Joeli 2:1 - ÎVUKU RÎA ÛVORO MWARO

¹ Vuvani karumbeta mûrî Zayuni; ugîrîriani mûrî kîrîmarî gîakwa kîthuure! Tigani andû onthe a Juda mainaine, nîûndû mûthenya wa Ngai-Mûnene nîûkîte, ûrî vakuvî mûno.

Joeli 2:1 ပူးပေါင်းရင်းမြစ်များ

1Maû 15:28

Kwoguo andû onthe a Isiraeli nîmaavirire îthandûkû rîa kîrîkanîro Kîam Ngai-Mûnene Jerusalemu. Maathiîre makiugagîrîria nîûndû wa gîkeno na nîmaavuvaga tûrumbeta, coro, makîringithanagia ithaani, makinaga nyîmbo na ngita.

Thaburi 119:120

Nînîrainaina nîûndû wa gûgwîtigîra; na nînîregua guoya wa matuîro maku.

Thaburi 87:1

Ngai-Mûnene nîatumîte îtûûra rîake îgûrû rîa kîrîma gîake kîtheru.

Ntha 10:14

Ngige icio ciaûkire irî gîtutu na igîcûra vûrûri wonthe wa Misiri. Ciarî gîtutu kînene mûno kîrîa gîtarî kîonekana, kana gîkoonekana rîngî.

Isaia 13:6

Rîrani, nîûndû mûthenya wa Ngai-Mûnene ûrî vakuvî, ûgaaûka wîkariî ta mûthiro kuuma kûrî mwene vinya wonthe.

Isaia 13:9

Taroria, mûthenya wa Ngai-Mûnene nîûgaakinya, mûthenya mûcûku wa marakara meengî na mang'ûrîka. Nthî nîgaacûkangua, nao andû evia arîa marî kuo mathirue viû.

Isaia 2:12

Mûthenya wa Ngai-Mûnene, mwene vinya wonthe nîûgaakinya, nîakaaverithia arîa onthe metîîaga na meyonaga marî aro, na arîa onthe metûgagîria.

Isaia 66:2

Nie mwene nînie naûmbire indo ino cionthe, na kwoguo indo ino cionthe nî ciakwa. Nwatî mûndû ûrîa ûngenagia, nî ûrîa wînyivagia na wîrirîte, ûrîa ûndîîte na ûmbathîkagîra.

Isaia 66:5

Tathikîrîriani ûrîa Ngai-Mûnene akuuga, mue arîa mwîgucaga mûgambo wake mûkainaina: “Andû enyu arîa mamûthûrîte na mamûnyararîte marauga atîrî nîûndû wakwa, ‘Ngai-Mûnene nîonanie ûnene wake, nîguo tûone mûgîkena.’ Nwatî o ene nîo magaaconoka!

Jeremia 16:10

“Rîrîa ûkeera andû acio maûndû mama monthe, nî magakûûria atîrî, ‘Nîndûî gîtûmîte Ngai-Mûnene atûtuîra gûtûverithia na ûndû mûcûku ûguo? Nî ûndû ûrîkû mûcûku twîkîte? Nî mevia marîkû twîvîtie Ngai-Mûnene, Ngai wetû?’

Jeremia 16:7

Gûtirî mûndû ûkaarîcanîra kana anyunyanîra na mûndû wa wonthe ûkuîrîrîtwe, nîguo amûmîrîrie. Wana gûtirî mûndû wana ûrîkû ûkaaringwa nî ntha nîûndû wa mûndû ûrîa ûkuîrîrîtwe nî îthe kana ng'ina.

Jeremia 4:5

Ugîrîria Juda na wanîrîre Jerusalemu uuge atîrî, “Vuvani tûrumbeta kûu vûrûrirî, anîrîrani mwîre andû magomane vamwe; mathiî matûûrarî marîa mairigîre.

Jeremia 5:22

Ngai-Mûnene araûria atîrî, Nîndûî kîgiragia mûnîîtigîra? Nîndûî kîgiragia mwinaine mûrî mbere yakwa? Nînaigîre mûthanga ûtuîke mûvaka wa îria, mûvaka wa gûtûûra ûrîa rîtangîkîra. Wana ethîrwa makûmbî nîmaikanagia ava na vaarîa mwatî matingîûvîtûka, wana ethîrwa nîmarurumaga, matingîûkîra.

Ezek 12:23

Rîu thiî ûmere ûrîa nie Ngai-Mûnene mbugîte atî, matigûcoka kûvûthîra nthimo îo rîngî gûkû vûrûrirî wa Isiraeli. Nwatî meere kavinda karî vakuvî rîrîa ûrathi wonthe ûkaavinga!

Ezek 21:12

Mûndû, rîra ûkiugagîrîria, nîûndû rûviû rûu rûnooretwe nîûndû wa andû akwa na atongoria a Isiraeli. Manenganîrîtwe nîguo maûragwe vamwe na andû akwa, Kwoguo îringe kîero!

Ezek 30:3

Nîûndû îvinda rîrî vakuvî, mûthenya wa Ngai-Mûnene ûrî vakuvî, ûkethîrwa ûrî mûthenya wîna matu, mûthenya wa kûthirua kwa ndûrîrî.

Ezek 33:3

Mûndû ûcio angîona nthû ciûkîte vûrûrirî ûcio nwa avuve karumbeta nîguo amenyithie andû.

Ezek 33:6

Nwatî mûrangîri angîona nthû ciûkîte na arege kûvuva karumbeta andû mamenyithue, nthû ciaûka nîikaûraga andû nîûndû wa mevia mao, nwatî gîkuû Kîam andû acio gîkaarîvua mûrangîri.

Ezek 7:10

“Taroriani, mûthenya nîmûku; mûthiro wenyu nîmûkinyu. Mbûkanîrîro îcûrîte kûndû kuonthe na mwîtîîo ûkengîva.

Ezek 7:12

“Kavinda nîgakinyu na mûthenya nwa ûrakuvîvîria. Mûgûri wa indo nîatige gûkena, kana mwendia wa indo egue kîeva nîûndû marakara ma Ngai magaakinyîra andû onthe.

Danieli 6:26

Nînathana nauga atî kûrîa kuonthe ûthamaki wakwa ûkinyîte, nwanginya andû onthe metigagîre na matîage Ngai wa Danieli. Nîûndû ke nî Ngai wî mwoyo na ûtûûraga tene na tene. Ûthamaki wake ndûkaathira rî kana rî na nîatûûra athanaga tene na tene.

Danieli 9:16

We Mwathani, nîûndû wa ûthingu waku tiga kûverithia Jerusalemu, îtûûra rîaku rîrîa rîrî kîrîmarî kîrîa kîtheru. Andû aku, na îtûûra rîa Jerusalemu methagîrwa marî na gîconoko mbere ya mavûrûri marîa mamarigicîrîtie, nîûndû wa mevia metû na maûndû macûku marîa meekirwe nî methe metû ma tene.

Danieli 9:20

“Vîndî îrîa naaragia ngîvoyaga na ngiumbûraga mevia makwa, na mevia ma andû akwa, Isiraeli na ngîthaithaga Ngai-Mûnene, Ngai wakwa nîûndû wa kîrîma gîake kîtheru,

Hosea 5:8

Vuvani coro kûu Gibea, na tûrumbeta kûu Rama. Vuvani kîng'ora kûu Bethaveni. Mue andû a Benjamini, tetemani!

Hosea 8:1

Vuva karumbeta! Nthû cienyu ciûkîte ta ndiiû, kûtharîkîra nyomba ya Ngai-Mûnene, nîûndû andû akwa nîmaunîte kîrîkanîro kîrîa narûthire nao, na magîtiganîria watho wakwa.

Joeli 1:15

Kaî twî na thîna-î; mûthenya ûcio wa Ngai-Mûnene nîûkîte; ûkîte vamwe na maûndû ma gûcûkangia, kuuma kûrî Ngai-Mûnene.

Joeli 2:11

Ngai-Mûnene nîathaga athigari ake, athigari ake nî engî mûno, arîa mamwathîkagîra nî eengî mûno. Mûthenya wa Ngai-Mûnene nî mûnene na nîwakûmakania, nîûrîkû ûngîvota kûwîtirîria?

Joeli 2:15

Vuvani karumbeta kûu kîrîmarî gîa Zayuni; anîrîrani andû menyerekie, na mwîtane mûcemanio mûtheru.

Joeli 2:31

Riûa nîrîgakûnîkwa rire, naguo mweri nîûgatunîva ta nthakame, mbere ya mûthenya wa Ngai-Mûnene ûkinya.

Joeli 3:14

Marakinya marî ikundi gwa ikundi Kîamndarî gîa îtuîro, nîûndû mûthenya wa Ngai-Mûnene nîûkuvîvîrie.

Joeli 3:17

Vîndî îo nîrîo we Isiraeli ûkaamenya atî, nînie Ngai-Mûnene Ngai waku, ndûûraga Zayuni, kîrîmarî gîakwa kîtheru. Jerusalemu îkethîrwa îrî ntheru, na ageni matikaarîvoota rîngî.

Amosi 3:6

Karumbeta ka mbaara nwa kavuvwe îtûûrarî na andû makarega gwîtigîra? Îtûûra nwa rînyitwe nî mûthiro tiga Ngai-Mûnene aûrekereretie?

Amosi 5:18

Kaî andû arîa metagîrîra mûthenya wa Ngai-Mûnene marî na thîna-î. Mwetagîrîra mûthenya ûcio wa Ngai-Mûnene nîkî na ûkethîrwa ûrî mûthenya wa nduma na tî wa ûtheri.

Amosi 8:2

Ngai-Mûnene nîwacokire akîmbîra atîrî, “Amosi, nî ndûî ûrona?” Na nie nînamûcokerie atîrî, “Nîrona matunda ma vîndî ya riûa mecûrîte gîkavurî.” Nake Ngai-Mûnene nîwacokire akîmbîra atîrî, “Mûthiia wa andû akwa a Isiraeli nîwakinya, ndingîricûkwa rîngî ûvororî wîgiî kûmaverithia.

Obadia 1:15

“Kavinda ka Ngai-Mûnene karî vakuvî ga gûtuîra mavûrûri monthe ciira. Ûrîa mwekire, nwaguo wanamue mûgekwa, mûkarîvwa kûringana na ciîko cienyu.

Zefania 1:14

Mûthenya mûnene wa Ngai-Mûnene nîûkuvîvîrie, ûrî vakuvî na ûraûka narua mûno. Mûgambo wa mûthenya wa Ngai-Mûnene nî mûrûrû mûno, athigari arîa aûmîrîru mûno nîmakaarîra na mûgambo mûnene.

Zefania 1:16

mûthenya ûcio nî wa tûrumbeta na mbaara, kûrî matûûra marîa marî nthingo nene na nthingo ndaca.

Zefania 1:7

Kirani mbere ya Ngai-Mûnene, nîûndû mûthenya ya Ngai-Mûnene ûrî vakuvî. Ngai-Mûnene nîavarîrîtie kîgongoona, na akamûra ageni ake a gîtîîo.

Zefania 3:11

Mûthenya ûcio we ndûgaaconorithua, nîûndû atî nîûreganîte nanie. Nîngaruta mûndû wa wonthe mwîtîi na mwaganu kûrî mue, na mue mûtikaregane nanie mûrî kîrîmarî gîakwa kîtheru.

Zakaria 14:1

Taroria! Mûthenya wa Ngai-Mûnene nîûgakinya. Mûthenya ûcio, mue andû a Jerusalemu indo cienyu nîigaatavwa na igaanwe mûkîonaga.

Zakaria 8:3

Nîngaacoka Zayuni nîguo ngatûûre Jerusalemu, nayo nîgaacoka gwîtagwa îtûûra rîvokeku, na kîrîma Kîammûre Kîam Ngai-Mûnene mwene vinya wonthe.

Malaki 4:1

Ngai-Mûnene mwene vinya wonthe arauga atîrî, “Taroria, mûthenya wa îtuîro nîûrakinya, ûgîakanaga ta mwaki mûnene mûno. Andû arîa aganu na etîi nîmakavîvua na mwaki ta nyaki mûthenya ûcio. Makavîvua mathire viû ta ûrîa mûtî ûvîcaga mvûa wana mîri.

Ndari 10:2

“Rûtha tûrumbeta twîrî twa sîlûva twa gûturwa. Ûgaatûmagîra tûrumbeta tûu gwîta andû vamwe, na kûmeera mambûre magema.

Ndari 10:3

Tûrumbeta tûu twîrî twavuvwa, andû onthe makaagomanaga varî we vau mûromorî wa îgema rîa Ngai-Mûnene.

1Akor 14:8

Ethîrwa karumbeta nwa kavuvwe ûndû gatangîguîka waro, nû ûngîîvarîria kûthiî mbaararî?

Afil 2:12

Kwoguo arata akwa, wata ûrîa mwambathîkagîra vîndî îrîa naarî vamwe namue, nîkwagîrîrîte mûmbathîkagîre mûno wana rîu nîrî varaca namue. Thiîni na mbere kûruta wîra mûrî na guoya na mûkinainaga nîguo mûrîkie ûvonokio wenyu.

1Ath 5:2

Nîûndû nîmwîcî waro atî Mwathani agaaûka gûtarî mûndû ûkûmwîrîgîrîra wata ûrîa mwîi aûkaga ûtukû.

Jakuvu 5:8

Wa namue nwa nginya mûkiragîrîrie. Îthagîrwani mûrî na kîîrîgîrîro nîûndû Mwathani arî vakuvî gûka.

1Pet 4:7

Îthirîro rîa indo cionthe rîrî vakuvî. Îkaragani mwîîguîte na mwîvarîrîtie, nîguo mûvotage kûvoya.

Kûguû 6:17

Nîûndû mûthenya wao Mûnene wa marakara nîmûkinyu. Nû ûngîvota kûmîrîria îverithania rîu?”