Joeli 1:9 - ÎVUKU RÎA ÛVORO MWARO

⁹ Matega ma irio na ndivei nî mathiru hekarûrî, na mûromorî wa Ngai-Mûnene; athînjîri-Ngai nîmaracakaya nîûndû matirî na kîndû mangîtegera Ngai-Mûnene.

Joeli 1:9 ပူးပေါင်းရင်းမြစ်များ

2Maû 13:10

“Nwatî tue, Ngai-Mûnene nî Ngai wetû na tûtimûtiganîrîtie. Tûrî na athînjîri-Ngai arîa matungataga Ngai-Mûnene na nîo njiarwa cia Aroni na nîmatethagua nî Alawi.

Ntha 28:1

“Îra mûrwanyûkwe Aroni na avîcî ake, Nadabu, Abihu, Eleazaru, na Ithamaru maûke varî we. Mamûre ûmarute kûrî andû a Isiraeli, nîguo mandungatagîre marî athînjîri-Ngai.

Isaia 61:6

Nwatî mue mûgeetagwa athînjîri-Ngai a Ngai-Mûnene, andû makaamwîtaga Ndungata cia Ngai wetû. Mûkaarîcaga ûtonga wa ndûrîrî, na mwîkenagie naguo.

Maca 1:16

“Nîûndû wa maûndû mau nînîrarîra, metho makwa magetûrûra methori. Gûtirî mûndû wanarî ûmwe ûngîmvoreria; gûtirî mûndû ûngînyûmîrîria, ciana ciakwa itigîtwe itarî kîndû, nîûndû nîrîmûvoote nî nthû yakwa.

Maca 1:4

Varavara cia kûthiî Zayuni nîiracakaya, gûtirî mûndû ûthiîcaga irugorî irîa nyamûre. Mîvîrîga yakuo yonthe nîmîtiganîrie, athînjîri-Ngai akuo nîmaracaa. Erîtu akuo nîmarathînîka, nayo Zayuni nîrathînîka.

Hosea 9:4

Matikarutîra Ngai-Mûnene matega ma ndivei wana magongoona mao matikamûkenia. Irugo ciao ikethîrwa ciîkariî ta irugo cia macakaya, andû onthe arîa makaairîa nîmakaagîa na mûgiro. Ikethîrwa irî irio cia kûmavaithia tu; itikavirwa hekarûrî ya Ngai-Mûnene.

Joeli 1:13

Mue athînjîri-Ngai, îkîrani nguo cia macakaya mûrîre, mue mûtungataga metharî ya kîgongoona rîrani. Thiîni hekarûrî na mûcakae ûtukû mûgima! Matega ma irio na ma ndivei matirî kuo nyombarî ya Ngai.

Joeli 1:16

Irio cietû nî njûkangie, gûtirî na gîkeno nyombarî ya Ngai.

Joeli 2:14

Nwa kwîthîrwa Ngai-Mûnene Ngai wenyu nîakwîricûkwa, na amûve irathimo cia irio nyîngî, mûcoke mûmûrutîre matega ma irio cia mûgûnda na ndivei.

Joeli 2:17

Gatagatî ka metha ya kîgongoona athînjîri-Ngai arîa matungataga Ngai-Mûnene nî marîre makiugaga atîrî: “Îguîra andû aku ntha we Ngai-Mûnene. Ndûkareke andû arîa engî matûmena, matûmena makîûragia atîrî, ‘Ngai wao arî kû?’ ”