Joeli 1:7 - ÎVUKU RÎA ÛVORO MWARO

⁷ Nîicûkangîtie mîthavibu yakwa, nîirîte mîkûyû yetû, nîirutîte makoni na ikamaikia nthî, na mvûa cia yo itigîtwe irî njerû.

Joeli 1:7 ပူးပေါင်းရင်းမြစ်များ

Thaburi 105:33

Nîwacûkangirie mîthavibu na ya mîkûyû yao, na akiunanga mîtî yonthe vûrûrirî wao.

Ntha 10:14

Ngige icio ciaûkire irî gîtutu na igîcûra vûrûri wonthe wa Misiri. Ciarî gîtutu kînene mûno kîrîa gîtarî kîonekana, kana gîkoonekana rîngî.

Ntha 10:15

Nacio nîciakunîkire nthî nginya îkîgîa rangi mwirû nîûndû wacio. Nacio nîciarîre kîndû kîonthe kîrîa gîatigarîte gîgîkûra vîndî ya mbura ya mbembe, na ikîrîa wa na matunda monthe marîa maarî mîtîrî. Gûtirî îthangû rîatigarire rîgîkûraga mîtîrî kana mîmerarî yonthe kûu vûrûrirî wa Misiri.

Isaia 24:7

Mîthavibu nîravova, nayo ndivei îkathira. Arîa onthe marakenaga rîu marî na kîeva.

Isaia 32:12

Îîvûûreni ithûri mûrî na kîeva Kîam mîgûnda yenyu îrîa mîaro, na nîûndû wa mîthavibu îrîa îciaraga mûno,

Isaia 5:6

Nîngaaûrekereria ûcûkangue viû; ndigacaa mîthavibu ya mûgûnda ûcio na ndîkaamîrîmîra. Nîûkaamera nthaugû na mîgua; na nîngaatha matu matikaurithie mbura mûgûndarî ûcio rîngî.”

Jeremia 8:13

Ngai-Mûnene arauga atîrî, “Nendaga gûcokanîrîria andû akwa vamwe, ta ûrîa mûrîmi acokanagîrîria maketha make, mekariî ta mîthavibu îtarî na thavibu, kana ta mîkûyû îtarî na ngûû; na mathangû mayo marî maûmû, wana kîrîa kîonthe namaveete nîkîaûrire.”

Hosea 2:12

Nîngacûkangia mîthavibu yake na mîkûyû yake, irîa augaga atî arîvirwe nî arata ake, Nîngaamîtua mûtitû îrîcagwe nî nyamû cia kîthaka.

Joeli 1:12

Mîthavibu na mîkûyû nî mîvovu; mîtî yonthe ya matunda nî mîthiru vinya, mîkûngûmanga, mîkîndû na mîtunda yonthe nî mîûmû, na gîkeno nî kîthiru gatagatîrî ka andû.

Amosi 4:9

“Nînamûverithirie na kûmûvîvîria mîmera na ndavaîki. Mîgûnda yenyu yonthe ya irio wana ya mûthavibu wana mîtî yenyu îrîa îkethagwa ngûyû na ndamaiyû nîyarîrwe nî ngige. Kûnarî ûguo nîmwaregire kûnjokerera.

Habakuku 3:17

Wana ethîrwa mîkûyû tî îraa, kana mîthavibu îciara matunda, na mîtamaiyû îrege gûciara, na mîgûnda îture maketha, ndîthia cia ng'ondu na ng'ombe ciume kûrî irîa ciîngî, na ndîthia cia ng'ombe iture njagarî,

Malaki 3:11

Nîngengata cianangi itigacûkangie kîmera kîenyu. Mîthavibu ya mîgûnda yenyu ndîgatiga gûciara matunda. Ûguo nîguo nie Ngai-Mûnene, mwene vinya wonthe nîrauga.