2Atha 3:11

Mûthamaki Jehoshafati nîwaûririe atîrî, “Nîkwa gûtarî na mûrathi ava, ûrîa ûngîaria na Ngai-Mûnene vandûrî vetû?” Mûndû ûmwe wa ndungata cia mûthamaki wa Isiraeli nîwaugire atîrî, “Elisha mûvîcî wa Shafati arî ava. Nîke watuîkire mûrathi vuva wa Elija.”

Luka 12:37

Kûrathimwa nî ndungata irîa ciîthagîrîrua nî mwathi wacio itamamîte vîndî îrîa acoka. Nie nîramwîra na ma atî vîndî îrîa mwathi wacio agaacoka akamba kûruta îgooti, ameete mathiî mekare metharî na acoke amaraîre.

Luka 17:7

“Ethîrwa kûrî mûndû gatagatîrî kenyu ûrî na ndungata îrarîma mûgûndarî kana îrarîthia mbûri, yauma mûgûndarî nwa amîre atîrî, ‘Ûka wîkare nthî ûrîe?’

Luka 17:8

Na ma ndangîmîra ûguo! Vandû va ûguo nwa amîrire atîrî, ‘Mvarîrîria irio cia kîvwaî na weterere ndîe na nyue. Navaa nîrîo ûkaarîa na ûnyue.’

Luka 22:27

Nî mûndû ûrîkû wîthagîrwa arî mûnene viû; nî ûrîa wîkaraga metharî nîguo avirîrwe irio kana nî ûrîa ûviranagîra irio metharî? Na kinthî tî mûndû ûrîa wîkaraga metharî nîguo avirîrwe irio? Nwatî nie nîrî gatagatîrî kenyu mbîkariî ta ndungata yenyu.

Johana 13:12

Jesû aarîkia kûmathambia magûrû, nîwacokirie nguo yake mwîrî îrîa eekagîra îgûrû na agîcoka varîa eekarîte metharî. Nake nîwamaûririe atîrî, “Nîmwataûkîrwa nî ûrîa namwîka?

2Akor 8:9

Mue nîmwîcî wega wa Mwathani wetû Jesû Kristû. Wana ethîrwa aarî mûtongu, ke nîwetwire mûthîni nîûndû wenyu nîguo atûme mûtuîke atongu na njîra ya ûthîni wake.

1Joh 3:11

Ndûmîrîri îrîa mwegwire kuuma wa Kîammbîrîria nî îno: nwanginya twendanage.