Johana 10:5 - ÎVUKU RÎA ÛVORO MWARO

⁵ Itingiuma mûndû wîngî vuva; vandû va ûguo nîkwa ingîûra nîke nîûndû itiîcî mûgambo wake.”

Johana 10:5 ပူးပေါင်းရင်းမြစ်များ

1Atha 22:7

Nwatî Jehoshafati nîwaûririe atîrî, “Nîkwa gûkû gûtarî mûrathi wa Ngai-Mûnene wîngî tûngîûria ûvoro?”

Nthi 19:27

Mwana wakwa ûngîrega kûrûmîrîra mataaro, nîrîo ûkaaûrîra maûndû ma ûûgî.

Maariko 4:24

Nake Jesû nîwacokire akîmeera atîrî, “Menyererani maûndû marîa mûregua, nîûndû kîthimi kîrîa mûthimanagîra nakîo nwakîo Ngai akaamûthimîra nakîo na amwongerere.

Luka 8:18

“Kwoguo menyererani maûndû marîa mûregua, nîûndû mûndû ûrîa ûrî na indo nyîngî nîke ûkoongererwa. Nwatî mûndû ûrîa ûtarî, nîagaacunwa wa na kîrîa kînini arecirîria atî arî nakîo.”

Johana 10:16

Na nîrî na ng'ondu ciîngî ciakwa itarî rwagarî rûrû, na nwa nginya wa nacio nîirete. Nacio nîikûthikîrîria mûgambo wakwa, na cionthe vamwe ituîke cia ndîthia îmwe na igîe na mûrîthi ûmwe.

Johana 10:4

Nake airuta nja nîaitongoragîria nacio ikamuuma vuva nîûndû nîciîcî mûgambo wake.

2Tim 4:3

Mavinda nîmagaûka rîrîa andû makaarega kûthomithua maûndû marîa magîrîrîte. Nwatî nîmakeyûnganîria arimû ao kûringana na merirîria mao. Arimû acio nîmakaamakenia, nîûndû makaaragia maûndû marîa matû mao mendete kwîgua.

1Joh 2:19

Andû aya nama matiarî a gîkundi gîetû, kwoguo nîmaatûtigire. Maangîethîrwe marî a gîkundi gîetû nîmangîekaranirie natue. Nwatî nîmaatûtigire nîguo kûonekane waro atî matiarî etû.

1Joh 2:21

Nîramwandîkîra tî nîûndû atî mûtiîcî ûma, nwatî nîramwandîkîra nîûndû nîmwîcî ûma, na nîmwîcî atî gûtirî ûthaani varîa varî ûma.

Kûguû 2:2

Nie nîmbicî ciîko cienyu, nîmenyete ûrîa mûrutîte wîra na vinya na mûkaûmîrîria mûkirîrîtie. Nie nîmbicî atî mue nîmûreganaga na andû arîa acûku. Mue nîmûtuîrîtie arîa maugaga atî o nî atûmwa na tî o, na nîmwonete ûguo maugaga nî kûveenania maveenanagia.