Joeli 3:16 - ÎVUKU RÎA ÛVORO MWARO

¹⁶ Ngai-Mûnene nîararuruma arî kîrîmarî gîa Zayuni; aranîrîra na mûgambo mûnene arî Jerusalemu, îgûrû na nthî nîirainaina. Ngai-Mûnene nîke rîûrîro rîa andû ake, nîke ûgitagîra andû ake.

Joeli 3:16 ပူးပေါင်းရင်းမြစ်များ

Thaburi 18:2

Ngai-Mûnene nîke ûngitagîra, nîke mûgitîri wakwa ûrîa mûnene. Ngai wakwa nîke ûngitagîra, na varî ke nîmûgitîre. Angitagîra kuuma kûrî nthû ciakwa ta ngo; angitagîra na akambiga nîrî na thayû.

Thaburi 29:11

Ngai-Mûnene arovecaga andû ake vinya! na arorathima andû ake na amave thayû.

Thaburi 61:3

nîûndû we nîwe ûngitagîra, we nîwe kûndû kûgitîre na vinya gwa kwîthitha kuuma kûrî nthû ciakwa.

Nthi 18:10

Ngai-Mûnene nîta nyomba ndaca na îrî na vinya, kûrîa andû arîa athingu mangîûrîra makagîa na ûgitîri.

Isaia 33:16

Mûndû wa mûthemba ûcio atûûraga îgûrû; vandû vake va ûgitîri vakethagîrwa vatumîtwe na nthingo cia vinya. Ndagaatura irio cia kûrîa, kana manjî ma kûnyua.

Isaia 33:21

Nwatî kûu nîkuo Ngai-Mûnene agaatwoneria riiri wake. Nîgûkethîrwa kûrî na nyûnjî nene na tûrûnjî, kûrîa meri cia mbaara itakaavîtûkîrîra, kana meri irîa nene itonya kuo.

Isaia 42:13

Ngai-Mûnene aumagarîte ta njamba îrî vinya, evarîrîtie kûrûa ta mûthigari arî mbaararî. Nîaraugîrîria, aranîrîra na mûgambo mûnene, na nîareyonania arî na vinya gûkîra nthû ciake.

Isaia 51:16

Nîmbîkîrîte ciugo ciakwa kanyuarî gaku, na nîngûkunîkîrîte na kîruru Kîam njara yakwa; Nînie natambûrûkirie îgûrû, na ngîrûtha mûcingi wa nthî, na nînie nîrera andû a Zayuni atî; ‘Mue mûrî andû akwa!’ ”

Jeremia 16:19

We Ngai-Mûnene nîwe ûngitagîra na ûmvecaga vinya; nîwe ûndethagia vîndî ya mathîna. Mavûrûri kuuma mîena yonthe ya nthî nîmagaûka kûrî we makwîre atîrî, “Gûtirî kîndû methe metû maagaire tiga ngai cia maveeni, na indo îtarî vata kana umithio.

Jeremia 17:17

Ndûgatûme ngîa na guoya, mbûkaga kwîthitha kûrî we vîndî ya mathîna.

Ezek 38:19

Nîrî na wîru na marakara meengî nîmanîrîra atî mûthenya ûcio nîgûkaagîa na kîthingithia kînene vûrûrirî wa Isiraeli.

Hosea 11:10

Nîmakaanjaria nie Ngai-Mûnene, ûrîa ûrurumaga ta mûnyambû, rîrîa ngaruruma ciana ciakwa ikauma îthûîro igîtetemaga.

Amosi 1:2

Amosi nîwaugire atîrî, Ngai-Mûnene nîararama arî kîrîmarî gîa Zayuni; na akaruruma arî Jerusalemu, wana nyaki ya arîthi nîraûma. Nyaki îrîa îrî kîrîmarî gîa Karimeli nîîravova.

Amosi 3:8

Rîrîa mûnyambû wararama, nî ûrîkû ûtangîtigîra? Rîrîa Ngai-Mûnene aaria, nû ûngîrega kwanîrîra ndûmîrîri yake?

Nahumu 1:7

Ngai-Mûnene nî mwaro, nîagitagîra andû ake vîndî ya thîna; nîagitagîra arîa onthe maûragîra kûrî ke.

Hagai 2:6

Ngai-Mûnene mwene vinya wonthe arauga atîrî, “Vîndî îtarî ndaca nîngainainia îgûrû na nthî, îria na nthî nyûmû.

Hagai 2:7

Nîngainainia mavûrûri monthe, na nîguo mîthithû yonthe ya mavûrûri îkaaretwe gûkû, na nîngecûria hekarû îno ûthaka wayo, nînie Ngai-Mûnene mwene vinya wonthe nauga ûguo.

Zakaria 10:12

Nîngaatûma andû akwa magîe na vinya, na nîmakaambathîkagîra na mangoocage.” Nînie Ngai-Mûnene nauga ûguo.

Zakaria 10:6

Nîngaatûma nyomba ya Juda îgîe vinya, na nîngaavonokia nyomba ya Josefu. Nîngaamacokia kwao nîûndû nînîmegucagîra ntha, na nîmagekara ta andû ndanatiganîria, nîûndû nî nie Ngai-Mûnene, Ngai wao, na nîngegua mavoya mao.

Zakaria 9:12

Mue andû arîa ove na mûrî na kîîrîgîrîro, cokani kwenyu kûrîa kûgitîre. Nîûndû wa mathîna marîa mwanona, nîngaamûrathima maita meengî.

Ahib 12:26

Mûgambo wake nîwatûmire nthî îthingithe vîndî îo, nwatî rîu eranîrîte atî, “Wa rîngî nîngaathingithia nthî na ndûme wana îgûrû rîthingithe.”

Kûguû 11:13

Na kavinda wa kau nîkwagîre na kîthingithia kînene. Na gîcunjî kîmwe gîa îkûmi Kîam îtûûra rîu rînene nîkîagwîre, na andû ngiri mûgwanja makîûragwa. Andû arîa maatigarire nîmaagîre na guoya nyîngî na magîkumia ûnene wa Ngai wa îgûrû.

Kûguû 11:19

Nayo hekarû ya Ngai îrîa îrî kûu îgûrû nîyavingûrirwe, na îthandûkû rîa kîrîkanîro rîkîonekana kuo. Nakuo nîgwacokire gûkîgîa na mveni, mîgambo na mîrurumo ya ngwa, kîthingithia na mbura nene ya mbembe.

Kûguû 16:18

Nîkwagîre mveni, mîgambo, mîrurumo ya ngwa, na kîthingithia kînene. Gûtirî kwagîa Kîthingithia kîngî na gîcûku ta kîu kuuma rîrîa mûndû aaûmbirwe.

1Sam 15:29

Nake Ngai wa Isiraeli ûrîa ûrî riiri ndaveenanagia kana ericûkwe, nîûndû ke ndekariî ta mûndû.”