Johana 11:41 - ÎVUKU RÎA ÛVORO MWARO

⁴¹ Nao nîmaathengutirie îthiga vo. Jesû nîwacokire akîroria îgûrû na akiuga atîrî, “Vava nînagûcokeria ngatho nîûndû nîûnthikagîrîria.

Johana 11:41 ပူးပေါင်းရင်းမြစ်များ

Thaburi 123:1

We Ngai-Mûnene, nîwe ndoretie, we wathanaga ûrî kûu îgûrû.

Mathaayo 11:25

Kavinda kau Jesû nîwaugire atîrî, “Vava, Mwathani wa îgûrû na nthî! Nie nîragûcokeria ngatho nîûndû nîûthithîte maûndû mama andû arîa aûgî na amenyi na ûkamaguûria kûrî andû arîa matarî na ûmenyo.

Mathaayo 11:26

Îni Vava! Ûguo nîguo wendete gûtuîkîke.

Mathaayo 27:60

na akîwiga mbîrîrarî yake îrîa aacîte îthigarî na îtaanaigwa mûndû. Nîwacokire akîvingiritia îthiga rînene akîvinga mbîrîra narîo akînathiî.

Maariko 15:46

Nake Josefu nîwagûrire cuka, agîcurûria mwîrî ûcio, akîûrigica nayo, na akîwiga mbîrîrarî îrîa yacîtwe îthigarî. Nîwacokire akîvingiritia îthiga rînene nîguo rîkunîke mûromo wa mbîrîra îo.

Luka 10:21

Vîndî îo Jesû nîwakenire ecûrîtwe nî Roho Mûtheru na akiuga atîrî, “Vava wa îgûrû na nthî, nînagûcokeria ngatho nîûndû we nîwonetie andû arîa enyivia maûndû marîa ûthithîte andû arîa aûgî na imenyi. Îni nîguo Vava, ûguo nîguo we wendaga gwîkîke.”

Luka 18:13

“Nwatî mwîtia wa mbeca cia gooti nîwarûngamire vandû varaca na ndangîetîkîrire gûtiira metho make na îgûrû, nwatî ke nwakwa eeriraga akiugaga atîrî, ‘Ûûi Ngai, mbîguîra ntha, nie nîrî mwîvia!’

Luka 24:2

Nao nîmeethîre îthiga rîrîa rîakunîkîte mbîrîra rîrî rîvingiritie.

Johana 11:22

Nwatî nîmbîcî atî wana rîu Ngai nîagûkûva kîndû wa kîonthe kîrîa ûkûmwîtia.”

Johana 17:1

Jesû arîkia kwaria maûndû mama, nîwaroririe îgûrû na akîvoya atîrî, “Vava îvinda nîrîkinyu. Goocithia Mûrûguo, nîguo nake Mûrûguo akûgoocithie.

Johana 20:1

Jumaviri kîraûko macangîa kûrî na nduma, Mariamu Mûmagidali nîwathiîre mbîrîrarî. Na rîrîa oonire îthiga rîrîa rîaigîtwe mûromorî wa mbîrîra rîrî rîthengutie,

Ciîko 7:55

Nwatî Stefano ecûrîtwe nî Roho Mûtheru, nîwaroririe îgûrû akîona riiri wa Ngai na Jesû arûngamîte mwena wa ûrîo wa Ngai.

Afil 4:6

Mûtikamakue nî ûndû wana ûrîkû nwatî voyani na mwîtie Ngai kîrîa kîonthe mûrenda na mûcokagie ngatho vîndî cionthe.