Johana 10:12 - ÎVUKU RÎA ÛVORO MWARO

¹² Mûndû ûrîa ûrîvagwa nîguo amenyerere ng'ondu nî ngûrani na mûrîthi mwene cio. Mûndû wa kûrîvwa angîona Kîamthi gîûkîte nîavinyûraga aûrîte na agatiganîria ng'ondu irî cionga. Nakîo Kîamthi nîkînyitaga ng'ondu îmwe na icio ciîngî ikanyagania.

Johana 10:12 ပူးပေါင်းရင်းမြစ်များ

Mathaayo 10:16

“Tathikîrîriani, namûtûma ta ng'ondu gatagatîrî ga ciathi. Kwoguo, gîani na ûûgî ta njoka na mwîthîrwe mûrî avoreri ta ndutuura.

Mathaayo 7:15

“Îîmenyagîrîreni arathi a maveeni arîa maûkaga kûrî mue mekariî ta ng'ondu, nwatî ndaarî yao mekariî ta ciathi ngoroku.

Johana 10:13

Mûndû wa kûrîvwa nîavinyûraga akaûra, nîûndû ke nî mûndû tu wa kûrîvwa na ndatindanagîra na ng'ondu.

Johana 10:2

Mûndû ûrîa ûvîtûkagîrîra kîvingorî agîtonya nîke mûrîthi wa ng'ondu.

Johana 10:3

Ûcio nîke ûvingûragîrwa nî mwîkaria wa kîvingo. Nake nîwîtaga ng'ondu ciake na marîîtwa na ciegua mûgambo wake agaitongoreria, ikauma nja.

Ciîko 20:29

Nie nîmbîcî atî narîkia kûthiî, andû amwe mekariî ta ciathi mbaganu nîmagaaûka na matigaacaîra ndîthia.

1Tim 3:3

Ndagîrîrwe nî kwîthîrwa arî mûrîu kana mûndû wa înegene, nwatî agîrîrwe nîkwîthîrwa arî mûndû mûkirîrîria na mwendi thayû na ûtarî mûkorokeri mbeca.

1Tim 3:8

Atungati a kanitha wa nao, nwa nginya methagîrwe marî na mîtugo mîaro na marî evokeku. Matiagîrîrwe nî kûnyua ndivei nyîngî kana gûkorokera mbeca.

2Tim 4:10

Nîûndû Dema nîmûndiganîriu na akathiî Thesalonike nîûndû wa kwenda maûndû ma gûkû nthî. Kiresike nîwathiîre Galatia, nake Tito akîthiî Dalamatia.

Tito 1:7

Mûtongoria wa kanitha arutaga wîra wa Ngai, kwoguo ndagîrîrwe nî kwîthîrwa arî na ûcuke. Ndagîrîrwe nî kwîthîrwa arî mwîtîi, mûrakari narua, mûrîu wa njovi, mwendi mbaara kana mûkorokeru mbeca.

1Pet 5:2

mûrîthagie ndîthia îrîa Ngai aamûvere. Rûmenyagîrîreni mûrî na wendi na tî ûndû wa kûringîrîrua. Ûguo nîguo Ngai endaga mwîke. Rutagani wîra wenyu mûrî na wendi ûrîa wa ma wa gûtungata na tî ûndû wa kwenda mbeca.

2Pet 2:3

Nîûndû wa ûkoroku wao, arimû aya a maveeni magetongagia na njîra ya kûmûganîra ng'ano cia gwîtungîra. Na kwa îvinda îraca Mûmacirithia ethîrîtwe evarîrîtie, na mûmacûkangia atamamiî!