Joeli 3:7 - ÎVUKU RÎA ÛVORO MWARO

⁷ Rîu nîngûruta andû akwa kûrîa mwamendirie. Ngaamwîka wata ûguo mwamekire.

Joeli 3:7 ပူးပေါင်းရင်းမြစ်များ

Esita 7:10

Andû acio nîmaacuririe Hamani mûtîrî ûrîa aarûthithîtie ûrî wa gûcuria Moridekai. Namo marakara ma mûthamaki nîmaathirire.

Isaia 11:12

Nîagaaûkîrîria vendera ya kwonia mavûrûri, atî nîakaaûngania andû a Isiraeli arîa matarî kîene, nîakaaûngania andû a Juda arîa manyaganîtie mîthiiarî îna ya nthî.

Isaia 49:12

Andû akwa nîmakaauma kûndû kûraca, nao engî maume mwena wa rûgûrû na engî mwena wa îthûîro, na arîa engî maume mwena wa îveti.”

Isaia 66:6

Tathikîrîriani, mwîgue înegene rîu rîrî îtûûrarî, mûgambo ûcio ûreguîka hekarûrî! Ûcio nî mûgambo wa Ngai-Mûnene akîverithia nthû ciake!

Jeremia 23:8

nwatî makevîtaga makiugaga, ‘Wata ûrîa Ngai-Mûnene atûûraga mwoyo, ûrîa watongoririe andû a Isiraeli kuuma mavûrûrirî marîa marî mwena wa rûgûrû na akîmaruta mavûrûrirî monthe kûrîa aamanyaganîrîtie.’ Nao nîmagacoka matûûre vûrûrirî wao kîûmbe.”

Jeremia 30:10

“Nie Ngai-Mûnene nîramwîra mue ndungata ciakwa andû a Jakovu mûtigetigîre, kana mue andû a Isiraeli mûgwatwa nî guoya; nîûndû nîngamûvonokia kuuma vûrûrirî wa kûraca, na njiarwa ciaku nîirute vûrûri ûrîa ithamîrîtue. Nîmûgaacoka na mûtûûre na thayû, na gûtirî mûndû ûgatûma mûgîa na guoya.

Jeremia 30:16

Kûnarî ûguo arîa onthe mamûcûkangagia nîmagaacûkangua, nacio nthû cienyu cionthe nîigaatavwa ivirwe îthamîriorî; arîa onthe mamûtavaga wanao nîmagaatavwa, na arîa onthe mamûvinyagîrîria wanao nîmakavinyîrîrua.

Jeremia 31:8

Taroria nîngamareta kuuma vûrûri wa mwena wa rûgûrû na nîmacokanîrîrie kuuma mîthiia yonthe ya nthî. Magaacoka marî gîkundi kînene, gatagatîrî kao kûrî ndumumu cionje na ithua, aka arîa marî na mavu na arîa marî vakuvî gûciara.

Jeremia 32:37

nîngaûngania andû onthe kuuma mavûrûrirî monthe kûrîa namanyaganirie nîûndû wa marakara na mang'ûrîka makwa. Nîngamacokia gûkû na ndûme matûûre kuo marî agitîre.

Ezek 36:24

Nîngaamûruta gatagatî ka andû a ndûrîrî na nîmûrute mavûrûrirî monthe nîmûcokie vûrûrirî wenyu.

Ezek 38:8

Vuva wa mîaka mîîngî nîûgetwa ûthiî ûkatharîkîre vûrûri kûrîa andû maaretirwe vamwe kuuma mavûrûrirî mengî na matûûraga matarî na guoya wa mbaara. Nîûkaatharîkîra irîma cia Isiraeli irîa mbererî ciarî werû na maganjo vandû va kavinda karaca, nwatî rîu andû onthe matûûraga marî agitîre.

Joeli 3:4

“Mûrenda gwîka atîa mue Turo na Sidoni na kûu Filisiti kuonthe? Kûrî na ûndû mûrerîvîrîria? Ethîrwa nîkwa mûrerîvîrîria, nie nîngûmûrîvîrîria wa rîmwe.

Zakaria 9:13

Nîndûmîra Juda ta ûta wakwa, Efiraimu nîmûtuîte ta mîguî yakwa. Mue andû a Zayuni, anake enyu nîngaamatua ta rûviû rwakwa rwa njûra, makethîrwa mekariî ta rûviû rwa mbaara, rwa kûtharîkîra andû a Ngiriki.”

Mathaayo 7:2

Nîûndû Ngai akaamûtuîra wata ûrîa mûtucagîra andû arîa engî, na kîthimi kîrîa mûthimagîra arîa engî nakîo nwa kîo mûkaathimîrwa nakîo.

2Ath 1:6

Ngai nîageka ûrîa kwagîrîre. Nîagaatûma arîa mamûthînagia mone mathîna,

Jakuvu 2:13

Nîûndû Ngai ndakeegua ntha agîcirithia andû arîa mategucanagîra ntha, nwatî mûndû ûrîa wîgucanagîra ntha ndageetigîra îtuîro.

Kûguû 13:10

Mûndû wa wonthe ûrîa ûtuîrîtwe kwovwa njeera, nwa nginya ovwe. Mûndû wa wonthe ûtuîrîrîtwe kûûragwa na rûviû, nwa nginya aûragwe na rûviû. Ûguo nîkuga andû a Ngai magîrîrwe nî kûmîrîria na kûgîa na wîtîkio.”

Kûguû 16:6

Nîûndû andû acûku nîmetûrûrire nthakame ya andû a Ngai na ya arathi. Kwoguo nîwamava nthakame manyue, nîûndû ûguo nîguo magîrîrwe!”

Kûguû 19:2

Nîûndû atucanagîra ciira na ûma na kîvooto! Ke nîatuîrîrîte ciira mûmaraa ûrîa watûmire andû a nthî meka maûndû macûku ma ûtharia. Ngai nîamûverithîtie nîûndû ke nîwaûragire ndungata ciake.”

Atir 1:7

Adonibeseki nîwacokire akiuga atîrî, “Nîkwarî na athamaki mîrongo mûgwanja maatinîtue ciara irîa nene cia njara wana cia magûrû. Athamaki acio moocanagia rwîtîki rungu rwa metha yakwa makîrîcaga. Wata ûrîa nekire andû, nwaguo Ngai ambîka.” Adonibeseki nîwacokire akîvirwa Jerusalemu, kûrîa aakuîrîre.

1Sam 15:33

Nake Samueli nîwerire Agagi atîrî, “Wata ûrîa rûviû rwaku rwa njûra rwanatûma aka eengî matigwe matarî na ciana, ûguo nwaguo rîu nyûkwe agûtigwa atarî na mwana.” Nake Samueli agîtinangia Agagi tûcunjî mbere ya metha ya kîgongoona kûu Giligali.