Johana 10:34 - ÎVUKU RÎA ÛVORO MWARO

³⁴ Nake Jesû nîwamacokerie atîrî, “Nîkwandîke wathorî wenyu atî Ngai aaugire atîrî, ‘Mue mûrî ngai.’

Johana 10:34 ပူးပေါင်းရင်းမြစ်များ

Thaburi 138:1

We Ngai-Mûnene nîngûgûcokeria ngatho na ngoro yakwa yonthe, nîraina ngîgûkumagia mbere ya ngai cia mîvuanano.

Thaburi 82:1

Ngai ekarîrîte gîtî gîake mûcemaniorî wa îgûrû; nî aratuîra ngai ciira igomanîte vamwe:

Ntha 22:28

“Ndûkarie ûndû mûcûku wîgiî Ngai, na ndûkarume mûtongoria wa andû enyu.

Ntha 4:16

Aroni nîke ûkaarîria andû vandûrî vaku. Nawe ûgaatuîka ta Ngai na ûmwîrage ûrîa akuga.

Ntha 7:1

Ngai-Mûnene nîwerire Musa atîrî, “Nie nîngûtua ta ûrî Ngai varî mûthamaki. Nake Aroni mûrwanyûkwe nîakaarîria mûthamaki ta arî mûrathi waku.

Johana 10:35

Tue nîtuicî atî mandîko matheru maugaga ûma vîndî cionthe. Nake Ngai nîwetire andû acio maavunjîrue ndûmîrîri îo yake ngai cia mîvuanano.

Johana 12:34

Nakîo kîrîndî nîgîacokirie atîrî, “Watho wetû ûtwîraga atî Mesaya agaatûûra tene na tene. Kûngîvoteka atîa ûtwîre atî Mûrû wa Mûndû nwa nginya ambatue? Mûrû wa Mûndû ûcio nû?”

Johana 15:25

Naguo ûndû ûyû wekîkire nîguo ciugo ivinge irîa ciandîkîtwe wathorî wao atî: ‘Maamenire gûtarî na gîtûmi.’

Johana 8:17

Nîkwandîkîtwe Wathorî wenyu atî ûira wa andû aîrî ûngîgucana, ûira ûcio nî wa ma.

1Akor 14:21

Mandîkorî Matheru nîkwandîkîtwe atîrî: “Mwathani augîte atîrî, ‘Na njîra ya andû arîa maragia nthiomi, na ya tûnyua twa ageni, nîngaarîria andû aya, nwatî matikaanthikîrîria.’ ”