Johana 10:4 - ÎVUKU RÎA ÛVORO MWARO

⁴ Nake airuta nja nîaitongoragîria nacio ikamuuma vuva nîûndû nîciîcî mûgambo wake.

Johana 10:4 ပူးပေါင်းရင်းမြစ်များ

Rwîmbo rwa Nyîmbo 2:8

Nînîregua mûgambo wa mwendwa wakwa. Avîtûkîrîrîte irîmarî avinyûrîte, avinyûrîrîte tûrîmarî aûkîte kûrî nie.

Rwîmbo rwa Nyîmbo 5:2

Naamamîte, nwatî ngoro yakwa ndîarî toro. Nînegwire mwendwa akîringaringa mûrango. Mvingûrîra mûviki wakwa mwendwa wakwa, ndutuura yakwa we mwaro viû. Kîongo gîakwa kîrî na îme, na njuîrî ciakwa irî na rûthuthuû rwa ûtukû.

Mathaayo 16:24

Nake Jesû nîwacokire akîîra arutwa ake atîrî, “Mûndû wa wonthe ûngîenda kûnûmîrîra nwa nginya erege, akuue mûtharava wake na anûmîrîre.

Johana 10:16

Na nîrî na ng'ondu ciîngî ciakwa itarî rwagarî rûrû, na nwa nginya wa nacio nîirete. Nacio nîikûthikîrîria mûgambo wakwa, na cionthe vamwe ituîke cia ndîthia îmwe na igîe na mûrîthi ûmwe.

Johana 10:27

Ng'ondu ciakwa nîithikagîrîria mûgambo wakwa; nie nînîciîcî na nîinûmagîrîra.

Johana 10:3

Ûcio nîke ûvingûragîrwa nî mwîkaria wa kîvingo. Nake nîwîtaga ng'ondu ciake na marîîtwa na ciegua mûgambo wake agaitongoreria, ikauma nja.

Johana 10:5

Itingiuma mûndû wîngî vuva; vandû va ûguo nîkwa ingîûra nîke nîûndû itiîcî mûgambo wake.”

Johana 10:8

Arîa onthe maaûkire mbere yakwa nî aîi na acunani, nwatî ng'ondu itiamathikîrîria.

Johana 12:26

Mûndû wa wonthe ûndungatagîra nwa nginya anûmîrîre nîguo varîa nîrî ndungata yakwa îthagîrwe nîvo îrî wa nayo. Nake Vava agaatîîaga mûndû wa wonthe ûrîa ûndungatagîra.

Johana 13:15

Nie namûva kîonereria nîguo mwîkage wata ûrîa namwîka.

Johana 18:37

Pilato nîwamûririe atîrî, “Anga we ûrî mûthamaki?” Nake Jesû nîwamûcokerie atîrî, “We nîwe wauga atî nie nîrî mûthamaki. Nie naaciarirwe na ngîûka gûkû nthî nîûndû wa gîtûmi gîkî kîmwe, kwaria ûvoro wa ma. Na mûndû wa wonthe wîthagîrwa akîaria ûma nîambathîkagîra.”

Johana 3:29

Mûvikania nîke wîthagîrwa arî ke mwene mûviki, nwatî rîrîa mûrûngamîrîri wa ûviki arûngamîte vakuvî na mûvikania na akamûthikîrîria, nî ecûragwa nî gîkeno egua mûvikania akîaria. Na rîu gîkeno gîakwa nîgîcûru.

1Akor 11:1

Îîgerekanagieni nanie wata ûrîa nîgerekanagia na Kristû.

Aefeso 5:1

Nîûndû mûrî ciana mende cia Ngai, geragiani kûvanana nake.

Gûco 1:30

Ngai-Mûnene, Ngai wenyu nîakûmûtongoria, na amûrûîrîre, wata ûrîa mwonire agîka rîrîa mwarî Misiri,

Ahib 12:2

Nîtûvinyûre tûroretie Jesû ûrîa arî ke Kîammbîrîria na kîrîkîro Kîam wîtîkio wetû. Nîûndû wa gîkeno kîrîa Kîamrî mbere yake, nîwaûmîrîrie gûkua mûtharavarî. Wana ethîrwa gûkua mûtharavarî warî ûndû wa gîconoko, ndoona ûcio ta ûndû. Rîu ekarîte mwena wa ûrîo wa gîtî Kîam ûnene Kîam Ngai.

Ahib 6:20

Nake Jesû nîmûtonyu vo vandûrî vetû na nîmûtuîku Mûthînjîri-Ngai ûrîa mûnene wa tene na tene wata Melikizedeki.

1Pet 2:21

Ûndû ûcio nîguo mwetîrwe. Kristû aathînirue nîûndû wenyu na akîmûtigîra kîonereria, nîguo wa namue mûrûmîrîre mîthiîre yake.

1Pet 4:1

Nîûndû Kristû nîwathînîkire kîîmwîrî, wa namue nwanginya mûgîcage na meciria ta marîa Kristû aarî namo, nîûndû mûndû ûrîa ûthînîkîte kîîmwîrî nîatiganîte na mevia.

1Pet 5:3

Tigagani kûvinyîrîria arîa mûvetwe mûmamenyagîrîre, nwatî îthagîrwani mûrî kîonereria Kîamro kûrî o.