Johana 10:6 - ÎVUKU RÎA ÛVORO MWARO

⁶ Jesû nîwamavere ngerekano îno, nwatî matiataûkîrwa nî ûrîa eendaga kuga.

Johana 10:6 ပူးပေါင်းရင်းမြစ်များ

Thaburi 106:7

Rîrîa methe metû maarî Misiri, matiataûkîrwa nî ciîko cia magegania irîa Ngai eekire, matiaririkana ûrîa aamoonirie wendo ûtathiraga maita meengî, nwatî nîmaareganire na ûrîa ûrî Îgûrû Mûno marî îriarî îtune.

Thaburi 82:5

“Mûtirî na ûmenyo na mûtitaûkagîrwa, mecûrîtwe nî ungumania; kîvooto nîkîriganîrîte gûkû nthî.

Nthi 28:5

Andû arîa eki naaî matitaûkagîrwa nî kîvooto, nwatî arîa magoocaga Ngai-Mûnene nîmataûkagîrwa viû.

Isaia 56:11

Mekariî ta ngui ngoroku, irîa itavaaga. Arîthi acio matirî ûmenyo; onthe nîagarûrûku na wa mûndû akethiîra njîra yake ke mwene, wa mûndû acaragia ûrîa akwîguna ke mwene.

Danieli 12:10

Andû eengî nîmakaatherua, nwatî andû arîa aganu nîmakaathiî na mbere gwîka waganu na gûtirî wanarî ûmwe gatagatîrî kao ûgaataûkîrwa. Nwatî andû arîa aûgî nîmagaataûkîrwa.

Mathaayo 13:34

Jesû nîwerire kîrîndî maûndû mama monthe agîtûmagîra ngerekano. Gûtirî ûndû ke aaugaga atagûtûmîra ngerekano.

Mathaayo 13:51

Jesû nîwaûririe arutwa ake atîrî, “Maûndû mama nîmaramûtaûkîra?” Nao nîmaamûcokerie atîrî, “Ii nîmaratûtaûkîra.”

Maariko 4:34

Na ndangîarîrie kîrîndî na njîra îngî tiga ya ngerekano. Nwatî rîrîa ethagîrwa arî vakuvî na arutwa ake onga, nîwamataaragîria maûndû monthe.

Johana 16:25

“Namwîra maûndû mama monthe na ngerekano. Nwatî kavinda nîgagaakinya rîrîa ndakaamwîra maûndû na ngerekano, nwatî ngaamwîra cararûkû ûvoro wîgiî Vava.

Johana 16:29

Nao arutwa ake nîmaamwîrire atîrî, “Aia, rîu watwîra maûndû cararûkû ûtagûtûmîra ngerekano.

Johana 6:52

Nao andû nîmaarakarire mûno na makîambîrîria kûrania atîrî, “Mûndû ûyû angîtûva mwîrî wake atîa tûrîe?”

Johana 6:60

Nao arûmîrîri eengî a Jesû nîmegwire maûndû mau na makiuga atîrî, “Kîthomo gîkî nî kîûmû mûno. Nû ûngîgîtîkîra?”

Johana 7:36

Ke arauga nîtûkaamûcaria na tûtikaamwona na atî tûtingîvota kûthiî kûrîa ke akeethîrwa arî. Akiuga ûguo-rî, arenda gûtwîra atîa?”

Johana 8:27

Nao matiataûkîrwa atî Jesû aamavecaga ûvoro wîgiî Îthe.

Johana 8:43

Mûrarega gûtaûkîrwa nî ûrîa nîrauga nîkî? Mûrarega gûtaûkîrwa nîûndû mûtirenda kûthikîrîria ndûmîrîri yakwa.

1Akor 2:14

Mûndû wa wonthe ûtarî na Roho ndangîvota kwamûkîra iveo irîa ciumaga kûrî Roho wa Ngai. Andû ta acio meciragia ûcio nî ûrimû nîûndû vata waguo ûngîtuîrua tu na njîra ya Kîîroho.

2Pet 2:22

Ûrîa meekire nîwonanirie atî nthimo nî cia ma irîa ciugaga atî: “Ngitî nîyo îcokagîra matavîka mayo” na “Ngûrwe wana îkathambua îcokaga kwîgaragaria mûtondorî.”

1Joh 5:20

Tue nîtwîcî atî Mûriû wa Ngai nî mûku na atî nîatûmîte tûtaûkîrwe, nîguo tûmenye Ngai Ûrîa wa ma. Ûtûûro wetû ûrî kûrî Ngai ûrîa wa ma na kûrî Mûriû Jesû Kristû. Ûyû nîke Ngai ûrîa wa ma na nwake mwoyo wa tene na tene.