Johana 10:1 - ÎVUKU RÎA ÛVORO MWARO

¹ Jesû nîwaugire atîrî, “Na ma nîramwîra atî: mûndû ûrîa ûtavîtûkagîrîra kîvingorî agîtonya rwagarî rwa ng'ondu, nwatî atwîcagîra rwirigorî nî mwîi na nî mûcunani.

Johana 10:1 ပူးပေါင်းရင်းမြစ်များ

Jeremia 14:15

Kwoguo, nie Ngai-Mûnene nîngûmwîra ûrîa ngwîka arathi aya. Nie ndiamatûma, nwatî methîrîtwe makîaria maûndû mambîgiî, makiugaga atî mbaara, na yûra itingîtharîkîra vûrûri ûyû: nîngaathiria arathi aya na njîra ya mbaara na yûra.

Jeremia 23:21

Ngai-Mûnene arauga atîrî, “Ndianatûma arathi, nwatî nîmaavinyûrire na ndianameera wanarî ûndû nwatî nîmaarutire ûrathi.

Jeremia 23:32

Tanthikîrîria! Nie Ngai-Mûnene nîrauga atî, nîndeganîte na arathi arîa marotaga iroto cia maveeni. Na njîra ya iroto ciao na mîario ya maveeni, nîmatûmîte andû akwa mauma njîrarî ya ma. Nie ndianamatûma, kana nîmera mathiî, kwoguo matirî na ûtethio kûrî andû akwa.”

Joeli 2:9

Mavinyûranagia rûthingorî; mavaritaga nyomba magatonyerera îgûrû; matonyagîrîra ndiricarî ta aîi.

Mathaayo 7:15

“Îîmenyagîrîreni arathi a maveeni arîa maûkaga kûrî mue mekariî ta ng'ondu, nwatî ndaarî yao mekariî ta ciathi ngoroku.

Johana 10:7

Kwoguo Jesû nîwamerire rîngî atîrî, “Nîramwîra na ma atî: Nie nînie kîvingo kîrîa ng'ondu ivîtûkagîrîra igîtonya.

Johana 3:3

Jesû nîwamûcokerie atîrî, “Nîramwîra na ma atî: gûtirî mûndû ûngîona Ûthamaki wa Ngai atambîte gûciarwa rîngî.”

Aroma 10:15

Nao andû mangîvunjia atîa matarî atûme. Mandîko Matheru maugîte atîrî, “Na kaî andû arîa mathiîcaga kûvunjia ûvoro Mwaro nî aro-î!”

Aroma 16:18

Nîûndû andû arîa mekaga maûndû ta mau matungatagîra mavu mao, nwatî tî Mwathani wetû Jesû Kristû. Na njîra ya ciugo ciao mbaro na mîario yao îrî na mûrîo, andû acio nîmaveenagîrîria andû arîa marî ngoro mvûthû.

Tito 1:11

Andû acio nîmagîrîrwe nî kûgirua marie nîûndû nî macûkîtie mîciî mîîngî na njîra ya kûthomithania maûndû marîa mataagîrîrîte. Mekaga ûguo nîûndû wa gûcaria mbeca na njîra îrîa îtagîrîrîte.

Ahib 5:4

Gûtirî mûndû wîvecaga gîtîîo na njîra ya kwîthuura atuîke mûthînjîri-Ngai ûrîa mûnene. Ngai nîke tu wîtaga mûndû na akamûtua mûthînjîri-Ngai ûrîa mûnene wata ûrîa Aroni eetirwe.

1Pet 1:10

Arathi nîmaacaririe na magîtuîria na kîîo kîîngî mûno ûvoro wîgiî ûvonokio ûyû. Nîmaarathire îgûrû rîa ûvoro wîgiî kîveo gîkî kîrîa Ngai akaamûva.

2Pet 2:1

Tene arathi a maveeni nîmeyumagîria gatagatîrî ka andû. Na njîra wata îo nwa yo arimû a maveeni makeyumîria gatagatîrî kenyu marete irîra cia gûcûkangia na itarî cia ma, na marege Mwathani ûrîa wamakûûrire. Kwoguo nîmakeretera narua maûndû ma kûmathiria o ene.

2Pet 2:3

Nîûndû wa ûkoroku wao, arimû aya a maveeni magetongagia na njîra ya kûmûganîra ng'ano cia gwîtungîra. Na kwa îvinda îraca Mûmacirithia ethîrîtwe evarîrîtie, na mûmacûkangia atamamiî!

1Joh 4:1

Arata akwa, mûtigetîkagie andû onthe arîa maugaga atî marî na Roho. Nwatî ambagani mûkamaroria waro nîguo mûmenye kana roho ûrîa marî naguo umîte kûrî Ngai nîûndû kûrî na arathi eengî a maveeni meyumîrîtie gûkû nthî.