Joeli 2:22 - ÎVUKU RÎA ÛVORO MWARO

²² Mûtikegue guoya mue nyamû, kûndû gwa kûrîthia rîu nî kwîngî; mîtî rîu nîîraciara matunda, mîthavibu na mîkûyû nîîraciara mûno.

Joeli 2:22 ပူးပေါင်းရင်းမြစ်များ

Kîam 4:12

Wana warîma mûtheturî icio, gûtirî kîndû gîgaakûraga kuo. Ndûkaagîa na wîkaro na nîûtûûra ûrûûraga gûkû nthî.”

Thaburi 36:6

Ûthingu waku wîkariî ta irîma nene; waragania waku nî ta îria îriku mûno. We Ngai-Mûnene, nîwe ûgitagîra andû na nyamû.

Thaburi 65:12

Kûndû gwa kûrîthua gwîcûrîte ndîthia ya ng'ondu; irîmarî gwîcûrîte ikeno.

Thaburi 65:13

Mîgûndarî gwîcûrîte ng'ondu; ciandarî gwîcûrîte ngano. Indo cionthe nîirakûngûîra nî gûkena.

Thaburi 67:6

Kûrî na maketha vûrûrirî; Ngai, Ngai wetû, nîatûrathimîte.

Isaia 51:3

“Nîûndû nie Ngai-Mûnene nîngavoreria îtûûra rîa Zayuni, na ndûthe kûndû gwakuo kuonthe kûrîa gûcûkangu. Nîngaatua werû wa kuo ta mûgûnda wa Edeni, werû wa kuo nîûtue ta mûgûnda wa Ngai-Mûnene; kûu nîgûkethîrwa na gîkeno na gûcanjamûka, na nyîmbo cia gûcokia ngatho nîikeguîka kuo.

Ezek 36:30

Nîngaatûma matunda ma mîtî ya mîgûnda yenyu mongerereke wana maciaro ma mîgûnda yenyu nîguo mûtikagîe na yûra rîa gûtûma mûconorithue mûrî gatagatî ka ndûrîrî.

Ezek 36:35

Andû nîmakaauga atî vûrûri ûrîa watiganîrîtue rîu ûtuîkîte ta mûgûnda wa Edeni. Namo matûûra marîa maarî momoku, na magatuîka maganjo rîu nîmatûûrîtwe rîngî na makagitîrwa na nthingo.

Ezek 36:8

Nwatî mue irîma cia Isiraeli, mîtî yenyu nîîkagîa na mvûa na îciare matunda nîûndû wa andû akwa a Isiraeli nîûndû kavinda gatarî karaca nîmagaacoka kwao.

Jona 4:11

Nie mbagîrîrwe nî kwîguîra Nineve ntha ciîgana atîa, îtûûra rîu rînene? Makîria ya ûguo, îtûûrarî rîu kûrî na andû makîria ya ngiri îgana rîa mîrongo îîrî (120,000) matarî na mavîtia, na kûrî na nyamû nyîngî cia mîciî!”

Hagai 2:16

maûndû menyu mekariî atîa? Mwathiîre gwoca kîrûndo Kîam ngano mwîrîgîrîrîte kwona ithimo mîrongo îîrî, nwatî mwonire ithimo îkûmi tu. Mwathiîre îtangirî rîa ndivei mwîvokete gwîcûria mîtûngi mîrongo îtano, nwatî mwecûririe mîtûngi mîrongo îîrî tu.

Zakaria 8:12

Nîmakaavanda marî na thayû. Mîthavibu yao nîîgaciara thavibu, mîgûnda yao nîîkaagîa na maketha meengî na nîgûkethagîrwa na mbura ya kwîgana. Andû akwa arîa matigarîte nîngaamava irathimo ino cionthe.

1Akor 3:7

Kwoguo mûndû ûrîa ûvandaga wana ûrîa wîtagîrîria manjî ndarî vata. Ngai tu nîke ûrî vata nîûndû nîke ûtumaga indo ikûre.