Joeli 2:5 - ÎVUKU RÎA ÛVORO MWARO

⁵ Mararûgarûga marî îgûrû rîa kîrîma, mararûgarûga ta ikaari cia mbarathi; mararuruma ta mwaki wa macaki mama maûmû rîerarî. Mevangîte ta gîkundi kînene Kîam athigari kîîvarîrîtie kûrûa.

Joeli 2:5 ပူးပေါင်းရင်းမြစ်များ

Ayubu 39:20

Nîwe ûtûmaga mbarathi îrûgarûge ta ngige? Mûkunîrie wayo nîwakûmakania.

Ntha 5:12

Kwoguo andû a Isiraeli nîmaathiûrûrûkire Misiri kuonthe magîcaragia rûûa.

Isaia 30:30

Ngai-Mûnene nîagaatûma mûgambo wake ûrîa ûrî riiri wîguîke, na aringe nthû ciake na vinya arî na marakara. Nîgûkethîrwa na rûrîrîmbî rwa mwaki rwa kûvîvia viû, marurumî, ngûa na mbura ya mbembe.

Isaia 5:24

Kwoguo wata ûrîa mwaki ûvîvagia rûûa na nyaki, nwaguo mîri yao îkoora na maûa mao makaaûma na magûrûkue îgûrû ta rûkûngû; nîûndû nîmaregete watho wa Ngai-Mûnene mwene vinya wonthe, nîmanyararîte maûndû marîa Ûrîa Mûtheru wa Isiraeli athomithanîtie.

Jeremia 50:42

Manyitîte mîguî na matumû; nî aganu mûno na matirî ntha. Mûgambo wao nîta wa mûrurumo wa manjî îriarî, mathiîcaga mekarîrîte mbarathi, mekaraga mevarîrîtie kûrûa mbaara nawe we Babuloni.

Mathaayo 3:12

Ke nîmûvarîriu gîtaararû gîa kûgûrûkia ngano, nîguo aige ngano makûmbîrî, namo macaki amavîvie na mwaki ûrîa ûtavorekaga.”

Kûguû 9:9

Ngige icio nîciekîrîtwe indo cia kûgitîra ithûri cia cio ciekariî ta ngo cia cuuma. Nayo mîgambo îrîa yaumaga mathagurî ma cio igûrûkîte yagambaga ta înegene rîa ikaari nyîngî cia mbarathi ivinyûrîte mbaararî.