Johana 1:31 - ÎVUKU RÎA ÛVORO MWARO

³¹ Nie mwene ndiamwîcî, nwatî naaûkire ngîvatithanagia na manjî nîguo andû a Isiraeli mamûmenye.”

Johana 1:31 ပူးပေါင်းရင်းမြစ်များ

Malaki 3:1

Ngai-Mûnene mwene vinya wonthe augîte atîrî, “Taroria! Nînîratûma mûnjaama nîguo athiî akavarîrîrie njîra yakwa. Mwathani ûrîa mûracaria nîagaaûka hekarûrî yake wa rîmwe. Mûnjaama ûrîa mûtûûrîte mwîrîgîrîrîte nîagaaûka na anîrîre kîrîkanîro gîakwa.”

Mathaayo 3:13

Na kavinda wa kau, Jesû nîwaumire Galili na akîthiî rûnjîrî rwa Jorodani nîguo akavatithue nî Johana.

Mathaayo 3:6

Andû acio nîmaaumbûrire mevia mao, na Johana akîmavatithîria rûnjîrî rwa Jorodani.

Luka 1:17

Nîakaathiî mbere ya Mwathani arî na Roho na vinya wata mûrathi Elija. Nîagaatûma methe mendane na ciana ciao; na acoke agarûre andû arîa aremi magîe na ûûgî wata wa andû arîa athingu na avarîrie andû nîguo meterere Mwathani.”

Johana 1:30

Ûyû nîke naamwîraga ûvoro ûmwîgiî rîrîa naaugire atîrî, ‘Varî na mûndû ûgûka vuva wakwa, nwatî ke arî na ûvoti kûngîra nîûndû ke aarî kuo wana mbere ya njiarwe?’

Johana 1:32

Johana nîwavecanire ûira ûyû: “Nînona Roho akînyûrûrûka kuuma îgûrû ekariî ta ndutuura na ekara îgûrû rîake.

Johana 1:33

Nie mwene ndiamwîcî, nwatî Ngai ûrîa wandûmire ngavatithanie na manjî, nîwambîrire atîrî, ‘We nîûkoona Roho akînyûrûrûka na agîkara îgûrû rîa mûndû; Ke nîke ûvatithanagia na Roho Mûtheru.’

Johana 1:7

Ke aaûkire kûva andû ûira wa ûtheri nîguo andû onthe megue ndûmîrîri îo na mamîtîkie.

Ciîko 19:4

Nake Paûlo nîwaugire atîrî, “Johana aavatithagia andû arîa merirîte. Ke nîwerire andû a Isiraeli metîkie ûrîa warî aûke vuva wake, na nîke Jesû.”