Joeli 3:5 - ÎVUKU RÎA ÛVORO MWARO

⁵ Nîmwocete sîlûva na thaavu ciakwa na mûgakuua indo ciakwa mûkaivira metharî cienyu cia magongoona.

Joeli 3:5 ပူးပေါင်းရင်းမြစ်များ

2Atha 12:18

Joashi, mûthamaki ma Juda nîwocire matega monthe marîa Jehoshafati, Jehoramu, na Ahazia, athamaki a Juda maamûrîrîte Ngai-Mûnene. Nîwamonganîrîrie na matega make ke mwene vamwe na thaavu yonthe îrîa yarî mûthithûrî wa hekarû na nyomba ya mûthamaki na agîitûma cionthe irî kîveo kûrî Hazaeli mûthamaki wa Sîria. Hazaeli nîwacokire akiuma Jerusalemu.

2Atha 16:8

Ahazi nîwocire sîlûva na thaavu irîa ciarî hekarûrî vamwe na indo cia vata cia nyomba ya mûthamaki na agîitûmana irî kîveo kûrî mûthamaki wa Asîria.

2Atha 24:13

Nîwacokire agîkuua indo cionthe irîa ciarî hekarûrî na îrîa ciarî nyombarî ya mûthamaki na akîivira Babuloni. Nebukadinezarû nîwacûkangirie indo cionthe cia thaavu irîa ciarî hekarûrî irîa Solomoni, mûthamaki wa Isiraeli aatumîte. Ûndû ûcio wekîkire wata ûrîa Ngai-Mûnene aaugîte.

Isaia 11:11

Mûthenya ûcio, Mwathani nîagaatambûrûkia njara yake rîngî nîguo acokie andû ake arîa matigarîte Sîria, Misiri, Pathirosi, Ethiopia, Elamu, Shinari, Hamathi na icîgîrîrarî cia îria.

Jeremia 23:7

“Kwoguo ta roria, Ngai-Mûnene arauga îvinda nîrîgûkinya rîrîa andû matakevîta makiugaga atî, ‘Wata ûrîa Ngai atûûraga mwoyo ûrîa warutire andû a Isiraeli vûrûrirî wa Misiri,’

Jeremia 50:28

Andû marethara makauma vûrûri wa Babuloni na makaûra makathiî Jerusalemu kûmenyithania ûrîa Ngai-Mûnene Ngai wetû erîvîrîrîtie nîûndû wa hekarû yake.

Jeremia 51:11

Norani mîguî yenyu! Ocani ngo cienyu!” Ngai-Mûnene nîatûmîte athamaki a Media mavange kûtharîkîra vûrûri wa Babuloni nîûndû avangîte gûûcûkangia. Ûguo nîguo Ngai-Mûnene akwîrîvîrîria nîûndû wa kwanangwa kwa hekarû yake.

Ezek 37:12

Kwoguo marathîre ûmere, nie Mwathani Ngai-Mûnene mbugîte atî mue andû akwa nîngaavingûra mbîrîra cienyu na nîmûriûkie kuuma mbîrîrarî cienyu na nîmûcokie vûrûrirî wa Isiraeli.

Danieli 11:38

Vandû va ûguo, nîkava ngai îrîa îgitagîra îtûûra rîrîa ririgîre gîtîîo, îrîa methe mao mataavecaga gîtîîo. Ke nîakaarutîra ngai îo thaavu, sîlûva, mathiga ma goro na iveo ciîngî cia goro.

Obadia 1:17

“Nwatî kîrîmarî gîa Zayuni nîgûkethîrwa arîa makaavonokua, gûkethîrwa kûrî kûndû kûtheru. Andû a Jakovu nîmakegwatîra vûrûri ûrîa maacunîtwe ûtuîke wao kîûmbe.