Joeli 2:2 - ÎVUKU RÎA ÛVORO MWARO

² Ûcio nî mûthenya wa nduma na kîeva, mûthenya wa matu na nduma nene. Ngige nyîngî nîciûkîte, ciîkariî ta nduma îtambûrûkîte irîmarî. Gûtianethîrwa kûrî na tayo wanarî vanini, na ndîkoonekana rîngî kûrî njiarwa cionthe igaûka.

Joeli 2:2 ပူးပေါင်းရင်းမြစ်များ

Thaburi 10:6

Meîraga na ngoro atîrî, “Ndingîenyenya, ndikona thîna ûtûûrorî wakwa wonthe.”

Thaburi 97:2

Matu na nduma nene nîimûthiûrûrûkîrîtie; athanaga na ûthingu na kîvooto.

Ntha 10:14

Ngige icio ciaûkire irî gîtutu na igîcûra vûrûri wonthe wa Misiri. Ciarî gîtutu kînene mûno kîrîa gîtarî kîonekana, kana gîkoonekana rîngî.

Ntha 10:6

Nîigaatonya ciîcûre nyomba ciaku, nyomba cia anene aku na cia andû aku onthe a Misiri. Ûndû ûcio wa ngige icio ûkethîrwa ûrî mûcûku mûno atî wana methe menyu ma tene matirî moona ûndû ta ûcio.’ ” Nake Musa nîwavuvatîre mûthamaki wa Misiri na akîthiî.

Ntha 20:21

Andû nîmaarûngamire varaca, nwatî Musa arî wenga nîwathiîre vakuvî na îtu înene varîa Ngai aarî.

Isaia 5:30

Mûthenya ûcio makaararamîra Isiraeli, ta ûrîa makûmbî ma manjî marurumaga. Mûndû ûrîa ûkaaroria nthî nyûmû, akoona nduma na mathîna! Ûtheri nîûgakunîkwa nî matu.

Isaia 8:22

na marorie nthî, nwatî makeegua kîeva, mone thîna na nduma. Magaaikua ndumarî ndumanu.

Jeremia 13:16

Kumiani Ngai-Mûnene Ngai wenyu mbere ya areta nduma, na mbere ya mûvîngwa nî nduma îrîa îrî irîmarî. Mûkerirîria kwona ûtheri, nwatî agaatûma ûtuîke nduma nene.

Jeremia 13:6

Vuva wa mîthenya mîîngî, Ngai-Mûnene nîwambîrire atîrî, “Ûkîra na ûthiî rûnjîrî rwa Farati ûgoce thuruvarî îrîa nakwathire ûkathithe vo.”

Maca 1:12

“Taroriani mue muonthe mûravîtûka. Kûrî ûrî na kîeva ta gîakwa, kîeva kîrîa Ngai-Mûnene andeterete rîrîa aarakarîte mûno.

Ezek 32:7

Vîndî îrîa ngaakûthiria, nîngaakunîkîra matu na ndûme njata cia îgûrû ituîke nduma. Nîngaakunîkîra riûa na matu naguo mweri nîûgaatiga kûruta ûtheri waguo.

Ezek 34:12

Wata ûrîa mûrîthi acaragia ng'ondu irîa inyaganîtie, nîguo nie ngaacaria ng'ondu ciakwa na nîivonokie kuuma kûrîa kuonthe inyaganîrîtie mûthenya ûrîa gûkethîrwa kûrî na matu na nduma nene.

Ezek 38:9

We, vamwe na athigari aku a mbaara, na andû a mavûrûri marîa ûkeethîrwa mûnyitanîrîte nao nîmûkaathiî na îvenya ta rûvuvo mûtharîkîre vûrûri ûcio na nîmûgaaûkunîkîra ta îtu.”

Danieli 12:1

“Mavinda mau, Mikaeli, mûraika mûnene ûrîa ûgitagîra andû aku nî akaaumîra. Nî gûkethîrwa na mavinda ma thîna nyîngî îtanonekana kuuma rîrîa kwagîîre na vûrûri wa Isiraeli. Rîrîa kavinda kau gagaakinya mûndû wa wonthe, ûrîa rîîtwa rîake rîkethîrwa rîrî îvukuurî rîa mwoyo nîakaavonokua.

Danieli 9:12

Nîwavingirie maûndû marîa waugire nîûgaatwîka vamwe na athani etû. Nîwacûkangirie Jerusalemu gûkîra ûrîa wanacûkangia matûûra marîa mengî monthe ma nthî.

Joeli 1:6

Gîkundi Kîam ngige nîkîtharîkîrîte vûrûri wetû, kîrî na vinya na nî kînene mûno; magego ma kîo mekariî ta ma mûnyambû, mekariî ta ma mûnyambû wa nga.

Joeli 2:25

Nîngamûcokeria kîrîa Kîamûrire vingo îrîa ngige ciarîîre irio cienyu, nînie namûtûmîre athigari acio engî ûguo.

Joeli 2:31

Riûa nîrîgakûnîkwa rire, naguo mweri nîûgatunîva ta nthakame, mbere ya mûthenya wa Ngai-Mûnene ûkinya.

Joeli 2:5

Mararûgarûga marî îgûrû rîa kîrîma, mararûgarûga ta ikaari cia mbarathi; mararuruma ta mwaki wa macaki mama maûmû rîerarî. Mevangîte ta gîkundi kînene Kîam athigari kîîvarîrîtie kûrûa.

Joeli 3:4

“Mûrenda gwîka atîa mue Turo na Sidoni na kûu Filisiti kuonthe? Kûrî na ûndû mûrerîvîrîria? Ethîrwa nîkwa mûrerîvîrîria, nie nîngûmûrîvîrîria wa rîmwe.

Amosi 4:13

Ngai nîke waûmbire irîma na akîûmba mvuvo. Nîke ûmenyithagia mûndû meciria make, na nîke ûtûmaga mûthenya ûtuîke ûtukû. Athiîcagîrîra nthî kûrîa gûtûgîru. Rîîtwa rîake nî Ngai-Mûnene, Mwene vinya wonthe.

Zefania 1:7

Kirani mbere ya Ngai-Mûnene, nîûndû mûthenya ya Ngai-Mûnene ûrî vakuvî. Ngai-Mûnene nîavarîrîtie kîgongoona, na akamûra ageni ake a gîtîîo.

Zakaria 14:6

Kavinda kau gakinya gûtikethîrwa kûrî na mvevo kana mbaa.

Mathaayo 24:21

Nîûndû vîndî îo nîgûkeethîrwa na thîna mûnene ûkîrîte ûrîa wonthe wanagîa kuo kuuma rîrîa Ngai aaûmbire nthî nginyagia rîu, na gûtirî vîndî gûkooneka ta guo rîngî.

Maariko 13:19

Nîûndû vîndî îo andû nîmakoona mathîna matanoneka kuuma rîrîa Ngai aambîrîrie kûmba nthî. Na gûtirî vîndî andû makaathînîka ta ûguo rîngî.

Gûco 32:7

“Taririkanani ûvoro wa mavinda ma tene; ta îcirieni ûvoro wa mîaka mîîngî mîvîtûku, ûriani methe menyu na nîmakûmwîra ûrîa gwekariî, ûriani athuuri enyu na nîmakûmwîra ûrîa gwekariî.

Ahib 12:18

Mue mûtikinyîte vandû mûngîvutia ta ûrîa andû a Isiraeli maakinyire kîrîmarî gîa Sinai kîrîa gîaakanaga mwaki mûnene kûrî na nduma nene na rûkûngi rûnene.

Juda 1:13

Mekariî ta makûmbî ma manjî îriarî, na ciîko ciao cia ûûra nthoni ciîyumagîria ta mûvûû. Mekariî ta njata irîa ciûrûraga kûndû na kûndû. Nake Ngai nîamaigîrîte kûndû kûrî na nduma nene mûno tene na tene.

Kûguû 9:2

Njata îo nîyavingûrire îrima rîu rîtarî mûthiia. Nayo ndogo yekariî ta ndogo ya mwaki wa îcua nîyaumire kûu îrimarî rîu. Nayo ndogo îo yaumaga îrimarî rîu îrikîru rîtarî mûthiia nîyecûrire rîerarî na îkîvingîrîria ûtheri wa riûa.