Johana 1:9 - ÎVUKU RÎA ÛVORO MWARO

⁹ Ûyû nîguo warî ûtheri wa ma; ûtheri ûrîa ûkaga gûkû nthî na ûkamûrîkîra andû onthe.

Johana 1:9 ပူးပေါင်းရင်းမြစ်များ

Isaia 49:6

Ke augîte atîrî, “Tî ûndû mûvûthû gûtuîka ndungata yakwa, ûrûngamie rîngî mîvîrîga ya Jakovu, na kûrûnga andû a Isiraeli arîa maatigarire. Nwatî nîngûgûtua ûtheri kûrî andû a Ndûrîrî, nîguo andû onthe a gûkû nthî mavonoke.”

Isaia 8:20

Mûgaacokeria andû acio atîrî, “Thikîrîriani ûrîa Ngai-Mûnene aramûthomithia! Mûtikathikîrîrie ago, nîûndû matiaragia ûma.”

Mathaayo 6:23

nwatî ethîrwa metho maku tî maro, mwîrî waku wonthe ûkethagîrwa wîcûrîte nduma. Kwoguo ethîrwa ûtheri ûrîa ûrî ndaarî yaku nî nduma na kaî nduma îo nî nene-î!

Luka 11:36

Angîthîrwa mwîrî wonthe waku nîmwîcûre nî ûtheri na ndûrî na gîcunjî wana kîmwe kîrî na nduma mwîrî ûcio waku wîthagîrwa ûgîkenga vingo cionthe, wa ta ûrîa ûtheri wa taa ûkûtheragîra.”

Johana 1:4

Ndaarî yake kwarî na mwoyo, naguo mwoyo nîguo warî ûtheri wa andû.

Johana 1:7

Ke aaûkire kûva andû ûira wa ûtheri nîguo andû onthe megue ndûmîrîri îo na mamîtîkie.

Johana 12:46

Nie mbûkîte ta ûtheri gûkû nthî nîguo andû onthe arîa mambîtîkagia matigekare ndumarî.

Johana 14:6

Nake Jesû nîwamûcokerie atîrî, “Nie nînie njîra, nînie ûvoro wa ma, na nînie mwoyo. Gûtirî mûndû ûthiîcaga kûrî Vava atavîtûkîrîrîte kûrî nie.”

Johana 15:1

“Nie nînie Mûthavibu wa ma, nake Vava nîke mûrîmîri.

Johana 6:32

Nake Jesû nîwamerire atîrî, “Nie nîramwîra na ma atî Musa ndaamûva irio kuuma îgûrû. Ngai Vava nîke ûmûvecaga mûgate ûrîa wa ma kuuma îgûrû.

Johana 7:12

Nao andû eengî nîmaambîrîrie kwaria na kîvwe ûvoro ûmwîgiî. Andû amwe maaugaga atîrî, “Ke nî mûndû mwaro,” na engî makauga atîrî, “Naarî nîaravîtithia andû.”

1Joh 1:8

Tûngiuga atî tue tûtirî na mevia nîkwîveenia tûreveenia na tûtirî na ûma ndaarî yetû.

1Joh 2:8

Nwatî nîramwandîkîra rîathani rîcerû na Mesaya nîwonanîtie atî ûndû ûcio nî wa ma na wanamue nîmwonanîtie wa guo. Nîûndû nduma nî îrathira, naguo ûtheri ûrîa wa ma nî ûramûrîka.

1Joh 5:20

Tue nîtwîcî atî Mûriû wa Ngai nî mûku na atî nîatûmîte tûtaûkîrwe, nîguo tûmenye Ngai Ûrîa wa ma. Ûtûûro wetû ûrî kûrî Ngai ûrîa wa ma na kûrî Mûriû Jesû Kristû. Ûyû nîke Ngai ûrîa wa ma na nwake mwoyo wa tene na tene.