Joeli 1:2 - ÎVUKU RÎA ÛVORO MWARO

² Thikîrîriani mue andû akûrû; thikîrîriani mue muonthe mûtûûraga nthî! Nîkûrî ûndû ta ûyû wanoneka mûtûûrîrerî wenyu, kana vîndî ya njiarwa cienyu?

Joeli 1:2 ပူးပေါင်းရင်းမြစ်များ

Ayubu 12:12

Andû arîa akûrû nîo methagîrwa na ûûgî, na guo ûmenyo na arîa matûûrîte mîaka mîngî.

Ayubu 15:10

Gatagatî getû kûrî na athuuri akûrû na marî na mbuî, na akûrû gûkîra aguo.

Ayubu 21:7

Andû arîa aganu matûûraga mwoyo nîkî? Nîndûî gîtûmaga matûûre mîaka mîîngî na marî na vinya?

Ayubu 8:8

Nîramûthaitha mwîrute maûndû kuumana na arîa maarî kuo tene, na mûmenye maûndû marîa methe metû moonete.

Thaburi 49:1

Mue andû onthe, tathikîrîriani ûndû ûyû, thikîrîriani, andû onthe arîa mûtûûraga nthî,

Isaia 34:1

Mue andû a mavûrûri monthe ma nthî ûkani vakuvî mwîgue, mue andû a ndûrîrî cionthe ta thikîrîriani! Nthî ta nîîthikîrîrie, wana indo cionthe irîa ciîcûrîte kuo; nthî, wana indo cionthe irîa ciumaga kuo ta nîithikîrîrie.

Isaia 7:17

“Ngai-Mûnene nîagaakûretere we, andû aku, na andû a nyomba ya aguo yonthe mavinda ma thîna, îrîa îtanoneka rîngî kuuma rîrîa andû a Isiraeli maamûkanire na andû a Juda; thîna ûcio ûkaaumana na mûthamaki wa Asîria.

Jeremia 30:7

Nama mûthenya ûcio nî mûnene, gûtirî mûthenya wîngî ta guo, nî mûthenya wa kîeva kûrî andû a Jakovu; kûnarî ûguo nîmakavonokua kuuma thînarî ûcio.”

Jeremia 5:21

Thikîrîriani mue irimû na andû aritu, mûrî na metho, nwatî mûtionaga, mûrî na matû, nwatî mûtiîgucaga.

Danieli 12:1

“Mavinda mau, Mikaeli, mûraika mûnene ûrîa ûgitagîra andû aku nî akaaumîra. Nî gûkethîrwa na mavinda ma thîna nyîngî îtanonekana kuuma rîrîa kwagîîre na vûrûri wa Isiraeli. Rîrîa kavinda kau gagaakinya mûndû wa wonthe, ûrîa rîîtwa rîake rîkethîrwa rîrî îvukuurî rîa mwoyo nîakaavonokua.

Hosea 4:1

Ta thikîrîriani kiugo Kîam Ngai-Mûnene mue andû a Isiraeli, nîûndû Ngai-Mûnene nîarathitanga atûûri a vûrûri ûyû. “Gûtirî na wîvokeku kana ntha vûrûrirî ûyû, gûtirî mûndû ûmenyete Ngai-Mûnene vûrûrirî ûyû.

Hosea 5:1

Ta thikîrîriani ûvoro ûyû, mue athînjîri-Ngai! Tegani matû mue andû a Isiraeli! Ta thikîrîriani, mue nyomba ya mûthamaki! Mue mwagîrîrwe nî kûrûmîrîra kîvooto, îthenya rîa ûguo mwîthîrîtwe mûrî mûtego kûu Mizipa, ta neti ya kûmûnyita yarîtwe kîrîmarî Kîam Taboru.

Joeli 1:14

Rutani watho andû menyerekie; îtani andû magomane vamwe. Ûnganiani andû arîa akûrû na andû arîa matûûraga vûrûrirî mûthiî hekarûrî ya Ngai-Mûnene, Ngai wenyu, na mûrî kûu mûrîrîre Ngai-Mûnene.

Joeli 2:2

Ûcio nî mûthenya wa nduma na kîeva, mûthenya wa matu na nduma nene. Ngige nyîngî nîciûkîte, ciîkariî ta nduma îtambûrûkîte irîmarî. Gûtianethîrwa kûrî na tayo wanarî vanini, na ndîkoonekana rîngî kûrî njiarwa cionthe igaûka.

Amosi 3:1

Mue andû a Isiraeli, tathikîrîriani ndûmîrîri îrîa Ngai-Mûnene arîtie îmwîgiî mue arîa onthe aarutire vûrûri wa Misiri.

Amosi 4:1

Tathikîrîriani kiugo gîkî, mue aka a Samaria mue mûnorete ta ng'ombe cia Bashani irîa ndîthie waro mûno. Mûnyamaragia athîni na mûkavinyîrîria arîa matarî kîndû na mûkera arûme enyu mamûretere ndivei mûnyue!

Amosi 5:1

Tathikîrîria ngîgûcakaîra we Isiraeli.

Mika 1:2

Mue andû onthe thikîrîriani; we nthî na indo irîa irî kuo ta thikîrîria. Ngai-Mûnene nîararia maûndû macûku mamwîgiî, araria arî hekarûrî yake ntheru.

Mika 3:1

Mûrathi Mika nîwaugire atîrî, “Thikîrîriani mue anene na atongoria a andû a Isiraeli! Mwagîrîrwe nî kwîthîrwa mûkîrûmîrîra kîvooto.

Mika 3:9

Tanthikîrîriani mue atongoria a nyomba ya Jakovu; thikîrîriani mue anene a nyomba ya Isiraeli, mue mûmenete kîvooto, mue mûgarûraga ûûma mûgaûtua maveeni.

Mathaayo 13:9

Nake Jesû akîrîkîrîria nîwamerire atîrî, “Ûrîa wîna matû ma kwîgua nîegue!”

Mathaayo 24:21

Nîûndû vîndî îo nîgûkeethîrwa na thîna mûnene ûkîrîte ûrîa wonthe wanagîa kuo kuuma rîrîa Ngai aaûmbire nthî nginyagia rîu, na gûtirî vîndî gûkooneka ta guo rîngî.

Kûguû 2:7

“Mûndû wa wonthe ûrî na matû ma kwîgua, nîathikîrîrie ûrîa Roho arera makanitha! “Arîa makaavootana nîngaametîkîria marîe matunda ma mûtî wa mwoyo ûrîa ûrî mûgûndarî wa Ngai.